ဒေါ်လာဈေး ကျပ် ၁၅၀၀ ကျော်အထိ မြင့်တက်လာမှုအပေါ် အမြင်များ

“ဗဟိုဘဏ်က လုပ်နိုင်တာ ကျန်နေသေးတယ်”

ခင်မောင်ညို(ဘောဂဗေဒ)

“ထုတ်ရောင်းပေးတယ်ဆိုပေမယ့် ပမာဏကနည်းရင်တော့ ဆင့်ပါးစပ် နှမ်းပက်သလိုပဲ ဖြစ်လိမ့်မယ်”

(ဒေါက်တာစိုးထွန်း)

ကျွန်တော်တို့ဆီမှာ ပို့ကုန်မရှိဘူးဆိုရင် မြန်မာငွေတန်ဖိုးကတော့ ကျမှာပဲ။တန်ဖိုးကျရင် ငွေဖောင်းပွမှုများမယ်။ ငွေလဲနှုန်းက တက်မှာပဲ။ အဲဒါကိုလုပ်မယ်ဆိုရင် ဆေးမြီးတိုနဲ့လုပ်လို့မရဘူး။ ဒီထုတ်ကုန်တွေ၊ အသေးစားလုပ်ငန်းတွေဖွံ့ဖြိုးတိုးတက်အောင် ပြန်လုပ်ပေးရမယ်။

အမေရိကန်ဒေါ်လာလဲနှုန်း စံချိန်တင်ဈေးဖြင့် အချိန်နှင့်အမျှ မြင့်တက်နေသည်။ နိုင်ငံတကာတွင်လည်း အမေရိကန်-တရုတ် ကုန်သွယ်ရေးစစ်ပွဲ ပဋိပက္ခအရှိန် ပိုမိုမြင့်မားလာသောကြောင့် ကမ္ဘာ့ငွေကြေးဈေးကွက်တွင် ကန်ဒေါ်လာတန်ဖိုး ပိုမိုအားကောင်း လာသည်။ အမေရိကန်ဒေါ်လာတန်ဖိုး အားကောင်းလာခြင်းနည်းတူ ပြည်တွင်းတွင်လည်း ကုန်သွယ်ရေးလိုငွေပြခြင်း(Trade Deficit)၊ ပို့ကုန်တင်ပို့မှု နည်းပါးပြီး အစိုးရက ပို့ကုန်လုပ်ငန်းရှင်များကို အားမပေးသောကြောင့် ဒေါ်လာလိုအပ်ချက်မြင့်တက်လာကာ ဩဂုတ် ၁၅ ရက်ပြင်ပဈေးကွက်တွင် တစ်ဒေါ်လာလဲနှုန်း ၁၅၁၈ ကျပ်အထိ ဈေးပေါက်လာသည်။

မြန်မာနိုင်ငံတော် ဗဟိုဘဏ်မှ နိုင်ငံခြားငွေ ရောင်းဝယ်ခြင်းကို အပြင်ဈေးအတိုင်း လွတ်လွတ်လပ်လပ် တရားဝင်ရောင်းဝယ်ခွင့် ပုံစံမျိုးဖြင့် ခွင့်ပြုလိုက်သည်။ ဈေးကွက်ထဲတွင်မူ ဒေါ်လာတက်ရိပ်ပြမည့် အလားအလာများကြောင့် ဒေါ်လာဝယ်လိုအား ပိုမိုမြင့်တက်လာသည်။ အဆိုပါ ငွေလဲနှုန်းမတည်မငြိမ်ဖြစ်ပေါ်နေမှု အခြေအနေအရပ်ရပ်အား စီးပွားရေးပညာရှင်များ၊ လုပ်ငန်းရှင်များအားမေးမြန်းထားသည်များကို ဖော်ပြလိုက်ရပါသည် –

ခင်မောင်ညို(ဘောဂဗေဒ)

