မြန်မာ-ထိုင်း ချစ်ကြည်ရေးတံတား အမှတ်(၂)ဖွင့်ပွဲအခမ်းအနားသို့နိုင်ငံတော်အတိုင်ပင်ခံပုဂ္ဂိုလ်နှင့် ထိုင်းဝန်ကြီးချုပ် တက်ရောက်ဖွင့်လှစ်

ကရင်ပြည်နယ် ဘားအံမြို့၌ ရောက်ရှိနေသည့် နယ်စပ် ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဗဟိုကော် မတီဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစု ကြည်သည် မတ် ၁၉ ရက် နံနက်ပိုင်းတွင် ရဟတ်ယာဉ်ဖြင့် မြ၀တီ မြို့သို့ ရောက်ရှိပြီး မြန်မာ-ထိုင်း ချစ်ကြည်ရေးတံတား အမှတ်(၂)ဖွင့်ပွဲ အခမ်းအနားသို့ ထိုင်းနိုင်ငံဝန်ကြီးချုပ် ပရာယုဒ်ချန်အိုချာနှင့် အတူ တက်ရောက်ဖွင့်လှစ်ပေးခဲ့သည်။

အဆိုပါအခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ် က နှုတ်ခွန်းဆက် အမှာစကားပြောကြားရာတွင် မြန်မာ-ထိုင်း အမှတ်(၂) ချစ်ကြည်ရေးတံတား တည်ဆောက်မှုပြီးစီးခြင်း အထိမ်း အမှတ် အခမ်းအနားကို ထိုင်းနိုင်ငံဝန်ကြီးချုပ် မစ္စတာ ပရာယုဒ် ချန်အိုချာနှင့်အတူ တက်ရောက်ခွင့်ရရှိသည့်အတွက် များစွာ ၀မ်းမြောက်မိကြောင်း၊ နှစ်ဖက် အဆင့်မြင့်အရာရှိကြီးများအနေ ဖြင့် ယခုကဲ့သို့ တံတားတည်ဆောက်မှုပြီးစီးခြင်း အထိမ်းအမှတ် အခမ်းအနားသို့ တက်ရောက်လာကြသည်ကို ကြည့်ခြင်းအားဖြင့် နှစ်နိုင်ငံအကြား ဆက်ဆံရေးနှင့် ပူးပေါင်းဆောင်ရွက်မှုများကို နှစ်ဖက်စလုံးက အလေးထားသည်ကို ထင်ဟပ်ဖော်ပြလျက်ရှိ ကြောင်း၊ ချစ်ကြည်ရေးတံတားကို နှစ်ဖက်သက်ဆိုင်ရာ အာဏာ ပိုင်များနှင့် ပြည်သူများ၏ နီးနီးကပ်ကပ် ပူးပေါင်းဆောင်ရွက်မှု များနှင့် ကြိုးပမ်းအားထုတ်မှုများကြောင့် အောင်မြင်စွာ တည် ဆောက်ပြီးစီးနိုင်ခဲ့ခြင်း ဖြစ်ပါကြောင်း၊ယခု အောင်မြင်မှုရလဒ်သည် နှစ်နိုင်ငံပြည်သူများ၏ စည်းလုံးညီညွတ်မှုနှင့် တညီတညွတ်တည်းရှိမှုကို ပြသသည့်အပြင် နှစ်ဖက်အပြန်အလှန် အကျိုးစီးပွားအတွက်ပူးပေါင်းဆောင်ရွက်မှုရှိခြင်း၏ ပြယုဂ်တစ်ခုဟု ဆိုနိုင်ကြောင်းပြောကြားသည်။

