၂၀၁၈ ခုနှစ် တက္ကသိုလ်ဝင်စာမေးပွဲ ဇီဝဗေဒဘာသာရပ်လမ်းညွှန်

၂၀၁၈ ခုနှစ် တက္ကသိုလ်ဝင်စာမေးပွဲ ဇီဝဗေဒဘာသာရပ် အထောက်အကူပြု သိကောင်းစရာများဖြစ်ပါတယ်။

အချက်အလက်များမှာ-

(၁) ဇီဝဗေဒဘာသာရပ် မေးခွန်းသဘောတရား
(၂) အခန်းများအလိုက် အမှတ်ခွဲဝေပုံနဲ့
(၃) ဖြေဆိုသင့်သည့်ပုံစံများဆိုပြီး သုံးပိုင်းခွဲခြားဖော်ပြပါမယ်။

ဇီဝဗေဒဘာသာရပ် မေးခွန်းသဘောတရားမှာ-

Grade-10. Biology ပြဋ္ဌာန်းစာအုပ်တွင်ပါရှိသော အခန်း(၁)မှ အခန်း(၁၂)အထိ သင်ခန်းစာတွေဟာ ဇီဝဗေဒဘာသာရပ်ကို လေ့လာသင်ကြားနေကြတဲ့ ကျောင်းသား၊ ကျောင်းသူတွေအတွက် သိရှိနားလည်သင့်တဲ့အကြောင်းအရာတွေကို အစီအစဉ်တကျ ပြဋ္ဌာန်းထားခြင်းဖြစ်ပါတယ်။ ဒါကြောင့် ဇီဝဗေဒမေးခွန်းဟာလည်း အခန်း(၁၂)ခန်းမှာ ပြဋ္ဌာန်းထားတဲ့ အကြောင်းအချက်တွေရဲ့ နားလည်မှုအပေါ်ကိုအခြေခံတဲ့ မေးမြန်းတဲ့မေးခွန်းတွေဖြစ်ပါတယ်။

ဇီဝဗေဒဘာသာရပ်ရဲ့ မေးခွန်းပုံစံကို လေ့လာကြည့်မယ်ဆိုရင် အပိုင်း(၅)ပိုင်း ပါရှိပါတယ်။ ၎င်းတို့မှာ-

1. TRUE / FALSE.
2. Completion.
3. Short Questions. (2-marks)
4. Short Questions. (4-marks)
5. Long Questions. (8-marks)

တစ်ပိုင်းချင်းအလိုက် မေးတဲ့ပုံစံနဲ့ ဖြေဆိုရမယ့်ပုံစံကို နှိုင်းယှဉ်ကြည့်ရင် မေးခွန်းတွင်ပေးထားတဲ့ အမှတ်ပေါင်း ၁၆၆ မှတ်ရှိပြီး အမှတ် ၁၀၀ ဖိုးသာဖြေဆိုရမှာဖြစ်သဖြင့် ရွေးချယ်မှုများစွာပါရှိပါတယ်။ ဒါကြောင့် သေချာစွာလေ့လာမယ်ဆိုရင် အောင်မှတ်ရော ဂုဏ်ထူးပါရရှိနိုင်တဲ့ဘာသာဖြစ်ကြောင်း ဦးစွာပြောကြားလိုပါတယ်။

