ဗြိတိန်နိုင်ငံနှင့် ဝန်ကြီးချုပ်ကို ထရန့် လေးစားမှုမရှိဟုဆို

အမေရိကန်သမ္မတ ဒေါ်နယ်ထရန့်သည် ဗြိတိန်နိုင်ငံနှင့် ဗြိတိန်ဝန်ကြီးချုပ်တို့အပေါ် လေးစားသမှုမရှိကြောင်း နိုင်ငံခြားရေးဝန်ကြီး ဂျရေမီဟန့်က ပြောကြားလိုက်သည်။

အမေရိကန်နိုင်ငံဆိုင်ရာ ဗြိတိန်သံအမတ်ကြီးသည် အလွန်မိုက်မဲသောသူဖြစ်ကြောင်း အီးမေးလ်ပေါက်ကြားမှုကိစ္စရပ် ဖြစ်ပေါ်နေချိန်တွင် သမ္မတထရန့်က ပြောကြားခဲ့ပြီးနောက် ဗြိတိန်နိုင်ငံခြားရေး ဝန်ကြီး၏ သုံးသပ်ချက်ထွက်ပေါ်လာခြင်းဖြစ်သည်။

သမ္မတထရန့်က ဘရီဇစ်နှင့်ပတ်သက်၍လည်း ထရီဆာမေကို ဆက်လက်ဝေဖန်ထားသည်။ မီးစ်မေသည် ၎င်း၏အကြံပြုချက်ကို ဥပေက္ခာပြုခဲ့ပြီး သူမ၏ မိုက်မဲသော ကိုယ်ပိုင်နည်းလမ်းမှာ ပြီးဆုံးသွားပြီဟုလည်း ပြောကြားထားသည်။

-Ads-
-Ads-

ဇူလိုင် ၇ ရက်က ပေါက်ကြားသွားသော အီးမေးလ်များတွင် ဗြိတိန်သံအမတ်ကြီးက ထရန့်အစိုးရအဖွဲ့သည် ကိုးရိုးကားရားဖြစ်နေပြီး ကျွမ်းကျင်မှုမရှိကြောင်း ဝေဖန်ပြောကြားထားသည်။

ထိုအတောအတွင်း နိုင်ငံတကာကုန်သွယ်ရေးဝန်ကြီး လီရမ်ဖောက်စ်၏ အမေရိကန်ကုန်သွယ်ရေးဝန်ကြီး ဝီလ်ဘားရော့စ်နှင့် အမေရိကန်တွင် ဇူလိုင်၉ ရက်၌ တွေ့ဆုံရန် စီစဉ်ထားခြင်းကိုလည်း ပယ်ဖျက်လိုက်သည်ဟု သိရသည်။

-Ads-
-Ads-