တနင်္သာရီတိုင်းလွှတ်တော် ဗဟိုမျှော်

တနင်္သာရီတိုင်းဒေသကြီးလွှတ်တော်မှ တိုင်းဒေသကြီး အစိုးရအဖွဲ့ကို စွပ်စွဲပြစ်တင်ရန်လုံလောက်သော အထောက်အထားများ ရရှိနေပြီဟု တိုင်းဒေသလွှတ်တော်ကိုယ်စားလှယ်အချို့က ပြောကြသည်။

ဖေဖော်ဝါရီလ၁၈ရက်မှ၂၀ရက်အတွင်းကျင်းပခဲ့သည့်တိုင်းဒေသကြီး
လွှတ်တော် အစည်းအဝေးတွင် တိုင်းအစိုးရ၏ လုပ်ဆောင်ချက် ၂ ခုကို လွှတ်တော်ကော်မတီ ၂ ခုက ဝေဖန်ထောက်ပြလိုက်ပြန်သည်။

ပထမတစ်ခုမှာမြိတ်မြို့၏နာမည်ကျော်အနံ့ဆိုးထုတ်ငါးအမှုန့်ကြိတ်စက်ရုံများကိစ္စကိုစီမံခန့်ခွဲရာတွင်လျော့ရဲနေမှု၊စက်ရုံ၂ရုံကမြန်မာ့ရင်းနှီးမြှပ်နှံမှုကော်မရှင်(MIC)၏ ခွင့်ပြုချက်မရှိဘဲလည်ပတ်နေမှု ဖြစ်သည်။

ဒုတိယတစ်ခုမှာ တနင်္သာရီတိုင်းဝန်ကြီးချုပ်၊ တိုင်း NLD ဥက္ကဋ္ဌတို့နှင့် ဆွေမျိုးနီးစပ်သူပါဝင်သော ကုမ္ပဏီအုပ်စုအား ဆောက်လုပ်ရေးလုပ်ငန်း ၃ ကို လုပ်ထုံးလုပ်နည်းနှင့်မညီဘဲ လုပ်ပိုင်ခွင့်ချထားပေးမှုဖြစ်သည်။

ထိုအချက်များနှင့်အတူ တိုင်းအစိုးရလုပ်ဆောင်ချက်အချို့ကို အခြေခံကာ ဝန်ကြီးချုပ်နှင့် ဝန်ကြီးအချို့ကို စွပ်စွဲပြစ်တင်ရန် ခိုင်လုံနေပြီဟု လွှတ်တော်ကိုယ်စားလှယ်အချို့က ပြောဆိုသည်။

“စွပ်စွဲပြစ်တင်ဖို့ အချက်အလက်တော့ အတော်လေး စုံနေပြီပေါ့။ လုံလောက်နေပါပြီ” ဟု ထားဝယ်ခရိုင်အတွင်းမှ တိုင်းဒေသကြီး လွှတ်တော်ကိုယ်စားလှယ် တစ်ဦးက ပြောသည်။

ထားဝယ်ခရိုင်အတွင်းမှတိုင်းဒေသကြီးလွှတ်တော်ကိုယ်စားလှယ်နောက်တစ်ဦးကလည်း ယင်းအချက်ကို ထောက်ခံသည်။

“လိုလောက်တဲ့ အထောက်အထားတွေ ရှိတယ်၊ လုံလောက်တဲ့ အကြောင်းအရင်းတွေ ရှိနေပြီ” ဟု ၎င်းက ပြောသည်။

သို့သော် တိုင်းဒေသကြီးလွှတ်တော်ကိုယ်စားလှယ် အများစုက ဗဟိုကို မျှော်နေကြသည်။

DaweiWatchမှဆက်သွယ်မေးမြန်းခဲ့သည့်တိုင်းဒေသကြီးလွှတ်တော်ကိုယ်စားလှယ် ၁၀ ဦးအနက် ၈ ဦးက ဗဟိုက တစ်စုံတရာ ဆုံးဖြတ်မည်ကို စောင့်ကြည့်/စောင့်မျှော်နေကြောင်း ပြောသည်။

