ဂွါတီမာလာ သမ္မတရွေးကောက်ပွဲ ဂျိုင်မက်တေး အောင်ပွဲခံအနိုင်ရ

ဂွါတီမာလာနိုင်ငံ၏ သမ္မတရွေးကောက်ပွဲတွင် မဲရလဒ်များ ရေတွက်အပြီး အကျဉ်းထောင်အကြီးအကဲဟောင်း အလက်ဂျန်ဒရိုဂျိုင်မက်တေးသည် အောင်ပွဲခံအနိုင်ရသွားကြောင်း ဘီဘီစီက ထုတ်ပြန်သည်။

မဲအရေအတွက်ပေါင်း ၇၄ ရာခိုင်နှုန်းရေတွက်ပြီးချိန်တွင် ကွန်ဆာဗေးတစ်ခေါင်းဆောင် အလက်ဂျန်ဒရိုသည် ၅၉ ရာခိုင်နှုန်းရရှိထားပြီး ၎င်း၏ ဗဟိုလက်ဝဲပြိုင်ဘက် စန်ဒရာတောရက်စ်မှာ ၄၁ ရာခိုင်နှုန်း ရရှိထားသည်။

သမ္မတကတော်ဟောင်း မီးစ်တောရက်စ်သည် ယခုရွေးကောက်ပွဲအား တတိယအကြိမ် ဝင်ရောက်ယှဉ်ပြိုင်ခြင်းဖြစ်ပြီး မစ္စတာဂျိုင်မက်တေးမှာ စတုတ္ထအကြိမ်မြောက်ကြိုးပမ်းမှုပြုခြင်းဖြစ်သည်။

-Ads-
-Ads-

ဂွါတီမာလာပြည်သူများ၏ အဓိကစိုးရိမ်ပူပန်မှုမှာ ဘေးကင်းလုံခြုံရေးဖြစ်ပြီး အလုပ်လက်မဲ့ကိစ္စ၊ နေထိုင်မှုစရိတ်မြင့်မားခြင်းနှင့် အကျင့်ပျက်ခြစားမှုများအတွက်လည်း စိုးရိမ်ပူပန်နေကြသည်။

မလွယ်ကူသော်လည်း ပန်းတိုင်ကို ရောက်ရှိပြီဖြစ်ကြောင်း မိမိလွန်စွာဖြစ်လိုသော နိုင်ငံသမ္မတဖြစ်လာရေးသည် လွန်စွာကြီးမားသော ဂုဏ်ပြုမှုဖြစ်လိမ့်မည်ဟု မစ္စတာဂျိုင်မက်တေးက ထောက်ခံမဲရလဒ် တစ်စိတ်တစ်ပိုင်း အနိုင်ရရှိထားချိန်တွင် ပြောကြားသည်။

မိမိတို့သည် ဂွါတီမာလာနိုင်ငံအား ပြန်လည်တည်ဆောက်မည်ဖြစ်ပြီး မိမိအနေဖြင့် မည်မျှလောက် ကျေးဇူးတင်သည်ကို ပြောစရာစကားလုံးပင် ရှာမတွေ့ကြောင်း မစ္စတာ ဂျိုင်မက်တေးက ပြောကြားထားသည်။

-Ads-
-Ads-