ဆက်လက်၍ နိုင်ငံတော်၏အတိုင်ပင်ခံပုဂ္ဂိုလ်က မြန်မာနိုင်ငံနှင့် ထိုင်းနိုင်ငံအကြား သံတမန်ဆက်ဆံရေး စတင်ထူထောင်ခဲ့သည့် ၁၉၄၈ ခုနှစ် သြဂုတ် ၂၄ ရက်ကစပြီး နှစ်နိုင်ငံအနေဖြင့် ကာလရှည်ကြာစွာ တည်ရှိခဲ့သည့် ချစ်ကြည်ရင်းနှီးမှု၊ အိမ်နီးချင်းကောင်းပီသမှုနှင့် အပြန်အလှန်နားလည်မှုတို့ကို တန်ဖိုးထား ထိန်းသိမ်းနိုင်ခဲ့ကြကြောင်း၊ပြီးခဲ့သည့်နှစ်အတွင်းက သံတမန်ဆက် သွယ်မှု နှစ်(၇၀) ပြည့်မြောက်ခဲ့သည့် အခမ်းအနားများကို ကျင်းပခဲ့ပြီး နှစ်နိုင်ငံအကြား ဆက်ဆံရေးကိုလည်း သဘာဝအလျောက် မဟာဗျူဟာမြောက် မိတ်ဖက်ဆက်ဆံရေး (Natural Strategic Partnership) အဖြစ်အဆင့်မြှင့်တင်နိုင်ခဲ့ကြောင်း၊ မိမိတို့သည် အိမ်နီးချင်းနိုင်ငံ နှစ်နိုင်ငံ၏ ဆက်ဆံရေးကိုများစွာအလေးထားကြောင်းကို ပြောကြားလိုကြောင်း၊ နှစ်နိုင်ငံပြည်သူများ၏အကျိုးစီးပွား ပိုမိုတိုးမြှင့်နိုင်ရေးအတွက် ထိုင်းနိုင်ငံနှင့် လက်တွဲဆောင်ရွက်ရန် အမြဲအသင့်ရှိပါကြောင်းနှင့် အခွင့်ကြုံခိုက် မြန်မာ-ထိုင်း ချစ်ကြည်ရေးတံတား အမှတ်(၂) ပေါ်ပေါက်လာပုံနှင့် ၎င်း၏အရေးပါပုံကိုလည်း အနည်းငယ်မျှဝေလိုပါကြောင်း၊ ယင်းတံတားကြီးသည်မိုးအိ/သောင်ရင်းမြစ်ကို ဖြတ်ကျော်ပြီး မြန်မာနိုင်ငံဘက်မှ မြ၀တီမြို့နယ်နှင့် ထိုင်းနိုင်ငံဘက်မှ မဲဆောက်မြို့နယ် တာ့ခ်ခရိုင်တို့ကို ဆက်သွယ်ပေးထားသည့် တံတားကြီးတစ်စင်းဖြစ်ကြောင်း။

-Ads-
-Ads-

၂၀၁၂ ခုနှစ် မေလအတွင်းက မြန်မာ-ထိုင်း နှစ်နိုင်ငံအဖွဲ့များသည် နယ်စပ်တွင်တင်ကွင်းဆင်းစစ်ဆေးမှုများ ပြုလုပ်ခဲ့ပြီး ပန္နက်တင်မင်္ဂလာအမ်းအနားကို ၂၀၁၅ ခုနှစ် သြဂုတ်လအတွင်းက ကျင်းပခဲ့ပြီး ယခုတံတားကြီး ပြီးစီးရေးအတွက် လေးနှစ်ကြာ အားသွန်ခွန်စိုက် ပူးပေါင်းဆောင်ရွက်ခဲ့မှုများသည် နှစ်နိုင်ငံအကြား ထိတွေ့ဆက်ဆံမှုနှင့် ပူးပေါင်းဆောင်ရွက်မှုများကို ပိုမိုတိုးပွားလာစေမည်ဖြစ်ပြီး နှစ်နိုင်ငံပြည်သူများ၏အကျိုးစီးပွားကိုလည်း တိုးမြှင့်ဖော်ဆောင်လာစေနိုင်မည်ဟုလည်း ယုံကြည်ကြောင်း၊နှစ်နိုင်ငံအကြား ရုပ်ပိုင်းဆိုင်ရာ ပေါင်းစည်းဆက်နွှယ်မှုကိုသာမက နှစ်နိုင်ငံ ပြည်သူများအကြား ထိတွေ့ပေါင်းစည်း ဆက်နွယ်မှုကိုလည်း တိုးမြှင့်ပေးနိုင်မည်ဖြစ်ကြောင်း ပြောကြားသည်။

