မြန်မာသတင်းအချက်အလက် နည်းပညာတက္ကသိုလ်ပထမနှစ်သင်တန်းအတွက် ဝင်ခွင့်များ စတင်ခေါ်ယူ

ရန်ကုန်၊ ဩ၈ုတ်-၁၇

၂၀၁၈-၂၀၁၉ ပညာသင်နှစ်အတွက် မြန်မာသတင်းအချက်အလက် နည်းပညာတက္ကသိုလ်သို့ဝင်ခွင့်လျှောက်ထားနိုင်ရန် ဝင်ခွင့်လျှောက်လွှာများကို စက်တင်ဘာ ၃ရက်မှစ၍ အဆိုပါတက္ကသိုလ်ကျောင်းသားရေးရာဌာနတွင် စတင်ထုတ်ယူနိုင်ပြီး အောက်တိုဘာ ၅ ရက် နောက်ဆုံးထား၍ တက္ကသိုလ်သို့ တိုက်ရိုက်လျှောက်ထားရမည်ဖြစ်ကြောင်း အဆိုပါတက္ကသိုလ်က ဩဂုတ် ၁၅ ရက်တွင်ထုတ်ပြန်ထားသည်။

အဆိုပါ တက္ကသိုလ်တွင်Computer Science and Engineeringနှင့်Electornics and Commumications Enginnerစသည့် ဘာသာရပ်နှစ်ခုကိုသင်ကြားပေးမည်ဖြစ်ပြီး ဘာသာရပ်တစ်ခုလျှင် စုစုပေါင်းကျောင်းသား၊ကျောင်းသူ ၆၀စီ လက်ခံသင်ကြားပေးမည်ဖြစ်ကြောင်း သိရသည်။

ဝင်ခွင့်အတွက် မြန်မာတစ်နိုင်ငံလုံးရှိ တက္ကသိုလ်ဝင်စာမေးပွဲ ဖြေဆိုခဲ့သည့် စာစစ်ဌာနအားလုံးမှ ၂၀၁၈ခုနှစ် တက္ကသိုလ်ဝင်စာမေးပွဲကို သိပ္ပံတွဲ၊ ဝိပ္ပံတွဲအပါအဝင် ဘာသာတွဲငါးမျိုးဖြင့်အောင်မြင်သူများကိုလျှောက်ထားနိုင်ရန် ခေါ်ယူထားပြီး နိုင်ငံခြားဧည့်ပါမောက္ခများ ပါဝင်သင်ကြားမည်ဖြစ်သဖြင့် လျှောက်ထားသူများသည်အင်္ဂလိပ်ဘာသာဖြင့် သင်ကြားပို့ချမှုအား နားလည်နိုင်သူဖြစ်ရမည်ဖြစ်ကြောင်း သိရသည်။

လျှောက်ထားရာတွင် ၂၀၁၇-၂၀၁၈ ပညာသင်နှစ် တကသ္က လို ဝ် င်တန်းစာမေးပွဲအောင်လက်မှတ် မူရင်း/မိတ္တူ၊ ၂၀၁၇- ၂၀၁၈ တက္ကသိုလ်ဝင်တန်းစာမေးပွဲ အောင်မြင်သည့် အမှတ်စာရင်း မူရင်း /မိတ္တူ၊ လျှောက်ထားသူနှင့် မိဘနှစ်ပါးစလုံး၏ နိုင်ငံသားစိစစ်ရေးကတ်ပြား မူရင်း/မိတ္တူ၊ ခြောက်လအတွင်းရိုက်ကူးထားသော ပတ်စ်ပို့အရွယ် ဓာတ်ပုံလေးပုံ၊ သက်ဆိုင်ရာရပ်ကွက်နှင့် ရဲစခန်းမှ အကျင့်စာရိတ္တကောင်းမွန်ကြောင်း ထောက်ခံစာတို့နှင့်အတူ ပူးတွဲလျှောက်ထားရမည်ဖြစ်ကြောင်း သိရသည်။

လျှောက်ထားသူများသည်အောက်တိုဘာ ၁၆ ရက်တွင် မြန်မာသတင်းအချက်အလက် နည်းပညာတက္ကသိုလ် စာစစ်ဌာန(သို့) ကွန်ပျူတာတက္ကသိုလ်စာစစ်ဌာန တစ်ခုခု၌အရည်အချင်းစစ်ဝင်ခွင့်စာမေးပွဲကိုဝင်ရောက်ဖြေဆိုကြရမည်ဖြစ်ကာတက္ကသိုလ်ဝင်ခွင့်အတွက် ဝင်ခွင့်စာမေးပွဲရမှတ်နှင့် တက္ကသိုလ်ဝင်တန်းစာမေးပွဲ ရမှတ်ကို ပူးတွဲ၍ စဉ်းစားမည်ဖြစ်ပြီး အောင်မြင်သူများကိုသာလက်ခံ သင်ကြားပေးမည်ဖြစ်ကြောင်း၊

အရည်အချင်းစစ် ဝင်ခွင့်စာမေးပွဲနှစ်နာရီမေးခွန်းဖြစ်ပြီး တက္ကသိုလ်ဝင်တန်းအဆင့် သင်္ချာ၊ အင်္ဂလိပ်စာ၊ဓာတုဗေဒ၊ ရူပဗေဒ ဘာသာရပ်ဆိုင်ရာမေးခွန်းများ ဖြေဆိုရမည်ဖြစ်ကြောင်းသိရသည်။

ဝင်ခွင့်အတွက် ဖြေဆိုရမည့်ခုံအမှတ်များနှင့် စာစစ်ဌာနများကိုမြန်မာသတင်းအချက်အလက် နည်းပ ညာတက္ကသိုလ်၏ ကြော်ငြာသင်ပုန်းများနှင့် www.miit.edu.mm တွင်ကြေညာ၍ ဖြေဆိုခွင့်ကတ်ပြားထုတ်ပေးမည်ဖြစ်ပြီး ဖြေဆိုခွင့်ကတ်ပြားမရှိပါက စာမေးပွဲဝင်ရောက်ဖြေဆိုခွင့်ကို ခွင့်ပြုမည်မဟုတ်ကြောင်း သိရသည်။

၂၀၁၈-၂၀၁၉ ပညာသင်နှစ်မြန်မာသတင်းအချက်အလက် နည်းပညာတက္ကသိုလ်၏ ဘွဲ့ကြိုသင်တန်းများကို ၂၀၁၈ခုနှစ် ဒီဇင်ဘာ ၃ ရက်တွင် စတင်ဖွင့်လှစ်မည်ဖြစ်ပြီး သင်တန်းကာလမှာ ငါးနှစ်ဖြစ်ကာ သင်တန်း ပြီးဆုံးပါကB.E(Hons)ဘွဲ့ကိုအပ်နှင်းမည်ဖြစ်ကြောင်း သိရသည်။

အသေးစိတ် အချက်အလက်များကို www.miit.edu.mm တွင်လည်းကောင်း၊ဖုန်း ၀၉-၇၈၅၅၇၇၀၆ ၊ ၀၉၇၈၅၅၇၇၀၉ တို့သို့တိုက်ရိုက်ဆက်သွယ်မေးမြန်းနိုင်ကြောင်းသိရသည်။