မေးခွန်းနံပါတ်(၁)မှာ – True/ False အပိုင်းဖြစ်၍ ပုဒ်ခွဲ (၂၀) လုံးမေးထားပြီး ပုဒ်ခွဲ (၂၀) လုံးဖြေဆိုရမှာဖြစ်ပါတယ်။ True/ False အပိုင်းတွင် မေးသောမေးခွန်းတွေအတွက် Statement တွေကို သေချာစွာဖတ်ပါ။ မိမိသိရှိနားလည်သော အကြောင်းအရာနဲ့ကိုက်ညီမှုရှိပါက TRUE ဟု ဖြေဆိုရမှာဖြစ်ပြီး အမေးဝါကျတွေဟာ မကိုက်ညီပါက FALSE ဟု ဖြေဆိုရမှာဖြစ်ပါတယ်။ Statement အမေးဝါကျတွေဟာ စာအုပ်ထဲက အကြောင်းအရာတွေကို တိုက်ရိုက်မေးထားတာတွေရှိသလို ကိုယ်ပိုင်ဝါကျတွေတည်ဆောက်ပြီးလည်း မေးတတ်ပါတယ်။ ပုဒ်ခွဲများအလိုက်ခွဲဝေမှုမှာ အခန်း(၃)၊ (၇)၊ (၁၀)နဲ့(၁၂) တွင် တစ်ပုဒ်စီမေးလေ့ရှိပြီး ကျန်အခန်းတွေက နှစ်ပုဒ်စီမေးလေ့ရှိပါတယ်။

မှတ်ချက် ။ – True or False စာလုံးများကို Capital Letter ဖြင့်သာ ရေးရပါမယ်။ T သို့မဟုတ် F သော်လည်းကောင်း၊ True / False ဟုလည်းကောင်း၊ TURE ချည်းသော်လည်းကောင်း၊ FALSE ချည်းသော်လည်းကောင်း မရေးရပါ။ (အမှတ်ပေးလိမ့်မည်မဟုတ်ပါ။)

– မေးခွန်းနံပါတ်(၁)နှင့် (၂)အတွက် မေးခွန်းထဲက နံပါတ်အတိုင်းတပ်ပါ။ ကော်လံခွဲတပ်ပါ။ တစ်ဖက်လျှင် (၁၀) ခုစီ တပ်ပါ။

– နံပါတ်ကျော်ခြင်း၊ နံပါတ်မမှားအောင် ဂရုစိုက်ပါ။

မေးခွန်းနံပါတ်(၂)မှာ Completion ကွက်လပ်ဖြည့်မေးခွန်းတွေဖြစ်ပြီး ဘာသာရပ်ဆိုင်ရာ သိသင့်တဲ့အကြောင်းအရာတွေကို မေးလေ့ရှိပါတယ်။ မေးခွန်းဝါကျတည်ဆောက်တဲ့အခါ ကွက်လပ်ချန်ပြီးဖော်ပြထားတဲ့အတွက် နားလည်မှုအပြင် ကွက်လပ်ထဲမှာဖြည့်ရမယ့်စာလုံးပေါင်းကို မှန်မှန်ဖြည့်ရပါမယ်။ မှားတတ်သောစာလုံးတွေကို ရေးကျက်ပါ။ သတ်မှတ်စာလုံးအတိုင်း၊ အရေအတွက်အတိုင်းရှိရပါမယ်။ “ပို”မရေးရ။ (အမှတ်လျှော့ခံရလိမ့်မည်။)

Example.(1). _____ respiration is the breakdown of glucose in the presence of oxygen with the release of energy.

(အဖြေမှာ-Aerobic ဖြစ်ပါသည်။ respiration ကို ထပ်ပြီးမထည့်ပါနှင့်။)

__ Scientific names တွေကိုလည်း underline တားပေးမှ အမှတ်ရပါမယ်။

__ မေးခွန်းအပိုင်းခွဲဝေမှုမှာ မေးခွန်းနံပါတ်(၁)အတိုင်းဖြစ်ပါတယ်။

မေးခွန်းနံပါတ်(၃)မှာ– (၂)မှတ်တန် Short Questions ဖြစ်ပြီး Answer All Questions လို့ ဖော်ပြထားတဲ့မေးခွန်းမျိုးမှာတော့ (a) to (f) ခြောက်ပုဒ်ပေးထားပြီး တစ်ပုဒ်ကို (၂)မှတ်အနေနဲ့ သတ်မှတ်ထားတဲ့မေးခွန်းအမျိုးအစားပဲ ဖြစ်ပါတယ်။ ဒါကြောင့် စုစုပေါင်း (2×6 = 12 marks)ရရှိမှာဖြစ်ပါတယ်။

