ပလိပ်အင်းတွင်ကျက်စားသော ဆောင်းခိုငှက်များကို နိုင်ငံခြားသား ငှက်သုတေသနပညာရှင်များ လာရောက်လေ့လာမှုများပြား

စဥ့်ကိုင်၊ ဖေဖော်ဝါရီ-၄

မန္တလေးတိုင်းဒေသကြီး ကျောက်ဆည်ခရိုင်၊ စဥ့်ကိုင်မြို့နယ် ပလိတ်အင်းရေတိမ်ဒေသနှင့် အမရပူရမြို့နယ် တောင်သမန်အင်းတွင်ကျက်စားသော ဆောင်းခိုငှက်များကို နိုင်ငံခြားသားငှက်သုတေသနပညာရှင်များ၊ ပြည်တွင်းငှက်သုတေသနပြုသူများ၊ ငှက်ချစ်သူများ လာရောက်လေ့လာမှုများပြားလျက်ရှိကြောင်း ဖေဖော်ဝါရီ ၁ ရက်တွင် မြန်မာငှက်နှင့် ဆောင်းခိုငှက်များ ထိန်းသိမ်းစောင့်ရှောက်ရေးငှက်ချစ်သူများအသင်း၊ အထက်မြန်မာပြည်အခြေစိုက်ရုံး မန္တလေးတိုင်းဒေသကြီးဇုန်(ပလိပ်အင်း) ပြန်ကြားရေးနှင့် ဧည့်ကြိုဌာနမှ ဦးအောင်သွင်နှင့် ဧည့်လမ်းညွှန်ဦးဉာဏ်မျိုးထက်တို့ထံမှ သိရသည်။

အဆိုပါဒေသတွင် အဦးဆုံးရောက်ရှိလာသော ဆောင်းခိုငှက်များမှာ တောငန်းရိုင်း၊ ခရုတုပ်၊ ဟင်္သာ၊ ဥပန်းငှက်၊ တစ်တီတူး၊ မြီးညှောင့်ငှက်နှင့်အတူ အခြားရှားပါးငှက်မျိုးစိတ်များလည်း ပါဝင်သည်။ လိပ်အင်းအတွင်း ရေငှက်မျိုးစိတ် ၃၇ မျိုး၊ အခြားငှက်မျိုးစိတ် ခုနစ်မျိုး၊ ငါးမျိုးစိတ် ရှစ်မျိုးကျက်စားပြီး ကွင်းဆင်းလေ့လာမှုမှတ်တမ်းများအရ ရေငှက်မျိုးစိတ် ၃၀၊ ရာသီအလိုက် ပြောင်းရွှေ့ကျက်စားသည့် ဆောင်းခိုငှက် ၁၁ မျိုး၊ ဒေသမျိုးရင်းငှက်မျိုးစိတ် ၁၉ မျိုးနှင့် အခြားမျိုးစိတ်များ ကျက်စားကြောင်း သိရသည်။

ပလိပ်အင်းမှာ လူသွားလာမှုနည်းပြီး ငှက်များကျက်စား၍ကောင်းသည်။ ယင်းအင်းမှာ ဧရာဝတီမြစ်လက်တက်ဖြစ်သော မြစ်ငယ်မြစ်မှအင်းအတွင်း ရေဝင်ရောက်ကာ ရေအရည်အသွေးမှာကောင်းမွန်ပြီး အင်းအတွင်း ကြာလင်ပန်း၊ ရေမှော်၊ ကနဖော့၊ ဟင်းချန်၊ ရေကန်စွန်းစသည့်အပင်များမှာ ဆောင်းခိုငှက်များနှစ်သက်သော အပင်မျိုးများဖြစ်သည်။

လက်ရှိကာလတွင် ပလိပ်အင်းနှင့် တောင်သမန်အင်းအတွင်း ကျက်စားသောဆောင်းခိုငှက်များကို နိုင်ငံခြားသားငှက်သုတေသနပညာရှင်များ၊ ပြည်တွင်းငှက်သုတေသနပြုသူများ၊ ငှက်ချစ်သူများလာရောက်လေ့လာမှု များပြားလျက်ရှိကြောင်း သိရသည်။