ရည်ညွှန်းငွေလဲနှုန်း(Reference Rate) ကိုဖြတ်လိုက်တာမဟုတ်ဘူး။ ရည်ညွှန်းငွေလဲနှုန်းကလည်း ဈေးကွက်ပေါက်ဈေးကိုကြည့်ပြီး သတ်မှတ်နေတာ။ များသောအားဖြင့် ရည်ညွှန်းနှုန်းက အပြင်ဈေးနဲ့ကွာနေတယ်ဆိုပြီး ပြောကြတယ်။ အပြင်ဈေး နီးနီးလိုက်ပြီးတော့လုပ်နေ တာ။ ဗဟိုဘဏ်က ဒီလောက်ဖြစ်ရမယ်လို့ပြောတာ မဟုတ်ဘူး။ အပြင်က ဖြစ်နေတဲ့ဟာကို နီးစပ်အောင်လုပ်တာ။ နောက်တစ်ခုက ရည်ညွန်းနှုန်းကိုဖျက်လိုက်တာ မဟုတ်ဘူး။ အပေါ် ၀ ဒသမ၈ အောက် (0.8) က အဲဒီဟာက ဘယ်သူမှ နားမထောင်ဘူး။ အဲဒီတော့ သဘောကဗဟိုဘဏ်က ဒီလောက်သတ်မှတ်ထားလို့ ဘာလို့ဆိုပြီး ကစားကြတာတွေရှိတယ်။ အဲဒါမျိုး မဟုတ်ဘူး။ ဈေးကွက်က ဝယ်တဲ့သူရှိရင်တက်၊ ရောင်းတဲ့လူများရင် ကျပေါ့။ သဘာဝအရကိုက အဝယ်က သေချာပေါက်များနေတာပဲလေ။ အဝယ်များသမျှတော့ တက်မှာပဲလေ။ ဒေါ်လာရောင်းပေမယ့် အကျိုးသက်ရောက်မှုက သိပ်ရှိပုံမရဘူး။ အကုန်လုံးက တက်မယ်လို့ မျှော်လင့်ပြီးတော့ ၀ယ်နေကြတာ။ တစ်ယောက်၊ နှစ်ယောက် ကစားတာလို့သိပ်မထင်ဘူး။ အကုန်လိုက်ဝယ်နေကြလို့တက်ရိပ်ပဲ ပြနေတာ။ ဗဟိုဘဏ်က လုပ်နိုင်တာ ကျန်နေသေးတယ်။ ဘဏ်တွေကနေသူ့ကို ကျပ်ငွေအပ်။ သူက သူ့ရဲ့ဒေါ်လာကို ဘဏ်တွေကို သွားအပ်ထားပေးမယ်။ အဲဒီလိုတော့ စဉ်းစားနေတယ်။ အဝင်က သိပ်မရှိဘဲ အထွက်က များနေတာပေါ့။ သွားတာလာတာ၊ စက်ပစ္စည်း၊ ကုန်ကြမ်းတွေက ဝယ်နေရတော့ အ၀ယ်ဘက်က သန်နေတယ်။ ပို့ကုန်မရှိဘူး။ ဝင်ငွေက သိပ်မရှိ ဘူး။ သုံးတဲ့ဘက်ကများနေတယ်။

ဦးအောင်ကျော်မိုး (Chief Executive Officer – ရှမ်းပြည်နယ် မူဆယ်မြို့ အရှေ့မြောက်တံခါး အများပိုင်ကုမ္ပဏီလီမိတက် )