__ (၂)မှတ်တန် အမှတ်ခွဲဝေပုံသည်-

Q.3. (a) Chapter I__IV မှ (၁)ပုဒ်
(b) Chapter V မှ (၁)ပုဒ်
(c) Chapter VI မှ (၁)ပုဒ်
(d) Chapter VII မှ (၁)ပုဒ်၊
၎င်းကို or ခံပြီး
Chapter VIII မှ (၁)ပုဒ်

(e) Chapter IX မှ (၁)ပုဒ်၊
၎င်းကို or ခံပြီး
Chapter X မှ (၁)ပုဒ်၊

(f) Chapter XI မှ (၁)ပုဒ်၊
၎င်းကို or ခံပြီး
Chapter XII မှ (၁)ပုဒ်

မေးထားတာကို တွေ့ရှိရပါလိမ့်မယ်။

မေးခွန်းနံပါတ်(၄)မှာ – Short Questions (၄)မှတ်တန်ဖြစ်ပါတယ်။ (a) to (e) ငါးပုဒ်ပေးထားပြီး တစ်ပုဒ်ကို (၄)မှတ်အနေနဲ့ သတ်မှတ်ထားတဲ့မေးခွန်းအမျိုးအစားပဲ ဖြစ်ပါတယ်။ Answer Any Four Questions လို့ဖော်ပြထားတာကြောင့် မိမိကြိုက်နှစ်သက်ရာလေးပုဒ်သာ ဖြေဖို့လိုပါတယ်။ စုစုပေါင်း (4×4= 16 marks) ရရှိမှာဖြစ်ပါတယ်။

– Q.No.4 (၄)မှတ်တန် Short Questions အမျိုးအစားမှာ ဆင့်ပွားမေးခွန်းငယ်တွေကို အောက်ပါအတိုင်း ခွဲဝေပေးထားပါတယ်။

Q.4. (a) Chapter. I___IV မှ (၁)ပုဒ်
(b) Chapter. V မှ (၁)ပုဒ်၊
(c) Chapter. VI မှ (၁)ပုဒ်၊
၎င်းကို or ခံပြီး
Chapter. VII မှ (၁)ပုဒ်

(d) Chapter. VIII မှ (၁)ပုဒ်
၎င်းကို or ခံပြီး
Chapter. IX မှ (၁)ပုဒ်

(e) Chapter. X မှ (၁)ပုဒ်
၎င်းကို or ခံပြီး
Chapter. XI မှ (၁)ပုဒ်
၎င်းကို or ခံပြီး
Chapter. XII မှ (၁)ပုဒ်

မေးခွန်းနံပါတ်(၅)မှာ– Long Questions (၈)မှတ်တန်ဖြစ်ပါတယ်။

မေးခွန်းငယ် (a) to (f) ဆိုပြီး ခြောက်ပုဒ်ပေးထားတယ်။ Answer Any Four Questions လို့ ဖော်ပြထားတာကြောင့် မိမိကြိုက်နှစ်သက်ရာလေးပုဒ်သာ ဖြေဆိုဖို့လိုအပ်တယ်။ စုစုပေါင်း(8×4=32 marks) ရရှိမှာဖြစ်ပါတယ်။

– မေးခွန်း No.5 (Long Questions) အနေနဲ့ ဆင့်ပွားမေးခွန်းငယ်တွေကို အောက်ပါအတိုင်း ခွဲဝေမေးနိုင်ပါတယ်။

Q.5. (a) Chapter. I___IV မှ (၁)ပုဒ်
(b) Chapter. V မှ (၁)ပုဒ်
(c) Chapter. VI မှ (၁)ပုဒ်၊
(d) Chapter. VII မှ (၁)ပုဒ်
၎င်းကို or ခံပြီး
Chapter. VIII မှ (၁)ပုဒ်