“ဗဟိုကဆုံးဖြတ်လိမ့်မယ်လို့အပြည့်အဝယုံကြည်တယ်။စွပ်စွဲပြစ်တင်
တယ်ဆိုတာက ဒုတိယအစီအစဉ်ပေါ့၊ ဒုတိယအစီအစဉ်ဆိုတာကလည်း ပထမအစီအစဉ် မထွက်(မဆုံးဖြတ်)ခင် ဘာမှ ပြောလို့ မရဘူးလေ” ဟု ထားဝယ်ခရိုင်အတွင်းမှတိုင်းဒေသကြီးလွှတ်တော်ကိုယ်စားလှယ်တစ်ဦးက ပြောသည်။

အထက်ပါလွှတ်တော်အစည်းအဝေး မတိုင်မီ ဇန်န၀ါရီလ ၂၈ ရက်နေ့ကလည်း တိုင်းလွှတ်တော်အနေဖြင့် တိုင်းအစိုးရအဖွဲ့ကို ဒေသခံအချို့ တိုင်ကြားခဲ့သည့် လေယာဉ်ကွင်း ချုံရှင်းခ သိန်း ၄၀၀၀ ကိစ္စ၊ ထားဝယ်ခရိုင်လျှပ်စစ်ထုတ်လုပ်ရေးစာချုပ်တွင် ကွက်လပ်များ ဖြစ်ပေါ်နေသည့်ကိစ္စ၊ ထားဝယ်ခရိုင်လျှပ်စစ်မီးဖြန့်ဖြူးရေးလုပ်ငန်းကို တင်ဒါမခေါ်ဘဲ လုပ်ကိုင်ခွင့်ပေးထားသည့် ကိစ္စတို့နှင့် ပတ်သက်၍ ဝန်ကြီးချုပ်၏ လုပ်ဆောင်ချက်များအပေါ် တွေ့ရှိချက်များကို ဗဟိုသို့ အစီရင်ခံခဲ့သည်။

တိုင်းလွှတ်တော်ကိုယ်စားလှယ် ၁၄ ဦးက နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်၊ NLD ဗဟိုတို့ထံ ပေးပို့ခဲ့သည့် အထက်ပါအစီရင်ခံစာတွင်ဝန်ကြီးချုပ်၏ကိုယ်ရေးအရာရှိခန့်ထားသည့်ကိစ္စ၊ ဆောက်လုပ်ရေးလုပ်ငန်းအချို့ကို တင်ဒါမခေါ်ဘဲ ချထားပေးသည့်ကိစ္စများကို ပါဝင်သည်။

မြိတ်နှင့် ထားဝယ်ခရိုင်အတွင်းမှ ဒေသခံတို့ကလည်း ဝန်ကြီးချုပ်နှင့် ဝန်ကြီးများအပေါ် အဂတိ လိုက်စားခြင်း၊ စွမ်းဆောင်ရည် ညံ့ခြင်း၊ မိမိနှင့် ဆွေမျိုးတော်သူ၊ နီးစပ်သူများကို လုပ်ပိုင်ခွင့်ချထားပေးခြင်း၊ လျှပ်စစ် စာချုပ်တွင် ကွက်လပ်များဖြင့် ချုပ်ဆိုထားခြင်း စသည်တို့ကို စုံစမ်းစစ်ဆေးအရေးယူပေးရန် တိုင်ကြားထားသည်။

ထိုတိုင်ကြားမှုများကို စုံစမ်းစစ်ဆေးနေကြောင်း၊ စစ်ဆေးပြီးပါက ပြည်သူကို ပွင့်လင်းစွာတင်ပြမည်ဖြစ်ကြောင်းဒေါ်အောင်ဆန်းစုကြည်က တနင်္သာရီတိုင်းခရီးစဉ်အတွင်း ပြောဆိုသွားသည်။

လက်ရှိတွင်လည်း ယင်းကိစ္စများအတွက် စစ်ဆေးနေကြောင်း တနင်္သာရီတိုင်းဝန်ကြီးချုပ် ဒေါက်တာလဲ့လဲ့မော်က ပြောသည်။

အဂတိလိုက်စားမှုရှိသည်ဟုဆိုကာဒေသခံတို့၏တိုင်ကြားချက်ချက်များနှင့်ပတ်သက်၍ ဝန်ကြီးချုပ်အား စစ်ဆေးနေခြင်းမျိုး ရှိပါသလားဟု Dawei Watch မှ စာဖြင့်မေးမြန်းခဲ့သည်။

