အိပ်မက်တစ္ဆေ

( ၁ )

အိပ်မက်ထဲမှာ ကိုယ့်ကိုယ်ကိုယ် “အပြင်လူ” တစ်ယောက် လို မြင်နေရသည်။ အိပ်မက်ထဲမှာ “မြိုင်” ကို ကျွန်တော်ရောက် သွားသည်။ (အိပ်မက်ထဲက “မြိုင်”မှာ ကျွန်တော့်ဇာတိမွေးရပ်မြေ “မြိုင်” နှင့် သိပ်တော့မတူလှပါ) အိပ်မက်ထဲမှ နှမဝမ်းကွဲ ငွေမြိုင်က “ပခုက္ကူရောက်လို့ လှည့်ဝင်လာတာလား” ဟု ကျွန်တော့်ကိုမေးရာ ကျွန်တော်က “ပခုက္ကူကိုတောင် မရောက်ခဲ့ပါဘူးဟာ” ဟု ဖြေ လိုက်မိသည်။

“ဟင်….ပခုက္ကူမရောက်ဘဲနဲ့ မြိုင်ရောက်အောင် ဘယ်လိုလာသလဲ” မေးတော့ “အေးဟ….ငါလည်း အဲဒါကို မသိလိုက်ဘူး” ဟု ဖြေလိုက်မိ၏။

-Ads-
-Ads-

“အယ်တော်”

ငွေမြိုင် တအံ့တဩဖြစ်မှ ကျွန်တော့်ကိုယ်ကျွန်တော်လည်း တအံ့တဩ ဖြစ်သွားမိသည်။ ကျွန်တော့်ကို (အပြင်မှာ အထပြဆရာမဘ၀မှ အငြိမ်းစားယူပြီး အိမ်မှာပင် အင်္ဂလိပ်ဘာသာ ကျူရှင်ပြနေသည့် နှမဝမ်းကွဲ) ငွေမြိုင်က တအံ့တဩကြည့်နေသည့်မျက်လုံးများ စိမ်းလက်နေတာ သတိထားမိသည်။ ကျွန်တော်က အဖြစ်အပျက်တွေကို အကျဉ်းရုံးပြောပြလိုက်သည်။ အိမ်ကထွက်ပြေးလာတာ အဖော်နှစ်ယောက်တောင်ပါလာသေးတာ။ သူတို့ဘယ်မှာ ကျန်နေခဲ့မှန်း မသိတော့တာ။

“ဒီအရွယ်ကြီးရောက်မှ ထွက်ပြေးလာရသေးလား”

ငွေမြိုင်စကားတစ်ခွန်း။

“ငါအလုပ်လုပ်မယ်ဟာ။ စာရေးတာရယ်၊ စာဖတ်တာရယ်၊ စာပြတာရယ်။ ဒီသုံးခုကလွဲလို့ တခြားအလုပ် ငါမလုပ်တတ်ဘူးနော်”

ကျွန်တော့်စကားတစ်ခွန်း။

ကိုယ်ကိုယ်တိုင် နားနှင့်ဆတ်ဆတ်ကြားလိုက်ရသလို။

ထိုအချိန်အထိ အိပ်မက်မက်နေမှန်း ကိုယ့်ကိုယ်ကိုယ် ကျွန်တော်မသိသေး။

အိပ်မက်ထဲမှာ ကျွန်တော့်အဖော်နှစ်ယောက်နှင့် ရွာစဉ် လည် လမ်းမှားသွားကြတာ။ အဖော်နှစ်ယောက်စလုံး တကွဲတပြားစီ ဖြစ်သွားရတာ။ ကျွန်တော်ကိုယ်တိုင် ဘယ်ပုံဘယ်နည်း နှင့် ရောက်မှန်းမသိ။ မြိုင်ရောက်သွားတာ အံ့ဩဝမ်းသာဖြစ်ရသလို ထိခိုက်နာကျင်နေရသည်။ အခုချိန်ဆို အိမ်ကလူတွေ ကျွန်တော်ပျောက်သွားတာ သိလောက်ပြီ။ ဘာကြောင့် ငါ့ကို အခုလို အိမ်ကထွက်ပြေးချင်လောက်အောင် စိတ်အနှောင့်အယှက်ပေးရတာလဲ။ စိတ်ထဲမှာ မိသားစုတစ်ခုလုံးအပေါ် စွပ်စွဲပြစ်တင် ပြောချင်နေမိသည်။ တစ်ပြိုင်နက်တည်းမှာပင် အိမ်ကို နာကျင်စိတ်၊ လွမ်းစိတ်တို့က အားပြိုင်လွန်ဆွဲနေကြပြီ။

