ဗြိတိန်၌ တရားဥပဒေစိုးမိုးရေး ဆောင်ရွက်ရန် ဝန်ကြီးချုပ်ဘောရစ်ဂျွန်ဆင် အာမခံပြောကြား

ဗြိတိန်အစိုးရအနေဖြင့် အကျဉ်းသားသစ် ၁၀၀၀၀ အတွက် နေရာထိုင်ခင်းများ ဖန်တီးပေးမည်ဖြစ်ပြီး ရဲတပ်ဖွဲ့ဝင်များကိုလည်း ရပ်တန့်ရှာဖွေခွင့် အာဏာများ တိုးချဲ့ပေးမည်ဖြစ်ကြောင်း ဝန်ကြီးချုပ် ဘောရစ်ဂျွန်ဆင်က အာမခံပြောကြားလိုက်သည်။

အကြမ်းဖက်ရာဇဝတ်မှုများအကြိမ်ကြိမ်ဖြစ်ပွားပြီးနောက် အရေးယူရမည့်အချိန် ရောက်လာပြီဖြစ်ကြောင်း ဝန်ကြီးချုပ် ဘောရစ်ဂျွန်ဆင်က ဆန်းဒေးမေးလ်သတင်းစာတွင် ရေးသားလိုက်သည်။

ပိုမိုတင်းကျပ်သည့် ပြစ်ဒဏ်ချရေးဥပဒေများလည်း လိုအပ်ကြောင်း ဝန်ကြီးချုပ် ဘောရစ်ဂျွန်ဆင်က ပြောဆိုသည်။ တိုရီပါတီ၏ ခြိုးခြံချွေတာမှုကြောင့် ပြစ်မှုဆိုင်ရာ တရားစီရင်ရေးစနစ်တစ်ခုလုံး ပြိုကွဲပျက်စီးသွားပြီဖြစ်ကြောင်း လေဘာအတိုက်အခံပါတီဝင်တစ်ဦးက ဝေဖန်လိုက်သည်။

-Ads-
-Ads-

ဗြိတိန်ဝန်ကြီးချုပ်ရုံးက အမျိုးသားကျန်းမာရေးဝန်ဆောင်မှုနှင့် လူဝင်မှုကြီးကြပ်ရေးဆိုင်ရာ ကြေညာချက်များ မကြာမီက ထုတ်ပြန်ပြီးနောက် ယခုအခါ တရားဥပဒေစိုးမိုးရေးကို ဦးစားပေးဖော်ပြလိုက်ခြင်းဖြစ်သည်။

ရဲတပ်ဖွဲ့ဝင်သစ် ၂၀၀၀၀စုဆောင်းမည်ဖြစ်ကြောင်း ဗြိတိန်အစိုးရက ပြီးခဲ့သည့်လက အာမခံပြောဆိုသည်။ယင်းမှာ ကွန်ဆာဗေးတစ်အစိုးရ အာဏာရပြီး ရာထူးပြုတ်ခဲ့သည့် ရဲတပ်ဖွဲ့ဝင်ဦးရေနီးပါး ပြန်လည်အစားထိုးမည့်လက္ခဏာဖြစ်သည်။

-Ads-
-Ads-