သရုပ်ဆောင်ခါရာနှင့် တွေ့ဆုံခြင်း

သရုပ်ဆောင်၊ မော်ဒယ်လ်ခါရာသည် Mr. ပြိုင်ပွဲများ ဝင်ရောက်ယှဉ်ပြိုင်ရင်း မနေ့ကဖြစ်သည် Series တွင် ရဲတစ်ယောက်အဖြစ် ပါဝင်သရုပ်ဆောင်ထားရာမှ ပရိသတ်၏အသိအမှတ်ပြုမှုကို ရရှိလာသူဖြစ်သည်။ အက်ရှင်ဇာတ်ကားများကို အဓိကထားရိုက်ကူးကာ ယခုလက်ရှိတွင် ဇာတ်လမ်း၊ ဇာတ်ညွှန်း၊ ဒါရိုက်တာဉာဏ်ထင်ရိုက်ကူးသောမျက်နှာပြင်များ ရုပ်ရှင်ဇာတ်ကားတွင် ကာရိုက်တာနှစ်မျိုးဖြင့် ပါဝင်သရုပ်ဆောင်ထားပြီး ဖေဖော်ဝါရီ ၉ ရက်တွင်စတင်ပြသတော့မည်ဖြစ်သည်။

အဆိုပါဇာတ်ကားတွင် ပါဝင်သရုပ်ဆောင်ထားသော ကာရိုက်တာပိုင်းနှင့်ရိုက်ကူးစဉ် အမှတ်တရများကို မေးမြန်းခဲ့သည်များမှ အချို့ကို ကောက်နုတ်ဖော်ပြလိုက်ရပါသည် –

မေး – ဒီဇာတ်ကားလေးရိုက်ဖြစ်ပုံ ပြောပြပေးပါဦး။

ဖြေ – ကျွန်တော်က အက်ရှင်ဇာတ်ကား အရမ်းရိုက်ချင်တယ်။ ကျွန်တော်တို့ထုတ်လုပ်သူနဲ့ပြောကြည့်ပြီးတော့ သူတို့ကလည်း ရိုက်ချင်တယ်။ ရိုက်ဖို့ဆုံးဖြတ်ချက်လည်း ချလိုက်တယ်။ ကျွန်တော်တို့ အက်ရှင်ရိုက်နိုင်တဲ့ ဒါရိုက်တာကိုရှာတဲ့အခါမှာ ကိုဉာဏ်ထင်ကို သွားတွေ့တာပေါ့။ အဲဒီမှာစပြီးတော့ ရိုက်ဖြစ်သွားတာပါ။

မေး – ခါရာရဲ့ မျက်နှာပြင်များရုပ်ရှင်ဇာတ်ကားမှာ ကာရိုက်တာနှစ်မျိုးကို ဘယ်လိုကြိုးစားခဲ့လဲ။

ဖြေ – ဒီဇာတ်ကားကို စရိုက်ကတည်းက ဒါရိုက်တာက သူ့ဂိုက်လိုင်းအတိုင်း လုပ်ခဲ့တယ်။ ကျွန်တော့် ကာရိုက်တာကတော့နှစ်မျိုးပေါ့။ အရမ်းတော့ မခက်ခဲပါဘူး။ သေသေချာချာတော့ ကြိုးစားထားပါတယ်။ ဒီဇာတ်ကားက မရိုက်ခင်ခြောက်လလောက်ကတည်းက ကြိုတင်လေ့ကျင့်ပြင်ဆင်တာတွေ လုပ်ထားတယ်။ ထပ်ကာထပ်ကာ လေ့ကျင့်ရတယ်။ ပြီးတော့ ဒီကာရိုက်တာလေးဝင်သွားအောင် သေချာလေး Train ပေးတယ်။

ကာရိုက်တာနှစ်ခုက လုံးဝဆန့်ကျင်ဘက်ဖြစ်တဲ့အတွက် အားနည်းတဲ့ကာရိုက်တာကျရင်လည်း ဘယ်လိုမျိုးလုပ်မယ်။ Limit ဘယ်လောက်အထိရတယ်။ အသံနေ အသံထားကအစ ကျွန်တော့်ကို သင်ပေးတယ်။ ကာရိုက်တာအမာဘက်ကဆိုရင်လည်း မျက်နှာအနေအထားကအစ အကုန်သင်ပေးပါတယ်။

မေး – ဒီဇာတ်ကားမှာ သရုပ်ဆောင်မှုအပေါ် ဘယ်လိုသဘောရလဲ၊ ကိုယ့်ကိုယ်ကိုယ် အားရကျေနပ်မှုရှိလား။

ဖြေ – ဒီဇာတ်ကားကို လုံးဝအားရပါတယ်။ ကိုယ့်ကိုယ်ကိုယ်လည်း ကျေနပ်ပါတယ်။ တချို့ဟာလေးတွေကတော့ လိုအပ်ချက်ရှိတယ်။ အဲဒီအချိန်တုန်းက ကျွန်တော်အကောင်းဆုံးကြိုးစားခဲ့တယ်။ မရမချင်းကြိုးစားခဲ့တယ်။ အသံဆိုလည်း သုံးခါလောက်ပြန်သွင်းခဲ့ရတယ်။ အသက်ရှူသံကအစ ပြန်သွင်းခဲ့တယ်။ ဘယ်သူမှလည်း မမြင်ရဘူး။ ရုပ်ကတ်တွေကြည့်ပြီးတော့ စကားပြောရတာပေါ့နော်။