ထို့နောက် အိပ်မက်က ချောင်းကမ်းနံဘေးက ရွာကြီးတစ်ရွာ၊ တန်းကျောင်းတစ်ကျောင်းဆီ ရောက်သွားသည်။ အလယ်တန်းကျောင်းလား၊ အထက်တန်းကျောင်းလား ကွဲပြားစွာ ကျွန်တော်မသိ။ (အထပြဆရာမကြီးဒေါ်ငွေမြိုင် ဖြစ်ခဲ့ဖူးသည်) ကျွန်တော့်နှမငွေမြိုင်က ကျောင်းအုပ်ဆရာကြီးဆီ တွဲဖက်ဆရာအဖြစ် ကျွန်တော့်ကို အပ်နှံပြောဆိုနေမှန်းသိလိုက်ရသည်။ ကျောင်းမြင်ကွင်း ပတ်ဝန်းကျင်ရှုခင်းနဲ့ ဆရာ၊ ဆရာမများက ကိုယ်နှင့်ရင်းနှီးပြီးသား၊ ကျွမ်းဝင်ပြီးသားလိုလို။ သို့သော် တကယ်တမ်းရင်းနှီးတာမဟုတ်။ မျက်နှာအသစ်၊ ပတ်ဝန်းကျင်အသစ်၊ မထင်မှတ်သည်အကြောင်းကိစ္စများ မမျှော်လင့်သည့်စကားများကို ကြားလာ၊ သိလာရသည်။

“ဆရာ့ဝတ္ထုတိုကို ပြည်တော်သစ်မဂ္ဂဇင်းမှာ သတိထားလိုက်မိတယ်”

“ဆရာက ကျေးလက်ရနံ့တွေ ပါပါလာအောင် ရေးထားတာကိုး။ ဂလိုဘယ်ခေတ်နဲ့ ကျေးလက်ကို ပေါင်းစပ်ဖို့ အားထုတ်ထားတာကို ကြိုဆိုပါတယ်။ ဒါပေမဲ့ ပရိသတ်က နည်းနေဦးမယ်။ လိုက်နိုင်ဦးမယ်မထင်ဘူး”

“ကျွန်တော်တို့ ကျောင်းအတွက်သာ ဆရာရောက်လာတာ ဂုဏ်ယူအားတက်စရာပါပဲ။ ကျောင်းသားတွေရော ကျွန်တော်တို့ ဆရာ၊ ဆရာမတွေပါ ကံကောင်းတာပေါ့ဗျာ။ ဒါ့ထက် ဆရာကို မေးရမှာက အိမ်နဲ့ခွဲပြီး ဆရာဒီမှာ ဘယ်လောက်နေနိုင်မှာလဲ”

“တစ်သက်လုံးဗျာ။ တစ်သက်လုံးနေမယ်။ ကျွန်တော့်ကို အဲဒီမေးခွန်း မမေးနဲ့ဗျာ။ တစ်သက်လုံး”

“တစ်သက်လုံး” ဟု နောက်တစ်ခွန်း ကျွန်တော်အော်ဟစ် လိုက်မိသည်။

“ဟင်….ဘာဖြစ်နေတာလဲ”

ဇနီးသည် ဖြူ့အသံကို သဲသဲကွဲကွဲ ကျွန်တော် ကြားလိုက်ရသည်။

“ဗလုံးဗထွေးနဲ့ ဘာတွေ အိပ်မက်မက်ပြီး ထအော်နေတာလဲ”

အိပ်မက်ထဲမှာ မြတ်နိုးရသလောက် နာကျင်ရသော၊ လွမ်းရသော ဇနီးဖြူကို ကျွန်တော့်ဘေးမှာ အိပ်မက်ထဲကမဟုတ်ဘဲ ငုတ်တုတ်ထိုင်နေတာ တွေ့လိုက်ရသည်။ ဇဝေဇဝါနှင့်ပင် အိပ်မက်မက်နေတာပါကလား သိလိုက်ရသည်။

“ဟုတ်တယ်။ အိပ်မက်တွေ မက်နေတယ်”