(e) Chapter. IX မှ (၁)ပုဒ်
၎င်းကို or ခံပြီး
Chapter. X မှ (၁)ပုဒ်
(f) Chapter. XI မှ (၁)ပုဒ်
၎င်းကို or ခံပြီး
Chapter. XII မှ (၁)ပုဒ်
မေးထားတာကို တွေ့ရပါလိမ့်မယ်။

မှတ်ချက် ။       ။ မေးခွန်းနံပါတ်(၃)၊ (၄)နဲ့ (၅)အတွက်

၁။ မေးခွန်းနံပါတ်များတပ်ရန် မမေ့ပါနှင့်။ (အမှတ်လျှော့ခံရလိမ့်မည်။)

ဥပမာ _ 3.(a) 4.(a) 5.(a)
3.(b) 4.(b) 5.(b)
3.(c) 4.(c) 5.(c) စသည်ဖြင့်တပ်ပေးပါ။

၂။ တစ်ပုဒ်ဖြေပြီးတိုင်း မျဉ်းပိတ်ရန်။

၃။ Chapter.XI – Inheritance နှင့်ပတ်သက်သော မေးခွန်းဖြေဆိုပုံ
– ပေးချက်များရေးရန်။ (Dominant/Recessive အတွက် > သကေင်္တသုံးရန်၊ Co-dominant အတွက် = သုံးရန်)

– Crosses ဖြေဆိုချက်များတွင် Crossing Lines နှင့် Checker board ထည့်ဖြေပေးရန်။

၎။ Chapter-XII Cycles များနှင့်ပတ်သက်သော မေးခွန်းဖြေဆိုပုံ။

(၁) Box ထဲမှ စာလုံးပေါင်းမမှားအောင် ဂရုစိုက်ပါ။
(၂) မြား စထွက်သောနေရာ “ထိ”နေရမည်။
(၃) သိပ္ပံအမည် မျဉ်းသားရန်။
(၄) အနားသတ်များကို ညီအောင်ညှိပါ။
(၅) Word diagram ဖြစ်သည့်အတွက် စာလုံးပေါင်းအားလုံးဂရုစိုက်ပါ။

Model Question
– မေးခွန်းများမှာ သင်ခန်းစာကို ဖြတ်တောက်ထုတ်နုတ်၍ မေးလေ့ရှိသဖြင့် မေးခွန်းကိုနားလည်၍ အဖြေကိုထုတ်နုတ်ဖြေဆိုတတ်ရန် အရေးကြီးပါတယ်။ ဒါကြောင့်မေးခွန်းတို၊ မေးခွန်းရှည်တွေကို ဖြေတဲ့အခါမှာ အကြောင်းအရာတွေကို အလွတ်ကျက်မှတ်ခြင်းထက် နားလည်သဘောပေါက်အောင် လေ့လာကျက်မှတ်မှသာ မေးလာတဲ့မေးခွန်းတွေကို တိတိကျကျဖြေနိုင်မယ်။
– ပုံနှင့်တကွ ဖြေဆိုရမယ့်မေးခွန်းများတွင် ပုံကိုသပ်ရပ်မှန်ကန်စွာရေးဆွဲပြီး အညွှန်းပြည့်စုံစွာတပ်ရပါမယ်။ ပုံခေါင်းစဉ်ကိုလည်း ဖော်ပြရပါမယ်။

– မေးခွန်းတွင်ပုံပေးထားပြီး အညွှန်းများသာ ဖြေဆိုရန်ဖြစ်ပါက ပုံကိုပြန်လည်ကူးဆွဲရန်မလိုပါ။ ပုံခေါင်းစဉ်ကိုတောင်းပါကလည်း ခေါင်းစဉ်ကို မမေ့မလျော့ရေးပါ။