ယင်းနောက် ထိုင်းနိုင်ငံဝန်ကြီးချုပ်က တံတားတည်ဆောက်မှု ပြီးစီးသည့် အပေါ်ဝမ်းမြောက်ကြောင်းနှင့် စီမံကိန်းအောင်မြင်ပြီး တံတားဖွင့်လှစ်အသုံးပြုနိုင်ခြင်းဖြင့်နှစ်နိုင်ငံပြည်သူများအတွက် ရရှိလာမည့် အကျိုးကျေးဇူးများကို ပြောကြားသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ထိုင်းနိုင်ငံဝန်ကြီးချုပ် မစ္စတာပရာယုဒ်ချန်အိုချာတို့သည် မြန်မာ-ထိုင်း ချစ်ကြည်ရေးတံတားအမှတ်(၂) တည်ဆောက်ပြီးစီးခြင်း အထိမ်းအမှတ် ကမ္ပည်းမော်ကွန်းကို စက်ခလုတ်နှိပ်
ဖွင့်လှစ်ပေးကြသည်။ အခမ်းအနားအပြီးတွင် နိုင်ငံတော်၏အတိုင်ပင်ခံပုဂ္ဂိုလ်နှင့်ထိုင်းနိုင်ငံဝန်ကြီးချုပ်တို့သည် အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၊ မြန်မာ-ထိုင်း နှစ်နိုင်ငံဝန်ကြီးများနှင့်အတူ စုပေါင်းမှတ်တမ်းတင်ဓာတ်ပုံရိုက်ကြသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည် ကရင်ပြည်နယ်အစိုးရအဖွဲ့ဝင်များနှင့် မြန်မာနိုင်ငံ နယ်စပ်ကုန်သွယ်ရေးထိန်းချုပ်မှုစခန်း (မြ၀တီ)၌ တွေ့ဆုံခဲ့ပြီးစိုက်ပျိုးရေးကဏ္ဍ တိုးတက်လာစေရေး၊ မြေယာအမှုတွဲများ အမြန်ပြီးပြတ်စေရေး၊မူးယစ်ဆေးဝါး ကာကွယ်တားဆီးရေး၊ ပြည်နယ်အစိုးရအဖွဲ့အနေဖြင့် ကျေးရွာများသို့သွားရောက်၍ ပြည်သူလူထုနှင့် အမှန်တကယ်ထိတွေ့ကာ ပြည်သူလူထု၏ တင်ပြချက်များကို လက်တွေ့ကျကျ ဖြေရှင်းဆောင်ရွက်ပေးရေးဆိုင်ရာကိစ္စရပ်များကို မှာကြားခဲ့သည်။

မွန်းလွဲပိုင်းတွင် နိုင်ငံတော်၏အတိုင်ပင်ခံပုဂ္ဂိုလ်သည် ၂၃၀ ကေဗွီ မော်လမြိုင်မြ၀တီဓာတ်အားလိုင်း ၅၅ ဒသမ ၃၄ မိုင်နှင့် ၂၃၀/၆၆/၁၁ ကေဗွီ ၁၀၀ အမ်ဗွီအေမြ၀တီ ပင်မဓာတ်အားခွဲရုံ ဖွင့်ပွဲအခမ်းအနားသို့ တက်ရောက်ဖွင့်လှစ်ပေးသည်။

အဆိုပါအခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းနှင့် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်တို့သည် ၂၃၀/၆၆/၁၁ ကေဗွီ ၁၀၀ အမ်ဗွီအေမြ၀တီပင်မ ဓာတ်အားခွဲရုံ ကမ္ပည်းကျောက်စာကို စက်ခလုတ်နှိပ်ဖွင့်လှစ်ပေးပြီး အမွှေးနံ့သာရည် ပက်ဖျန်းပေးခဲ့သည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည် စီမံကိန်းရှုရပ်မှနေ၍ မြ၀တီပင်မဓာတ်အားခွဲရုံကို ကြည့်ရှုခဲ့ပြီးနောက် မြ၀တီမြို့မှ ရဟတ်ယာဉ်များဖြင့် ပြန်လည်ထွက်ခွာရာ ညနေပိုင်းတွင် နေပြည်တော်သို့ ပြန်လည်ရောက်ရှိခဲ့ကြောင်း သိရသည်။

-Ads-
-Ads-