ဗြိတိန်အမျိုးသမီးသတင်းထောက် အီဂျစ်နိုင်ငံက နှင်ထုတ်ဟုဆို

ကိုင်ရို၊ မတ်-၂၆

အီဂျစ်နိုင်ငံတွင် တိုင်းမ်သတင်းစာအတွက် တရားမ၀င်သတင်းထောက်လုပ်နေသည့် သတင်းထောက်တစ်ဦးကို ပြည်နှင်ဒဏ်ပေးလိုက်ကြောင်း အီဂျစ်နိုင်ငံက မတ် ၂၅ ရက်တွင် ပြောဆိုသည်။

ကိုင်ရိုမြို့တွင် သုံး၊ လေးနှစ်ကြာမျှ ခြေချလာခဲ့သူ အသက် (၃၃)နှစ်အရွယ် မီးစ်ဘယ်ထရူးမှာ လွန်ခဲ့သည့်နှစ်နှစ်က ပျောက်ခြင်းမလှ ပျောက်သွားသည့် ရွှေ့ပြောင်းဝင်ရောက်သူများ လှေနှင့်ပတ်သက်၍ သတင်းရေးသားစဉ် ဖမ်းဆီးခြင်းခံခဲ့ရသည်ဟု သည်တိုင်းမ်သတင်းစာက
မတ် ၂၅ ရက်တွင် ဖော်ပြသည်။ သူမအား ရှေ့နေတစ်ဦးနှင့် တိုင်ပင်နှီးနှောခွင့်မရဘဲ အီဂျစ်နိုင်ငံက အတင်းအကျပ် နှင်ထုတ်လိုက်သည်။

-Ads-
-Ads-

အီဂျစ်နိုင်ငံတွင် မတ် ၂၆ ရက်၌ စတင်မည့်သမ္မတရွေးကောက်ပွဲမတိုင်မီ အီဂျစ်မီဒီယာများအပေါ် ဖိနှိပ်ချုပ်ချယ်မှု တိုးမြှင့်လိုက်ခြင်း ဖြစ်သည်ဟု သည်တိုင်းမ်သတင်းစာက ဖော်ပြသည်။

မီးစ်ထရူးသည် ယာယီသတင်းထောက်ကတ် လျှောက်ထားခြင်း မရှိသည့်အတွက် သူမအား နှင်ထုတ်လိုက်ခြင်းဖြစ်သည်ဟု နိုင်ငံခြား သတင်းထောက်များ အသိအမှတ်ပြုသည့် အီဂျစ်အစိုးရပြန်ကြားရေးဌာနက ထုတ်ပြန်သည့်ကြေညာချက်တွင် ဖော်ပြထားသည်။

-Ads-
-Ads-