ငွေလဲနှုန်းမြင့်တက်နေတယ်ဆိုတာပို့ကုန်က နည်းလာတယ်။ ဘယ်အပိုင်းမှာပဲကြည့်ကြည့် သိပ်မလုပ်နိုင်ဘူး။ ကုန်ကြမ်းအဆင့်ပဲ လုပ်နိုင်တယ်။ ကုန်ကြမ်းအဆင့်ဆိုတာကလည်း ဈေးကွက်က သိပ်မရှိဘူး။ တရုတ်ဈေးကွက်ပဲရှိတယ်။ တရုတ် ဈေးကွက်ဆိုတာကလည်း သွားနေတာက ကုန်ကြမ်းအဆင့်ပဲ သွားနေတာ။ ရသင့်သလောက်မရဘူး။ အဲဒီတော့ တဖြည်းဖြည်းနဲ့ နိုင်ငံခြားဝင် ငွေမရှိဘူး။ မရှိတော့ သူရဲ့ငွေကြေးဈေးကွက်အရဆို ကျွန်တော်တို့ ဆီမှာ ပို့ကုန်မရှိဘူးဆိုရင် မြန်မာငွေတန်ဖိုးကတော့ ကျမှာပဲ။ တန်ဖိုးကျရင် ငွေဖောင်းပွမှုများမယ်။ ငွေလဲနှုန်းကတက်မှာပဲ။ အဲဒါကို လုပ်မယ်ဆိုရင် ဆေးမြီးတိုနဲ့ လုပ်လို့မရဘူး။ ဒီထုတ်ကုန်တွေ၊ အသေးစားလုပ်ငန်းတွေ ဖွံ့ဖြိုးတိုးတက်အောင်ပြန်လုပ်ပေးရမယ်။ စက်မှုလုပ်ငန်းတွေ ပြန်ဖွံ့ဖြိုးဖို့ဆိုလည်း လိုအပ်ချက်တွေ အများကြီး လိုတယ်။ တရုတ်ဈေးကွက်မှာ မြန်မာတွေဘက်က ရသင့်ရထိုက်တာ တွေကို အစိုးရဘက်ကလည်း ပံ့ပိုးပေးမယ်။ ဒါမှလည်းအဆင်ပြေ လာမှာပါ။

ဒေါက်တာစိုးထွန်း (စီးပွားရေးလုပ်ငန်းရှင်)

