ရိုးရာမီးပုံး ဖန်တီးသော လက်တစ်စုံ

စံတော်ချိန်_လူမှုဘ၀ရုပ်ပုံလွှာ

လွန်ခဲ့တဲ့ ဆယ်စုနှစ်တွေ တုန်းကတော့ ဒီလို သီတင်းကျွတ်မီးထွန်းပွဲတော်ကိုရောက်ရင် ကလေးကစားစရာတွေ ၊နေအိမ်တွေမှာအလှဆင်တဲ့မီးပုံးတွေက ရိုးရာလက်မှု နဲ့လုပ်ထားတာတွေကိုတော်တော် များများမြင်ရမှာပါ။

ဒါပေမဲ့ အခုနောက်ပိုင်းမှာတော့ ပျောက်ကွယ်လာခဲ့ပြီး ရိုးရာလက်မှုမီးပုံးတွေအစား တရုတ်နိုင်ငံကလုပ်တဲ့မီးပုံးတွေ၊ ကလေးကစားစရာတွေက နေရာယူလာခဲ့ပါပြီ။

ခေတ်ရေစီးကြောင်းမှာပြောင်းလဲလာတဲ့ အခြေအနေတွေကြားမှာ မြန်မာ့ရိုးရာလက်မှုပညာနဲ့လုပ်တဲ့ ရိုးရာမီးပုံးတွေ၊ ကလေးကစားစရာတွေက နေရာယူဖို့ခက်ခဲ့လာတဲ့အခြေအနေပါ။

ဒီလိုအခြေအနေတွေကို ရင်ဆိုင်နေရပေမဲ့ မြန်မာ့ရိုးရာလက်မှုပညာကို တန်ဖိုးထားသူ က ဦးခင်မောင်ရီပါ။

သူက ရိုးရာမီးပုံးတွေ၊ ကလေးကစားစာရာတွေ လုပ်လာခဲ့တာ နှစ်ပေါင်း ၅၀ ရှိပါပြီ။