လယ်ယာကဏ္ဍဖွံ့ဖြိုးရေးနှင့် ပတ်ဝန်းကျင်ထိန်းသိမ်းရေး သတင်းမှန်ရယူကြရန် သမ္မတဘိုဆိုနာရို အကြံပြု

ကမ္ဘာကြီး ဘေးအန္တရာယ်ကျရောက်မသွားစေရေး ကယ်တင်ရန် နည်းလမ်းတစ်ရပ်မှာ ပြည်သူများအနေဖြင့် အတွင်းကျကျ သတင်းမှန်ရယူကြပါရန် ဘရာဇီးသမ္မတ ဘိုဆိုနာရိုက အကြံပြုတိုက်တွန်းလိုက်သည်။

လယ်ယာကဏ္ဍဖွံ့ဖြိုးရေးနှင့် ပတ်ဝန်းကျင်ထိန်းသိမ်းကာကွယ်ရေးတို့ကို မည်သို့ ပေါင်းစပ်ပေးမည်နည်းဟူသော သတင်းထောက်တစ်ယောက်၏မေးခွန်းကို ဖြေကြားရာ၌ ဘရာဇီးသမ္မတ ဘိုဆိုနာရိုက အထက်ပါအတိုင်းပြောကြားလိုက်ခြင်းဖြစ်သည်။

အမေဇုန်သစ်တောအတွင်း သစ်တောပြုန်းတီးမှု ပိုမိုများပြားလာကြောင်း တရားဝင် စာရင်းဇယားများက ဖော်ပြပြီးနောက် သမ္မတ ဘိုဆိုနာရိုမှာ မကြာမီကဝေဖန်ပြစ်တင်ခံခဲ့ရသည်။

-Ads-
-Ads-

ယင်းနောက် သမ္မတ ဘိုဆိုနာရိုက သစ်တောပြုန်းတီးမှုပိုမိုများပြားလာသည်ဟူ၍ သတင်းထုတ်ပြန်သည့် ဌာန၏အကြီးအကဲအား ပြဿနာကိုပုံကြီးချဲ့ လုပ်ကြံဖော်ပြရပါမည်လားဟုဆိုကာ ရာထူးမှ ဖယ်ရှားပစ်လိုက်သည်။

ကမ္ဘာကြီး၏ ဖန်လုံအိမ်အာနိသင် လေးပုံတစ်ပုံမှာ သစ်တောပြုန်းတီးမှုနှင့် လယ်ယာစိုက်ပျိုးရေး တိုးချဲ့မှုကြောင့်ဖြစ်ရသည်ဟူသောသတင်းကို ကိုးကားကာ သတင်းထောက်က ပြောဆိုပြီးနောက် သမ္မတ ဘိုဆိုနာရို၏ ဝေဖန်ပြောကြားမှုပေါ်ပေါက်လာခြင်းဖြစ်သည်။

-Ads-
-Ads-