ယင်းမေးခွန်းကို “စစ်ဆေးဆဲ ဖြစ်ပါသည်” ဟု ဒေါက်တာလဲ့လဲ့မော်က ဖေဖော်ဝါရီ ၂၀ ရက်နေ့တွင် စာဖြင့်ပြန်လည်ဖြေဆိုခဲ့သည်။

မြိတ်ခရိုင်မှတိုင်းဒေသကြီးလွှတ်တော်ကိုယ်စားလှယ်တစ်ဦး ကလည်း နိုင်ငံတော်အတိုင်ပင်ခံ ဒေါ်အောင်ဆန်းစုကြည်၏ ဆုံးဖြတ်မှုကို မျှော်နေသည်ဟု ဆိုသည်။

ဒေါ်အောင်ဆန်းစုကြည်၏တနင်္သာရီတိုင်းခရီးစဉ်တွင်တိုင်စာသုံးရာကျော်ရှိမှုနှင့်အတူ ဝန်ကြီးချုပ်နှင့် တိုင်းအစိုးရအဖွဲ့ဝင်အချို့ နှုတ်ထွက်ပေးရန် တိုက်ရိုက်တင်ပြခြင်း၊ဆိုင်းဘုတ်ထောင်ခြင်းတို့ဖြစ်ပေါ်ခဲ့ရာဒေါ်အောင်ဆန်းစုကြည်က ယင်းအပေါ် တစ်စုံတရာ ဆုံးဖြတ်လုပ်ဆောင်မည်ဟု ယုံကြည်ကြောင်း အထက်ပါကိုယ်စားလှယ်က ပြောသည်။

“ပြည်သူတွေ ရင်ဖွင့်လိုက်တာတွေလည်း အများကြီးပဲလေ။ အမေစု ပြည်ထောင်စု ပြန်သွားပြီဆိုတော့ အမေစုဆီကပဲ ဘာတွေ ဆုံးဖြတ်မယ်၊ ပြည်ထောင်စုက ဘာတွေ ဆုံးဖြတ်မယ်ဆိုတာကိုပဲ နားထောင်ရမှာပဲ” ဟု ၎င်းက ဆိုသည်။

ထားဝယ်ခရိုင်အတွင်းမှ တိုင်းဒေသကြီးလွှတ်တော်ကိုယ်စားလှယ် တစ်ဦးက အကယ်၍ ဗဟိုမှ တစ်စုံတရာအရေးယူမှု မရှိပါက လူထုက တိုင်းလွှတ်တော်ကိုဖိအားပေးတိုက်တွန်းကြတော့မည်ဖြစ်၍တိုင်းလွှတ်တော်က စွပ်စွဲပြစ်တင်မှု မလွှဲမသွေ လုပ်ဆောင်လာမည်ဟု ထင်မြင်ယူဆကြောင်း ပြောသည်။

“(စွပ်စွဲပြစ်တင်)ဖြစ်လာနိုင်တယ်၊ နောက်ဆက်တွဲ ဖိအားတွေက လာဦးမှာကိုး။ ပြည်သူတွေက ပြောနေရုံပဲ ရတာလေ၊ ကိုယ်တိုင် ထဲထဲဝင်ဝင် လုပ်လို့ မရဘူး၊နောက်ဆုံးတော့လွှတ်တော်ပဲလာဖိမှာပေါ့ဗျ၊ ဒီတော့ ဖြစ်လာနိုင်တယ်” ဟု အထက်ပါ ကိုယ်စားလှယ်က ပြောသည်။

တိုင်းလွှတ်တော်မှ ဇန်နဝါရီ ၂၈ ရက်နေ့က ပြည်ထောင်စုသို့ စာပို့ပြီးချိန်ကမူ လွှတ်တော်ကိုယ်စားလှယ်အချို့က လိုအပ်လျှင် တိုင်းအစိုးရကို စွပ်စွဲပြစ်တင်ရန် အသင့်ရှိကြောင်း Dawei Watch သတင်းဌာနသို့ပြောဆိုခဲ့ဖူးသည်။

သတင်း၊ဓာတ်ပုံ-| Dawei Watch |