– ပုံမပါဘဲ အကြောင်းအရာသက်သက်သာ ဖြေဆိုနိုင်တဲ့မေးခွန်းမျိုးလည်း မေးနိုင်ပါတယ်။

မေးခွန်းမေးသောပုံစံများအရ အောက်ပါစကားလုံးများဖြင့်အစပြုလျှင် မေးသည့်မေးခွန်းသဘောအတိုင်း ပြန်လည်ဖြေဆိုပေးရပါမည်။

– List, Count,Enumerate ဆိုရင် အမှတ်စဉ်ရေးထိုးပြီး ဖြေဆိုရန်။

– Mention ဆိုရင် အကြောင်းအရာကို ဖော်ပြပေးရန်။
– Name ဆိုရင် အမည်ကိုဖော်ပြပေးရန်။
– What/How/Cite/Give/State/Provide/Describe/Discuss/Explain/Clarify ဆိုရင် ရှင်းပြပါ၊ ဖြေရှင်းပါ၊ အဓိပ္ပာယ်သတ်မှတ်ပါ စသည်ဖြင့် စာသားအားဖြင့် ဖြေဆိုပေးရပါမယ်။

– Distinguish/Clarify/Differentiate ဆိုရင် အုပ်စုနဲ့အမျိုးအစားတွေကို ခွဲခြားဖြေဆိုရန်။

– Give the comparative accaount, Compare and contrast/Versus ဖြေဆိုပါ။

– Give a table/Tabulate ဆိုရင် ဇယားဆွဲဖြေဆိုရန်။

– ဇယားထဲကစာကို Tabulate နဲ့ မစဘဲ State နဲ့ စမေးရင် ဇယားကွက်ထဲကအဖြေကို ကောက်နုတ်ပြီး ဇယားမပါဘဲဖြေရမယ်။

– Word diagram ဆိုရင် စကားလုံးတွေကို ညွှန်ကြားချက်မြားတန်းတွေနဲ့ ချိတ်ဆက်ဖြေဆိုရန်။

– Illustrate / Illustration/ Draw/Give a drawing/Diagram ဆိုရင် သရုပ်ဖော်ပုံကိုဆွဲ၍ ဖြေဆိုရန်။

– Provide labels and Caption ဆိုရင် ပုံကိုပြန်ကူးဆွဲဖို့မလိုဘဲ အညွှန်းမြားတွေညွှန်းသောနေရာကို အမည်ဖော်ပြပေးရန်။

အခန်းများကို တစ်ခန်းချင်းလေ့လာခြင်းအားဖြင့် ရရှိနိုင်သော အမှတ်ခွဲဝေမှုမှာ –

အခန်း(၁) မှ (၄)အထိ လေ့လာလျှင် (၂၈) မှတ်ရရှိနိုင်ပါတယ်။
အခန်း(၅) လေ့လာလျှင် (၁၈)မှတ် ရရှိနိုင်ပါတယ်။
အခန်း(၆) လေ့လာလျှင် (၁၈)မှတ် ရရှိနိုင်ပါတယ်။
အခန်း(၇) လေ့လာလျှင် (၁၆)မှတ် ရရှိနိုင်ပါတယ်။
အခန်း(၈) လေ့လာလျှင် (၁၈)မှတ် ရရှိနိုင်ပါတယ်။
အခန်း(၉) လေ့လာလျှင် (၁၈)မှတ် ရရှိနိုင်ပါတယ်။
အခန်း(၁၀) လေ့လာလျှင် (၁၆)မှတ် ရရှိနိုင်ပါတယ်။
အခန်း(၁၁) လေ့လာလျှင် (၁၈)မှတ် ရရှိနိုင်ပါတယ်။
အခန်း(၁၂) လေ့လာလျှင် (၁၆)မှတ် ရရှိနိုင်ပါတယ်။

ဒါကြောင့် မိမိကြိုက်နှစ်သက်တဲ့အခန်းတွေကို ပိုင်နိုင်စွာလေ့လာခြင်းအားဖြင့် စာမေးပွဲကို ကောင်းစွာဖြေဆိုနိုင်မှာ ဖြစ်ပါတယ်။

