အတိုင်ပင်ခံပုဂ္ဂိုလ် ဂျပန်စီးပွားရေးလုပ်ငန်းရှင်များအား လက်ခံတွေ့ဆုံ လျှပ်စစ်နှင့် စွမ်းအင်ကဏ္ဍများတွင် ပိုမိုပူးပေါင်းဆောင်ရွက် နိုင်ရေးဆွေးနွေး

နေပြည်တော်၊ မတ်-၁၂

နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ဂျပန်နိုင်ငံ Japan Business Federation (Keidanren) ၏ ဒုတိယဥက္ကဋ္ဌ၊ဲJapan-Myanmar Economic Committee of Keidanren ၏ ဥက္ကဋ္ဌနှင့် Mitsubishi Corporation ဘုတ်အဖွဲ့၏ ဥက္ကဋ္ဌဖြစ်သူ Mr. Ken KOBAYASHI နှင့် Japan-Myanmar Economic Committee of Keidanren ၏ ဥက္ကဋ္ဌ Marubeni Corporation ဘုတ်အဖွဲ့၏ ဥက္ကဋ္ဌ Mr. Teruo ASADA တို့ဦးဆောင်သည့် အဖွဲ့ဝင် ၃၀ ပါ ကိုယ်စားလှယ် အဖွဲ့အား မတ် ၁၂ ရက် နံနက် ၁၀ နာရီတွင် နိုင်ငံခြားရေးဝန်ကြီးဌာန နေပြည်တော်၌ လက်ခံတွေ့ဆုံသည်။

ယင်းသို့တွေ့ဆုံစဉ် မြန်မာနိုင်ငံနှင့် ဂျပန်နိုင်ငံတို့အကြား ပုဂ္ဂလိကနှင့် အစိုးရကဏ္ဍများတွင် စီးပွားရေးပူးပေါင်းဆောင်ရွက်မှု မြှင့်တင်နိုင်ရေး၊ မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု တိုးတက်ရေးအတွက် အဓိက ကျသော လျှပ်စစ်နှင့်စွမ်းအင်ကဏ္ဍများတွင် ပိုမိုပူးပေါင်းဆောင်ရွက် နိုင်ရေးအပြင် မြန်မာနိုင်ငံ၏ အခြေခံအဆောက်အအုံနှင့် လူ့စွမ်းအား အရင်းအမြစ် ဖွံ့ဖြိုးတိုးတက်ရေးဆိုင်ရာ ကိစ္စရပ်များအား ဆွေးနွေးခဲ့ ကြသည်။

-Ads-
-Ads-

တွေ့ဆုံပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ ပို့ဆောင်ရေးနှင့်ဆက်သွယ်ရေးဝန် ကြီးဌာန ဒုတိယ၀န်ကြီး ဦးသာဦး၊ လျှပ်စစ်နှင့် စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင် ၊ စီးပွားရေးနှင့် ကူးသန်းရောင်းဝယ် ရေးဝန်ကြီးဌာန ဒုတိယ၀န်ကြီး ဦးအောင်ထူး စီမံကိန်းနှင့်ဘဏ္ဍာရေး ၀န်ကြီးဌာန ဒုတိယ၀န်ကြီး ဦးဆက်အောင်၊ မြန်မာနိုင်ငံဆိုင်ရာ ဂျပန်သံအမတ်ကြီး Mr. Tateshi Higuchi နှင့် တာဝန်ရှိသူများ တက် ရောက်ခဲ့ကြသည်။

-Ads-
-Ads-