အာဆီယံရိုးရာစစ်တုရင် ပတ်လည်ပြိုင်ပွဲ စတင်

အာဆီယံရိုးရာစစ်တုရင် ပဏာမလက်ရွေးစင်များ ပတ်လည်ပြိုင်ပွဲဖွင့်ပွဲကို ဩဂုတ် ၁၁ ရက် နံနက် ၉ နာရီက ရန်ကုန်မြို့ရှိ မြန်မာနိုင်ငံစစ်တုရင်အဖွဲ့ချုပ် အောင်ဆန်းအားကစားပြိုင်ဝင်း၌ စတင်ကျင်းပခဲ့ကြောင်း သိရသည်။

အာဆီယံရိုးရာစစ်တုရင် ပဏာမလက်ရွေးစင်များ ပတ်လည်ပြိုင်ပွဲကို အမြန်ရွှေ့ (Rapid) လေးပွဲပတ်လည်စနစ်ဖြင့် ယှဉ်ပြိုင်လျက်ရှိပြီး Round 1 – 6 ကို 25 min+10 sec ဖြင့် ယှဉ်ပြိုင်နေကြောင်း သိရသည်။

ဩဂုတ် ၁၁ ရက်မှ ၁၃ ရက်အထိ ကျင်းပမည့် အာဆီယံရိုးရာစစ်တုရင် ပဏာမလက်ရွေးစင်များ ပတ်လည်ပြိုင်ပွဲဖွင့်ပွဲသို့ မြန်မာနိုင်ငံစစ်တုရင်အဖွဲ့ချုပ်ဒုတိယဥက္ကဋ္ဌ ဦးဝင်းအောင် လာရောက်အားပေးခဲ့ပြီး ပြိုင်ပွဲဝင် ပဏာမလက်ရွေးစင်လေးဦးတို့ကို ကျပ်တစ်သိန်းစီ ဂုဏ်ပြုချီးမြှင့်ပေးခဲ့ကြောင်း သိရသည်။

-Ads-
-Ads-

မြန်မာနိုင်ငံ စစ်တုရင်အဖွဲ့ချုပ်အနေဖြင့် အာဆီယံရိုးရာစစ်တုရင်ပဏာမလက်ရွေးစင်များ ပတ်လည်ပြိုင်ပွဲမှ လက်ရွေးစင်နှစ်ဦးကို ရွေးချယ်သွားမည်ဖြစ်ပြီး နိုဝင်ဘာ ၃၀ ရက်မှ ဒီဇင်ဘာ၁၂ ရက်အထိ ဖိလစ်ပိုင်နိုင်ငံ မနီလာမြို့၌ကျင်းပမည့် အကြိမ် (၃၀) မြောက် အရှေ့တောင်အာရှ အားကစားပြိုင်ပွဲတွင် အာဆီယံရိုးရာ စစ်တုရင် (ASEAN CHESS) အားကစားနည်း၌ ပါဝင်ယှဉ်ပြိုင်သွားမည်ဖြစ်ကြောင်း သိရသည်။ မြန်မာနိုင်ငံ စစ်တုရင်အဖွဲ့ချုပ်အနေဖြင့် ၂၀၁၉ ဆီးဂိမ်းအတွက် ပဏာမလက်ရွေးစင်ရွေးချယ်သည့် အာဆီယံရိုးရာစစ်တုရင်ပြိုင်ပွဲကို ဇူလိုင် ၉ ရက်မှ ၁၃ရက်အထိ မြန်မာနိုင်ငံစစ်တုရင်အဖွဲ့ချုပ်၌ ကျင်းပခဲ့ပြီး အဆိုပါပြိုင်ပွဲမှ ပဏာမလက်ရွေးစင် လေးဦးဖြစ်သည့် IM ဝင်းဇော်ထွန်း၊ IM နေဦးကျော်ထွန်း၊ ဝင်းကြိုင်နှင့် ဝံ့သူ တို့လေးဦးကို ပဏာမလက်ရွေးစင်အဖြစ် ရွေးချယ်ခဲ့ပြီး အာဆီယံရိုးရာ စစ်တုရင် ပဏာမလက်ရွေးစင်များ ပတ်လည်ပြိုင်ပွဲတွင် ၎င်းတို့လေးဦးအနက်မှ လက်ရွေးစင်နှစ်ဦးကို ရွေးချယ်သွားမည်ဖြစ်ကြောင်း သိရသည်။

သတင်း- ဇော်ဌေးသန်း

-Ads-
-Ads-