ဖြေဆိုပုံနည်းလမ်းများမှာ

၁။ မေးခွန်းကိုသေချာစွာဖတ်ပါ။
၂။ မေးခွန်းနံပါတ်(၁)နဲ့ (၂)ကို နောက်ဆုံးမှဖြေပါ။
၃။ မေးခွန်းနံပါတ်များမကျန်အောင် ဂရုစိုက်ပါ။
(အမှတ်လျှော့ခံရတတ်ပါတယ်။)

၎။ မင်ဖျက်ဆေးမသုံးရပါ။ (Correction pen, Fluid, Tape လုံးဝမသုံးရပါ။)

တက္ကသိုလ်ဝင်စာမေးပွဲဖြေဆိုကြမည့်ကျောင်းသား၊ ကျောင်းသူများကို အကြံပြုလိုသည်မှာ-

(၁) ဇီဝဗေဒဘာသာရပ် Grade 10 Biology ပါ သင်ခန်းစာအားလုံးကို အခန်းတိုင်း ကျေညက်စွာနားလည်အောင် လေ့လာကျက်မှတ်ရန်။

(၂) Chapter တစ်ခုစီမှာပါတဲ့ သက်ဆိုင်တဲ့ဝေါဟာရ (Terminology)တွေကို စာလုံးပေါင်းနဲ့တကွ သေချာစွာ ကျက်မှတ်ထားရန်။

(၃) Diagrams (သရုပ်ဖော်ပုံတွေ)၊ Words diagrams (စာဖြင့်သရုပ်ဖော်ပုံတွေ)နဲ့ Tables (ဇယားတွေ)ကို နားလည်သဘောပေါက်ရန်။

(၄) ပုံဖြင့်ဖြေဆိုရမယ့်မေးခွန်းတွေအတွက်လည်း ခဲတံဖြင့်ရေးဆွဲပြီး အညွှန်းပြည့်စုံစွာတပ်သင့်ပါတယ်။

အညွှန်းတပ်ရန်မေးသောမေးခွန်းတွေအတွက် သက်ဆိုင်ရာနံပါတ်နဲ့ကိုက်ညီသောအဖြေမှန်တွေကို သေချာစွာစစ်ဆေးရပါမယ်။

(၅) ဖြေဆိုထားတဲ့ အပုဒ်အရေအတွက်တွေဟာ မေးမြန်းထားတဲ့အပုဒ်တွေနဲ့ ကိုက်ညီမှု ရှိ၊ မရှိကို ပြန်လည်စစ်ဆေးဖို့ လိုအပ်ပါတယ်။

(၆) စာဖြေရာတွင် တတ်နိုင်သမျှ မင်ကိုတစ်ရောင်တည်း၊ ဘောပင်အမျိုးအစားတစ်မျိုးတည်းသာ သုံးသင့်ပါတယ်။

(၇) အရေးအကြီးဆုံးတစ်ခုက စာဖြေပြီးရင် ပြန်စစ်ရမယ်။ စာလုံးပေါင်းတွေကို သတိထားပြီး ပြန်စစ်ရမယ်။ လက်ရေးမပီသတာတွေလည်းရှိတတ်တယ်။ စကားလုံးလေးတစ်လုံးကြောင့် အမှတ်လျော့သွားနိုင်တယ်။

ဒါဆိုရင် ဇီဝဗေဒဘာသာရပ် (Biology) မှာ ခက်ခဲတာတွေမရှိတော့ဘူး။ သတိထားနိုင်လေ၊ ကိုယ့်အတွက် အဆင်ပြေလေပါပဲ။

ကျောင်းသား၊ ကျောင်းသူအားလုံး ဘာသာရပ်တိုင်းမှာ ထူးချွန်စွာဖြေဆိုအောင်မြင်နိုင်ကြပါစေ။