ရည်ညွှန်းငွေလဲနှုန်း (Reference Rate) ကို ဖြုတ်သိမ်းလိုက် တာမဟုတ်ဘူး။ အပြင်မှာက အရင်တုန်းကတည်းက ကိုယ့်ဘာသာ ရောင်းနေတာ။ ဒါကို တရားဝင်ဖြစ်အောင်လုပ်တာ။ အစကတည်းကလည်း ဒါကို မထိန်းနိုင်ဘူး။ ဒီနေ့ဆို တစ်ဒေါ်လာကို ကျပ် ၁၅၀၀ အထိ ရောက်နေပြီ။ အရောင်းအဝယ်တောင် တန့်နေတယ်။ သိပ်ကောင်းတဲ့လက္ခဏာတော့ မဟုတ်ဘူး။ ကမ္ဘာ့ဈေးကွက်မှာကိုက အမေရိကန်ဒေါ်လာက မာလာလို့ပါ။ အမေရိကန်စီးပွားရေးက တက်လာတယ်။ မြန်မာပြည်အတွက် အခြေခံအကြောင်းအရာကတော့ ကုန်သွယ်ရေးလိုငွေပြမှု ဖြစ်နေတာပါပဲ။ အစိုးရ အဆက်ဆက်က ပို့ကုန်ကို အားပေးမယ်လို့ ပြောပေ မယ့် လက်တွေ့မပါဘူး။ လေနဲ့သာ အားပေးနေကြတာမို့ပါ။ ဗဟိုဘဏ်အနေနဲ့က ပုဂ္ဂလိကဘဏ်တွေကို ဒေါ်လာထုတ်ချေး မယ်လို့တော့ကြားတယ်။ ဘယ်လောက် ပမာဏအထိချေးမလဲတော့ မသိသေးဘူး။ ငွေချေးတာလည်း တစ်နေ့ ဒေါ်လာပဲ ပြန်ဆပ်ရမှာပါ။ ပုဂ္ဂလိကဘဏ်တွေကို ထုတ်ရောင်းပေးတယ်။ ဆိုပေမယ့်လည်း ပမာဏကနည်းရင်တော့ ဆင့်ပါးစပ် နှမ်းပက်သလိုပဲ ဖြစ်လိမ့်မယ်။ ပိုပြီးလုပ်သင့်တာက နိုင်ငံခြားငွေရှာပေးနေတဲ့ပို့ကုန်လုပ်ငန်းရှင်တွေကို အားပေးပါ။ ဂုဏ်ပြုပါ။ တခြားနိုင်ငံတွေမှာ ပို့ကုန်သမားတွေကိုမက်လုံးတွေပေးတယ်။ အတိုးနှုန်း သက်သက်သာသာနဲ့ ငွေချေးပေးတယ်။ ပို့ကုန်တင်တဲ့အခါ အခက်အခဲတွေ ဖြေရှင်းပေးဖို့လိုတယ်။ နိုင်ငံခြားငွေ အဓိကရနေတဲ့ တရုတ်ပြည်နယ်စပ် မူဆယ်ဒေသ ဖွံ့ဖြိုးအောင် လုပ်ပေးသင့်တယ်။ ဘီလီယံနဲ့ ငွေရှာတဲ့ ဒေသဖြစ်ပေမယ့် ဒေသဖွံ့ဖြိုးရေးအတွက် ပြန်သုံးပေးတာနည်းနေပါတယ်။ နိုင်ငံခြားရင်းနှီးမြှုပ်နှံမှုနဲ့ ခရီးသွားတွေဝင်လာအောင် ဆောင်ရွက်ပေးပါ။ အခု ဒေါ်လာဈေးက တအားတက်နေတော့ မြန်မာငွေတန်ဖိုးကျမယ်။ ကျွန်တော်တို့ နိုင်ငံမှာ သွင်းကုန်က များနေတော့ ကုန်ဈေးနှုန်းတွေ တက် လာမယ်။ ဓာတ်ဆီ၊ ဒီဇယ်ဈေးတက်မယ်။ လူတွေ သုံးစွဲတာတွေ လျှော့သုံးရတော့မယ်။ လုပ်ငန်းတွေ အရောင်းအဝယ် ကျဆင်းလာမယ်။ ရပ်ဆိုင်းလာမယ်။ အလုပ် လက်မဲ့တွေ များလာမယ်။နိုင်ငံခြားငွေ အဝင်အထွက် ခန့်မှန်းပြီး တင်ခိုင်းလိုက်၊ ဘဏ်တွေ၊ ငွေလဲကောင်တာတွေကိုလည်း နိုင်ငံခြားငွေ အရောင်းအဝယ် နောက်သုံးလစာ ခန့်မှန်းတင်ခိုင်းကြည့်ပါ။ ပြီးရင် ဝန်ကြီးဌာနတွေရဲ့လိုအပ်ချက် တောင်းကြည့်ပါ။ ဒါဆိုရင်ဒေါ်လာလိုအပ်ချက်ကို သိရတာပေါ့။ အစိုးရပိုင် ဘဏ်တွေမှာရှိနေတဲ့ နိုင်ငံခြားငွေတွေပိုလျှံနေတာကို ဗဟိုဘဏ်ကနေ စီမံခန့်ခွဲ၊ ငွေပေးချေရင်လည်း ဒေါ်လာတစ်ခုတည်း အားမပြု ဘဲနဲ့ နိုင်ငံအလိုက် သုံးငွေနဲ့ တိုက်ရိုက်သုံးစွဲ။ ဒါဆိုရင် နိုင်ငံခြားငွေအဝင်အထွက်စာရင်း သိရပြီပေါ့။ အခုထုတ်ပေးတဲ့ ငွေလဲကောင်တာ လိုင်စင်အပြင်ကို ငွေလွှဲလိုင်စင်တွေ ထုတ်ပေးဖို့ လိုမယ်။ ဒါမှ ငွေဝင်၊ ငွေထွက်စာရင်းကို သိရမှာပါ။ တခြားနိုင်ငံတွေမှာ ငွေလွှဲလိုင်စင်ဆိုတာရှိပါတယ်။ တရုတ်ပြည်မှာ မြန်မာကုန်သည်တွေ ဘဏ်အကောင့်ဖွင့်ပြီး ငွေလက်ခံနေရတဲ့ အခြေအနေကနေ မြန်မာပြည် မူဆယ်ဘက်မှာ တရုတ်တွေကိုဘဏ်အကောင့်ပေးဖွင့်နိုင်ဖို့ လုပ်ပေးနိုင်ရပါမယ်။ ဒါမှ ငွေတွေ မြန်မာပြည်ဘက်မှာ ရှိနေမှာ။