“ဘာတွေ မက်တာလဲ”

“ဘာရယ်မဟုတ်ပါဘူးကွာ။ ဆောင်းတွင်းအိပ်မက်ကယောက်ကယက်တွေပဲပေါ့”

( ၂ )

ပြီးလွယ်စီးလွယ် ကျွန်တော်ဖြေလိုက်ပြီး မကြာမီ ဇနီးဖြူ ပြန်လည်အိပ်ပျော်သွားသည့်တိုင် ကျွန်တော့်မှာ ချက်ချင်းအိပ်မပျော်။ အိပ်မက်ကြောင့်လားမသိ၊ ကတုန်ကယင်ဖြစ်နေတုန်းပင်။ ရေတစ်ခွက်ထသောက်လိုက်မှ ငြိမ်သွားသည်။ သို့သော် အိပ်မက်အကြောင်း၊ ကျွန်တော်ပြန်စဉ်းစားချင်နေသည်။ ဘာကြောင့် ဒီအိပ်မက်မက်ရတာလဲ။ အဖြေထုတ်ကြည့်ချင်သည်။ အိပ်မက်အကြောင်းစဉ်းစားလိုက်သည့်အခါ လွန်ခဲ့သည့် နှစ် ၃၀ ကျော် ကာလ မိမိအသက် (၂၀) မပြည့်သေးမီအရွယ်က စာစောင်၊ ဂျာနယ်တို့တွင် မိမိရေးသည့်ကဗျာတိုစလေးတွေကို ပုံနှိပ်စာလုံးအဖြစ် မြင်တွေ့နေရပြီး ပီတိနှင့် ကြည်နူးပျော်နေချိန်။ တစ်နေ့မှာ မြိုင်ကြောင်ကန်ရွာမှ အစ်မဝမ်းကွဲမမအောင်က သူ့အိပ်မက်အကြောင်း ကျွန်တော့်ကိုပြောပြဖူးတာ အဦးဆုံးသတိရလာမိသည်။

“ညက ငါ့မောင်ကို အိပ်မက်ထဲ မြင်လိုက်ရတာ။ မမ စိတ်မကောင်းဖြစ်သွားတယ်။ ငါ့မောင်က ဝတ်လစ်စားလစ်နဲ့ စားပွဲဘေးက ကုလားထိုင်မှာ မှုန်တေတေနဲ့ မျက်မှောင်ကုတ်ကြီး ထိုင်နေတာတဲ့။ ဆံပင်ရှည်ကြီးတွေက တင်ပါးဆုံအထိ ဖားလျားဝဲကျလို့ နှုတ်ခမ်းမွေး၊ မုတ်ဆိတ်မွေး၊ ပါးသိုင်းမွေးတွေကလည်း ထူလပျစ်နဲ့ (ဟဲ့..ဒါငါ့မောင် သိန်းမြင့်မှဟုတ်ရဲ့လား) မေးတော့ ဘယ်သူက ပြောမှန်းမသိဘူး။ မမကြားလိုက်ရတာ(ဟုတ်ပါ့ ဟုတ်ပါ့ သိန်းမြင့်မှ သိန်းမြင့်အစစ်။ မယုံရင်ကြည့်ပါလား။ စားပွဲပေါ်မှာ သူရေးထားတဲ့ ကဗျာစာရွက်တွေကို စာအုပ်ထူကြီးတစ်အုပ်နဲ့ လွင့်မသွားရုံဖိထားတာ)တဲ့။ ဟုတ်တယ်။ စာရွက်တွေကို မသပ်မရပ် ဖိထားတာမြင်လိုက်ရတယ်”

ထိုစဉ်က နှစ်ခြိုက်စွာ ကျွန်တော်က ရယ်လိုက်မိခဲ့သေး။

“ရယ်နေ…ရယ်နေ မင်းကတော့ရယ်နေ။ တစ်နေ့နေ့မှာ ငါ့မောင်လေး အဲသလိုဖြစ်သွားမလား စိုးရိမ်ပြီး မမဖြင့် ငိုလိုက်ရတာ”

