မော်ရင်ဟိုနှင့်နည်းပြအဖွဲ့ ထုတ်ပယ်မှုအတွက်မန်ယူအသင်း ပေါင် ၁၉ ဒသမ ၆ သန်းပေးခဲ့ရ

မန်ယူအသင်း၏ လေးလပတ် ဘဏ္ဍရေးစာရင်းရှင်းတမ်းကို ဖေဖော်ဝါရီ ၁၄ ရက်တွင် ထုတ်ပြန်ကြေညာချက်အရ မန်ယူအသင်းသည် ဒီဇင်ဘာလအတွင်းကမော်ရင်ဟိုနှင့် နည်းပြအဖွဲ့ကို ရာထူးမှ ထုတ်ပယ်ခဲ့သည့်အတွက် လျော်ကြေး ပေါင် ၁၉ဒသမ ၆ သန်းပေးခဲ့ရကြောင်း သိရှိရသည်။ အဆိုပါ ပေးချေမှုမှ မော်ရင်ဟိုသည် ပေါင်၁၅ သန်းရရှိခဲ့ပြီး ကျန်သည့် ငွေများကို လက်ထောက်နည်းပြများဖြစ်သော ဂိုးနည်းပြဆယ်လ်ဗင်နို လူရို၊ နည်းပြအဖွဲ့ဝင် ရာပက်တီနှင့် ကားလို့စ်လာလင်တို့က ခွဲဝေရရှိကြောင်းသိရသည်။

မန်ယူအသင်းသည် ၂၀၁၃ ခုနှစ်တွင် နည်းပြအဖြစ်မှ ဖာဂူဆန်အနားယူသွားပြီးနောက် ခန့်အပ်ခဲ့သည့် မိုယက်စ်၊ဗန်ဟားနှင့် မော်ရင်ဟိုတို့ကို ထုတ်ပယ်မှုကြောင့်လျော်ကြေးစုစုပေါင်း ပေါင် ၃၃ ဒသမ ၂ သန်ပေးခဲ့ရပြီဖြစ်သည်။ မော်ရင်ဟိုနှင့် ၎င်း၏နည်းပြအဖွဲ့များသည် ချယ်လ်ဆီးမှ ထုတ်ပယ်ခံရစဉ်တွင် ပေါင် ၂၃ ဒသမ ၁ သန်း၊ ၂၀၁၅ ခုနှစ်တွင် ချယ်လ်ဆီးမှ ထပ်မံထုတ်ပယ်ခံရစဉ်တွင် ပေါင် ၈ ဒသမ ၃ သန်းရရှိနိုင်ခဲ့သည်။

ဒီဇင်ဘာ ၃၁ ရက်တွင် အနှစ်ချုပ်သည့် လေးလပတ်ဘဏ္ဍာရေးစာရင်းရှင်းတမ်း၌ မန်ယူအသင်းသည် ၀င်ငွေ ပေါင် ၂၀၈ ဒသမ ၆ သန်းရရှိကြောင်း သိရပြီး ချန်ပီယံလိဂ်ရုပ်သံထုတ်လွှင့်ခွင့်မှ ရရှိသည့်ငွေမှာ မနှစ်ကထက် ၃၇ ဒသမ ၉ ရာခိုင်နှုန်း(ပေါင် ၂၈ ဒသမ ၅ သန်း) တိုးတက်ရရှိကာ ပေါင် ၁၀၃ ဒသမ ၇ သန်း ရခဲ့ကြောင်း သိရသည်။