ဆရာဝန်ပြောကြား ကျန်းမာရေးစကား

ဒေါက်တာဇော်လင်းစီမံချက်မန်နေဂျာ၊ ဒုတိယညွှန်ကြားရေးမှူး၊သွေးလွန်တုပ်ကွေးနှင့် ဆင်ခြေထောက်ရောဂါရောဂါနှိမ်နင်းရေးဌာနခွဲ ပြည်သူ့ကျန်းမာရေးဦးစီးဌာန ကျန်းမာရေးနှင့်အားကစားဝန်ကြီးဌာန၊၊

သွေးလွန်တုပ်ကွေးကူးစက်မှုက တစ်နှစ်ပတ်လုံးမှာ ရှိနေပါတယ်။ လူထုကိုအသိပေး ချင်တာက သွေးလွန်တုပ်ကွေးရာသီရယ်လို့ မသတ်မှတ်သင့်တော့ပါဘူး။ ကလေးသူငယ်တွေ ဖျားနာရင် မဟုတ်တော့ဘဲ လူကြီးဖျားရင်လည်း သွေးလွန်တုပ်ကွေးဖြစ်တတ်တယ်ဆိုတာ သိဖို့လိုလာပြီ။ သွေးလွန်တုပ်ကွေးကို ကာကွယ်နှိမ်နင်းတဲ့နေရာမှာ အဓိကရည်မှန်းထားတာ နှစ်မျိုးရှိပါတယ်။ ရေထဲမှာနေတဲ့ ခြင်ကျားပိုးလောက်လမ်းကနေ သက်ကြီးခြင်မ,ဖြစ်ပြီဆိုရင် သူက နောက်ထပ်ရန်သူတစ်မျိုး ဖြစ်တယ်။ ဒါကြောင့်ခြင်ကျားပိုးလောက် လမ်း နှိမ်နင်းရေးအနေနဲ့ အစိုးရနဲ့ပုဂ္ဂလိကရုံးဌာနတွေမှာ ခြင်ကျားပိုးလောက် လမ်းမရှိအောင် လုပ်ဆောင်ရမှာဖြစ်ပါတယ်။ ဖုံး၊ သွန်၊ လဲ၊ စစ် လုပ်ငန်းတွေကို လုပ်ဆောင်ရမယ်။ အစိုးရနဲ့ ပုဂ္ဂလိက ၀န်ထမ်းတွေ အကုန်လုံးပါဝင်ဖို့ လိုပါတယ်။ အဲဒီလုပ်ငန်းတွေ ကြီးကြပ်ဖို့အတွက် အစိုးရအဖွဲ့ ဝန်ထမ်းအကြီးအကဲတွေ တာဝန်ယူပြီး ကြီးကြပ်ဖို့လိုပါတယ်။ ခြင်ကျားပိုးလောက်လမ်းရှိတဲ့နေရာ နှစ်နေရာခွဲလို့ ရတယ်။ ပထမက လူတွေနေတဲ့အိမ်တွေ ဖြစ်တယ်။ ဒုတိယက လူအများနဲ့ဆိုင်တဲ့နေရာတွေ ဖြစ်ပါတယ်။

ဒီနေရာမှာ ခြင်ကျားအမရဲ့သဘာဝကို သိဖို့လိုပါတယ်။ ခြင်ကျားအမက ယေဘုယျအားဖြင့် နေ့အခါပဲ ကိုက်လေ့ရှိတယ်။ ဒါကြောင့် စာသင်ကျောင်းတွေ၊ ရုံးတွေအပြင် ဆောက်လုပ်ရေးလုပ်ငန်းခွင်မှာလည်းခိုအောင်း နေတတ်တဲ့အတွက် သက်ဆိုင်ရာတာဝန်ရှိသူတွေနဲ့ ခြင်ကျားနှိမ်နင်းရေးတွေ လုပ်ဆောင်ရပါမယ်။ နောက်ထပ် ဈေးတွေမှာလည်း ခြင်ကျားပိုးလောက်လမ်းမရှိဖို့ စည်ပင်သာယာရေးဝန်ထမ်းတွေနဲ့ဈေးသူ၊ဈေးသားတွေက ကြီးကြပ်ရပါမယ်။နောက်တစ်ခါ ဘာသာရေးဆိုင်ရာ အဆောက်အအုံတွေလည်းပါတယ်။ သက်ဆိုင်ရာ ဘာသာရေးအဆောက်အအုံတွေမှာ ကိုးကွယ်သူတွေနဲ့ ပြည်သူလူထုက ခြင်းကျားမခိုအောင်းနိုင်အောင်ရှင်းလင်းသုတ်သင်ပေးရမှာဖြစ်တယ်။ တက္ကသိုလ်တို့၊ စာသင်ကျောင်းတို့မှာလည်း ခြင်းကျားပိုးလောက်လမ်း မရှိအောင် ဆရာ၊ ဆရာမတွေနဲ့ကျောင်းအုပ်ကြီးတွေကိုကူညီဆောင်ရွက်ပေး ရမှာဖြစ်ပါတယ်။

နောက်တစ်ခုက လူနေအိမ်တွေဖြစ်ပါတယ်။ လှောင်ထားတဲ့ တိုင်ကီ၊ စဥ့်အိုးတွေထဲမှာ ခြင်ကျားပိုးလောက်လမ်းမရှိအောင် ဖုံး၊ သွန်၊ လဲ၊ စစ် ပြုလုပ်ရမယ်။ မိမိရဲ့အိမ်၊ ခြံဝင်းထဲမှာစွန့်ပစ်ထားတဲ့ အိုး၊ ခွက်အစုတ်တွေ ရှိတတ်ပါတယ်။ အဲဒါတွေက ပက်လက်လန်နေတဲ့အခါ မိုးရွာရင် ရေတင်ကျန်ခဲ့တော့ ခြင်ကျားပိုးလောက်လမ်းပေါက်နိုင်တယ်။ အဲဒီလို အိုး၊ ခွက်အစုတ်တွေကို ရှင်းလင်းပစ်ရမယ်။ ဝါး၊ သစ်ခေါင်းအပေါက်တွေကြားမှာ ခြင်ကျားတွေ ပေါက်နိုင်တယ်။ ဒါကြောင့် မြေကြီးမှာ ဝါးငုတ်တွေမရှိအောင် လုပ်ဆောင်ရမှာဖြစ်ပါတယ်။