ကျွန်တော့်ရဲ့ ပထမဆုံးအက်ရှင်ကားဖြစ်တဲ့အတွက် အခုချိန်လောက်တော့ မပြည့်စုံဘူးလို့ထင်တယ်။ အက်ရှင်ပိုင်းမှာကတော့ အခုအချိန်မှာ ပိုကောင်းတယ်လို့ထင်တယ်။ အဲဒီတုန်းက ပထမဆုံးအတွေ့အကြုံဆိုတော့ ကြိုးစားပြီး လုပ်ခဲ့တယ်။ အခုနေပြန်ကြည့်ရင်တော့ လိုအပ်ချက်တွေ အများကြီးရှိနေပါသေးတယ်။ ဘယ်ဇာတ်ကားဖြစ်ဖြစ် Perfect ဆိုတာတော့ မရှိပါဘူး။ လိုအပ်ချက်ဆိုတာတော့ ရှိပါတယ်။

မေး – ဒီဇာတ်ကားရိုက်ကူးတဲ့အချိန်မှာ အမှတ်တရတွေရော ရှိခဲ့သေးလား။

ဖြေ – ဒီကားမှာ ဆက်တိုက်သေနတ်ပစ်တဲ့အခန်းပေါ့။ အဲဒီအခန်းဆို တစ်ဆင်းန်ပဲ ရိုက်တာ ဆက်တိုက်ဆက်တိုက်ရိုက်တယ်။ နောက်ဆုံး ကောင်လေးကို အသက်မေးတဲ့အခန်းထိပေါ့။ တော်တော်ကြာကြာရိုက်ရတယ်။ အခေါက် ၂၀၊ ၃၀ လောက်အထိ ပြန်ရိုက်ရတယ်။ အဲဒါကတော့ အမှတ်တရပေါ့နော်။

မေး – ဒီဇာတ်ကားက ရုံတင်ခွင့်ရဖို့ အခက်အခဲတွေရှိခဲ့တယ်လို့သိရပါတယ်။ အဲဒါနဲ့ပတ်သက်ပြီးတော့ ပြောပြပေးပါဦး။

ဖြေ – ဒီဇာတ်ကားက ကျွန်တော့်ရဲ့ ပထမဦးဆုံးဇာတ်ကားပါ။ Bonanza ကထုတ်တဲ့ ပထမဆုံးဇာတ်ကားပါ။ ထုတ်လုပ်သူကတော့ ထုတ်ပေးတယ်။ ဒါပေမဲ့ ကျွန်တော်တို့မျက်နှာသစ်တွေက ဈေးကွက်မရှိဘူးပေါ့နော်။ အဲဒီလိုပြောပြီးတော့ အချိန်အတော်ကြာ နေလှန်းခံထားရတယ်။ ကျွန်တော်တို့လည်း တင်ခွင့်မရခဲ့ဘူး။ တကယ်တမ်းဖြစ်စေချင်တာကတော့ ကျွန်တော်တို့အသစ်တွေကိုလည်း နေရာပေးသင့်တယ်။ အသစ်တွေလည်း ဒီလိုအရည်အသွေးကောင်းတဲ့ဇာတ်ကားတွေ ရိုက်နိုင်တယ်ဆိုတာကို ပြချင်တယ်။ ရုပ်ရှင်တွေမှာ သူ့ဈေးကွက်နဲ့သူရှိတယ်။ ဟာသဆိုလည်း ဟာသအလျောက်၊ Drama ဆိုလည်း Drama အလျောက်ပေါ့။

မေး – ဒီဇာတ်ကားရိုက်ကူးတဲ့အချိန်မှာ အခက်အခဲတွေ ရှိခဲ့လား။

ဖြေ – ဒီဇာတ်ကားက အခု ရန်ကုန်ရောက်သွား၊ အခုနေပြည်တော်ရောက်သွားတဲ့အခန်းမျိုးတွေ ပါပါတယ်။ ဒါပေမဲ့ တကယ်တမ်းက အချိန်အတော်ကြာပါတယ်။ အပြင်မှာ တကယ်သွားရိုက်ရတာ အရမ်းကြာပါတယ်။ နေပြည်တော်ရဲ့ရာသီဥတုကလည်း ပူတယ်ဆိုတော့ အဲဒီလိုပူနေတဲ့ကြားထဲမှာ Fighting တွေချရတယ်။ ပထမဆုံးအတွေ့အကြုံဆိုတော့ အလွဲလွဲအချော်ချော်တွေဖြစ်တယ်။ ထိမိတယ်။ မျက်နှာတွေလည်း အထိုးခံရတယ်။ ရင်ဘတ်တွေလည်း အကန်ခံရတယ်။ အဲဒီလို ပင်ပင်ပန်းပန်းနဲ့ ကျွန်တော်တို့ ရိုက်ခဲ့ရတာပေါ့။

မေး – ဒီဇာတ်ကားနဲ့ ပတ်သက်ပြီးတော့ ပရိသတ်ကို ဘာပြောချင်ပါသလဲ။

ဖြေ – ဒီဇာတ်ကားက လူငယ်တွေအနေနဲ့ ကြိုးစားထားတာဖြစ်တဲ့အတွက် သေချာလေးကြည့်စေချင်တယ်။ ကောင်းရင်လည်း ကောင်းတဲ့အလျောက်၊ လိုအပ်ချက်တွေရှိရင်လည်း လိုအပ်ချက်တွေရှိတဲ့အလျောက်ပေါ့။ ဝေဖန်စေချင်တယ်၊ အကြံပြုစေချင်တယ်ပေါ့နော်။ လူငယ်တွေက စည်းစည်းလုံးလုံးနဲ့ကြိုးစားကြမယ်ဆိုရင် အခုလိုအကောင်းဆုံးအရာတွေကို ဖန်တီးနိုင်မှာပါဆိုတဲ့ မက်ဆေ့ခ်ျကိုရမှာပါ။