မမအောင် ပြောခဲ့ဖူးတာကို အခုထိတိုင် အမှတ်တရရှိနေဆဲပင်။

ဘာကြောင့်များ အဲဒီအိပ်မက်ကို မမအောင် မက်ခဲ့တာပါလိမ့်။ ကျွန်တော်ကဗျာရေးတာ စာတိုပေစလေးတွေရေးဖွဲ့ပြီး ကျွန်တော့်မှာ ကြည်နူးသလောက် အနာဂတ်မှာ ကဗျာဆရာတစ်ယောက်ဖြစ်လာဖို့ စိတ်ကူးယဉ်နေသလောက် မမတို့အဖို့ စာပေအပေါ် နားလည်သဘောပေါက်နိုင်မှာ မဟုတ်တော့ဘဲ ပညာရေးနှောင့်နှေးသွားမှာ၊ သက်သောင့်သက်သာဘ၀ရောက်မလာဘဲ လမ်းချော်သွားမှာကို စိုးရိမ်နေမိတာဖြစ်နိုင်ကြောင်း အခုမှ ကျွန်တော်ပြန်တွေးလာမိသည်။

“အိပ်မက်ဆိုတာ မသိစိတ် Unconcious mind မှ အခြေခံတယ်” ဆိုသည့်စကားကို ထောက်ခံရမှာလိုလို။ ဒါဖြင့် ကျွန်တော်မက်ခဲ့ရသည့် အိပ်မက်ကရော ဘယ်မသိစိတ်တွေအပေါ်မှာ အခြေခံလာသလဲ။ ဘာကြောင့် ဒီအိပ်မက်မျိုး ကျွန်တော်မက်ရတာလဲ။ အခုတလော။ အလိုလို စိတ်တိုနေတာ မိသားစုနှင့်ရော ပတ်ဝန်းကျင်နှင့်ပါ သဟဇာတမဖြစ်ဘဲ ထိမိခတ်မိတာ။ ကိုယ့်ကိုယ်ကိုယ် ကျွန်တော်သိနေရသည်။ ရေးချင် သည့်စာကို မရေးရဘဲဖော်ပြမရသည့် ခက်ခဲမှုမျိုးကြောင့် ဖြစ်နိုင်သလို လက်ရှိဘ၀ကို အားမလိုအားမရ ဖြစ်နေတာလည်း ပါဝင်နိုင်ပါသည်။

ကြိုးတန်းပေါ်မှာ လမ်းလျှောက်တာဟာ
ဘာဆန်းလို့လဲ သူငယ်ချင်း။
လှံဖျားပေါ်မှာ လမ်းလျှောက်တာရော
ဘာများဆန်းကျယ်နေလို့လဲ
ကိုယ်သွားလိုရာ၊ ဆီးတားလာလည်း
ကွေ့ကာကောက်ကာ စီးမြဲသာတည့်
ကဗျာရေစီးကြောင်းကလေး

တစ်ခါက မိမိရေးခဲ့ဖူးသည့် ကဗျာကလေးကို အမှတ်တရ ရေရွတ်မိသည်နှင့်တစ်ပြိုင်နက် အတ္ထုပ္ပတ္တိစာတစ်အုပ်ထဲမှ စာတစ်ကြောင်းကို လည်း အလိုလိုရေရွတ်မိလျက်သား ဖြစ်သွားခဲ့သည်။

“နိုင်ငံ့အတွက် အလုပ်လုပ်လာတာ နှစ်ပေါင်း ၂၀ ကြာလို့ ကိုယ့်ကိုယ်ကိုယ်ပြန်ကြည့်တော့ ကြိုးတိုက်ထဲ ရောက်နေတာ တွေ့လိုက်ရတယ်”

အင်းပေါ့လေ။ ဒီကွေ့မှာ ဒီတက်နဲ့ မလှော်တတ်တဲ့ တစ် ဖြောင့်တည်းသွား စိုက်လိုက်မတ်တတ် သမားပေကိုးဟု ကျွန်တော့် စိတ်ထဲက မှတ်ချက်ချလိုက်မိရဲ့။

အိပ်မက်ထဲမှာ မိမိတွဲဖက်ဆရာအဖြစ် အလုပ်ဝင်မည့် ကျောင်းအုပ်ဆရာထံမှ စာသင်ရင်း စာရေးခွင့် တောင်းမိသလား၊ တောင်းဖို့မလို။ ကိုယ်ပိုင်လွတ်လပ်ခွင့်အဖြစ် နှုတ်ဆိတ်နေမိ သလား။ ဒါကိုတော့ ကျွန်တော်မမှတ်မိတော့ပါ။

-Ads-
-Ads-