နိုင်ဂျီးရီးယားပရိသတ်များကို ကွင်းအတွင်း ကြက်အရှင်များ သယ်ဆောင်လာခွင့် ပိတ်ပင်

ဇွန် ၁၆ ရက်တွင် ကမ္ဘာ့ဖလားအုပ်စု(ဃ)အဖွင့်ပွဲအဖြစ် ခရိုအေးရှားနှင့်ကစားခဲ့သော နိုင်ဂျီးရီးယားပရိသတ်များမှာ ရိုးရာအရ အသင်းကိုကံကောင်းစေသည်ဟုယူဆသော ကြက်အရှင်များအား နိုင်ငံအသင်းလာဘ်ကောင်အဖြစ် ကွင်းအတွင်းသယ်ဆောင်အားပေးလေ့ရှိရာ ရုရှားတာဝန်ရှိ အကြီးအကဲများက ကွင်းအတွင်း ကြက်အရှင်များ သယ်ဆောင်ခွင့် ပိတ်ပင်လိုက်ခြင်းကြောင့် မကျေမနပ်ဖြစ်နေကြသည်။

နိုင်ဂျီးရီးယားပရိသတ်များသည် နိုင်ငံအသင်း အင်္ကျီအရောင်ကို အဆိုပါကြက်များအား ဆေးဆိုးပေးပြီး ဘောလုံးကစားရာကွင်းအတွင်း သယ်ဆောင်လာနေကျဖြစ်သည့်အတိုင်း ရုရှားသို့ လိုက်ပါ အားပေးသူများထဲတွင် ကြက်အရှင်များ ကွင်းအတွင်းယူဆောင်ရန် ကြိုးစားသူများစွာလည်း ရှိခဲ့သည်။

သို့သော် ဒေသတွင်း ခရီးသွားလာရေးဝန်ကြီးဌာန ဝန်ကြီးအန်ဒရေးအာမက်က ‘ကျွန်တော်တို့ရဲ့ သတင်းအချက်အလက်ဌာနကို ကြက်တွေသယ်ဆောင်လာခြင်းနဲ့ပတ်သက်တဲ့ မေးခွန်းများစွာရောက် လာပါတယ်။ နိုင်ဂျီးရီးယားပရိသတ်တွေက ကွင်းထဲ ကြက်သယ်ဆောင်လာဖို့ ခွင့်တောင်းပေမယ့် မဖြစ်နိုင်ဘူးလို့ပဲ အကြောင်းပြန်ခဲ့ရပါတယ်’ဟု ပြောသွားသည်။