ဦးလှမောင် (စီးပွားရေးပညာရှင်)

ဗဟိုဘဏ်ကလုပ်လိုက်တဲ့ပုံစံက နိုင်ငံတကာရဲ့ ပုံစံအတိုင်းလုပ်လိုက်ရတာပါ။ ဘာဖြစ်လို့လဲဆိုတော့ ဒေါ်လာက ဝယ်လိုအားက များတယ်။ ရောင်းလိုအားက နည်းတယ်ဆို ဈေးတက်မယ်။ ဝယ်လိုအားက နည်းတယ်ဆို ဈေးကျမယ်။ ဗဟိုဘဏ် လုပ်လိုက်တဲ့ပုံစံက စီမံခန့်ခွဲမှုလုပ်တာကနေ စီမံခန့်ခွဲမှုကို ဖြုတ်လိုက်တယ်။ဘာလို့လဲဆိုတော့ ဗဟိုဘဏ်ရဲ့ ညွှန်းကိန်းကို လူတွေက ဝေဖန်ကြတာကိုး။ သူတို့လည်း ဘာမှမတတ်နိုင်တဲ့ အတူတူ တခြားနိုင်ငံတွေလို အလားတူ လွှတ်လိုက်မယ်ဆိုပြီး လုပ်လိုက်တာ။ အဲဒီသဘောပါ။ လွှတ်ထားလိုက်ရင်ရော ကောင်းမလားဆိုပြီး သဘာဝကျကျ ပြန်ဖြစ်မလားပေါ့။ ဗဟိုဘဏ်အနေနဲ့ နောက်တစ်နည်းလုပ်တာကောင်းပါတယ်။ သွင်းကုန်သမားတွေက ဒေါ်လာလိုတယ်လေ။ ဝယ်လိုအားတွေများတော့ ဈေးတက်တယ်။ အဲဒီတော့ အဲဒီသွင်းကုန်သမားတွေထဲက မရှိမဖြစ် ဆေးဝါးပစ္စည်း ကိုတင်သွင်းချင်တယ်ဆိုရင် ဗဟိုဘဏ်ရဲ့ဈေးနဲ့အဲဒီလူကို ရောင်းပေးမယ်ဆိုပြီး လုပ်တယ်။ အဲဒါလေးက ကောင်းပါတယ်။ အဲဒီအကြံက ကောင်းပါတယ်။ ဖြစ်နိုင်ရင်တော့ သွင်းကုန်သမားတွေကို ဒေါ်လာရောင်းပေးပါ။ ထုတ်လုပ်ရေးပစ္စည်းရော၊ ကုန်ကြမ်းရော၊ စက်ပစ္စည်းပါ နိုင်ငံခြားက ဝယ်ရတယ်လေ။ အဲဒီပစ္စည်းတွေ ဝယ်ရင်လည်း ဒေါ်လာရောင်းပေးပါ။ အခုက ဒေါ်လာကိုင်ထားတဲ့သူကမရောင်းဘဲနဲ့ နေတယ်လို့ ကြားတယ်။ အရောင်းမရှိဘဲ အဝယ်ပဲရှိနေတော့ ဈေးကပိုတက်မှာပေါ့။ အဲဒီတော့ ဗဟိုဘဏ်မဟုတ်တော့ဘဲနဲ့ နိုင်ငံတော်အစိုးရပေါ့။ စီမံဘဏ္ဍာဝန်ကြီးကနေပြီးတော့ ဟိုအရင်တုန်းကအက်ဖ်အီးစီတွေ တက်ပြီဆိုရင် အက်ဖ်အီးစီကို လိုင်စင်နဲ့ ထုတ်ပေးထားတဲ့သူတွေကို ခဏဖမ်းထိန်းထားလိုက်ပြီးတော့ အင်းစိန်ထောင်ထဲ ပို့ထားလိုက်တာပဲ။ ရွှေဈေးတွေ တက်ပြီဆိုလည်း ခဏထည့်ထားတယ်။ အဲဒီလို အရေးယူတာမျိုး လုပ်ရင်တော့လည်း အဆင်ပြေသွားမှာပေါ့။