တန်ကြေးအကြီးဆုံးကစားသမားအဖြစ် ပီအက်စ်ဂျီတိုက်စစ်မှူး အမ်ဘပ်ပီ ရပ်တည်

ဘောလုံးဈေးကွက်နှင့် အချက်အလက်ဆိုင်ရာစစ်တမ်းပြုစုသော CIES Football Observatory အဖွဲ့မှ နောက်ဆုံးထုတ်ပြန်လိုက်သော လက်ရှိတန်ကြေးအကြီးဆုံး ဘောလုံးသမားများထဲတွင် ပီအက်စ်ဂျီအသင်းမှ ပြင်သစ်လူငယ်တိုက်စစ်မှူး အမ်ဘပ်ပီက တန်ကြေးအကြီးဆုံးကစားသမားအဖြစ် တန်ကြေး ပေါင် သန်း ၂၃၀ ဖြင့်ထိပ်ဆုံးမှ ရပ်တည်ခဲ့သည်။

ထိုစာရင်းကို တွက်ချက်ရာ၌ အချက်အလက်ပေါင်း ၅၇ ချက်ဖြင့်တွက်ချက်ပြီး ထိုအချက်အလက်များထဲတွင် အသက်၊ လက်ရှိစာချုပ်၊ တစ်ပွဲပျမ်းမျှစွမ်းဆောင်ရည်၊ ဈေးကွက်ဖော်ဆောင်နိုင်မှု၊ ကစားခွင့်ရထားသည့် မိနစ်၊ နိုင်ငံအသင်းအတွက် အရေးပါမှုများလည်း ပါဝင်သည်။

ထိုစစ်တမ်းတွင် ဒေါ့မွန်အသင်းမှ အင်္ဂလန်လူငယ်ကစားသမား ဆန်ချို၏ တန်ကြေးသည် မက်ဆီတန်ကြေးထက် ပေါင်ရှစ်သန်းသာ နည်းပြီး ပဉ္စမတန်ကြေးအကြီးဆုံးအဖြစ် ရပ်တည်ခဲ့သည်။ ထိပ်သီး ၁၀ ဦးစာရင်းတွင် ပရီးမီးယားလိဂ်ကစားသမား ခြောက်ဦး ပါဝင်နေပြီး လီဗာပူးတိုက်စစ်မှူး သုံးဦးဖြစ်သော ဆာလက်ခ်ျ၊ မာနေးနှင့် ဖာမင်နိုတို့လည်း ပါဝင်ခဲ့သည်။

-Ads-
-Ads-

ထူးခြားသည်မှာ နေမာနှင့် ပေါ့ဂ်ဘာသည် အဆင့် (၁၀) အတွင်းပင် မဝင်ဘဲ ပေါင် ၁၁၄ သန်းဖြင့် အဆင့် ၁၆၊ ၁၇ နေရာများတွင်သာ ရပ်တည်နိုင်သလို စီရိုနယ်ဒိုသည်လည်း တန်ကြေး ပေါင် ၁၀၈ သန်းဖြင့် အဆင့် ၂၀ နေရာတွင်သာ ရပ်တည်နိုင်ခဲ့ခြင်းဖြစ်သည်။ဟာဇက်သည်လည်း အဆင့် ၁၀ အတွင်း မဝင်နိုင်ခဲ့ပေ။

-Ads-
-Ads-