ကိုဗစ်(၁၉)ကို တုံ့ပြန်တွန်းလှန်ခြင်း

ကမ္ဘာ့ကျန်းမာရေးအဖွဲ့ (WHO) က ကိုဗစ် (၁၉) ရောဂါဖြစ်ပွားပျံ့နှံ့မှုကို ကမ္ဘာ့ကပ်ရောဂါ (Pandemic)အဖြစ် မတ် ၁၁ ရက်က ကြေညာခဲ့သည်။ မြန်မာနိုင်ငံအပါအဝင် ရောဂါကူးစက်ပျံ့နှံ့မှုမရှိသေးသောနိုင်ငံများအတွက် ဦးစားပေးဆောင်ရွက်ရမည့် လုပ်ငန်းခြောက်ချက်ကိုလည်း ပြည်သူများအား အသိပညာပေးရန် တိုက်တွန်းခဲ့သည်။

ယင်းအချက် ခြောက်ချက်မှာ ရောဂါကူးစက်ပျံ့နှံ့မှုကို ကာကွယ်တားဆီးခြင်း၊ အရေးပေါ် တုံ့ပြန်ရေးစနစ်ကို အဆင်သင့်ပြင်ဆင်ထားရှိ အသက်သွင်းထားခြင်း၊ ပြည်သူလူထုအား ရောဂါကာကွယ်ထိန်းချုပ်ရေးလုပ်ငန်းများတွင် တက်ကြွစွာ ပူးပေါင်းပါဝင်လာစေရန် စည်းရုံးလှုံ့ဆော်ခြင်း၊ ရောဂါပိုးရှိသူများအား ရှာဖွေခြင်း၊ အခြားနိုင်ငံများမှ ရောဂါပိုးရှိသူများနှင့် ထိတွေ့ခဲ့သူများကို အသွားအလာကန့်သတ်ခြင်း၊ သံသယရှိသူများကို သီးခြားထားခြင်း၊ ရှိရင်းစွဲရောဂါ စောင့်ကြပ်ကြည့်ရှုမှုစနစ်များသုံး၍ သံသယရှိသူများကို ဖော်ထုတ်ကာ ဗိုင်းရပ်စ်ရောဂါပိုးဓာတ်ခွဲစစ်ဆေးခြင်း၊ လက်ကို သန့်ရှင်းစင်ကြယ်အောင် ဆေးကြောခြင်း၊ ချောင်းဆိုး၊ နှာချေခြင်း ကျင့်ဝတ်နှင့် လူတစ်ဦးနှင့်တစ်ဦး နီးကပ်စွာနေခြင်းအား ရှောင်ကြည်ခြင်းတို့ဖြစ်သည်။ ယင်းအချက်များကို လက်တွေ့ကျင့်သုံးရန် ပြည်သူများအား အသိပညာပေးဆောင်ရွက်ရန်လည်း WHO က တိုက်တွန်းထားသည်။

ကမ္ဘာ့ကျန်းမာရေးအဖွဲ့က ကိုဗစ် (၁၉) ကို ကမ္ဘာ့ကပ်ရောဂါအဖြစ် မတ် ၁၁ ရက်က သတ်မှတ်ကြေညာလိုက်ပြီးနောက် မတ် ၁၃ ရက်တွင် ‘ကိုဗစ် (၁၉) ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟိုကော်မတီကို ဖွဲ့စည်းလိုက်သည်။ ကိုဗစ် (၁၉) ကာကွယ်၊ ထိန်းချုပ်၊ ကုသအမျိုးသားရေးအဆင့် ဗဟိုကော်မတီတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဥက္ကဋ္ဌအဖြစ် တာဝန်ယူထားသည်။အဖွဲ့ဝင်များအဖြစ် ပြည်ထောင်စုအစိုးရအဖွဲ့ရုံးဝန်ကြီးဌာနအပါအဝင် သက်ဆိုင်ရာဝန်ကြီးဌာနများ၏ ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ တိုင်းဒေသကြီး ပြည်နယ်အစိုးရအဖွဲ့ လူမှုရေးဝန်ကြီးများ ပါဝင်ဖွဲ့စည်းထားသည်။

အမျိုးသားအဆင့် ဗဟိုကော်မတီအတွင်းရေးမှူး (၁)အဖြစ် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီးက တာဝန်ယူပြီး အတွင်းရေးမှူး (၂)အဖြစ် ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးက တာဝန်ယူထားသည်။ တွဲဖက်အတွင်းရေးမှူးများအဖြစ် ကျန်းမာရေးနှင့် အားကစားဝန်ကြီးဌာနနှင့် ပြည်ထောင်စုအစိုးရအဖွဲ့ ရုံးဝန်ကြီးဌာနတို့မှ အမြဲတမ်းအတွင်းဝန်များက တာဝန်ယူထားသည်။

အမျိုးသားအဆင့် ဗဟိုကော်မတီတွင် လုပ်ငန်းတာဝန်များရှိသည်။ ကိုဗစ် (၁၉) ကြောင့် ဖြစ်ပွားသောအဆုတ်ရောင် ရောဂါကာကွယ်ထိန်းချုပ်ရေးနှင့် ရောဂါစောင့်ကြပ်ကြည့်ရှုရေး လုပ်ငန်းများကို ကြီးကြပ်ခြင်း၊ အပြည်ပြည်ဆိုင်ရာ လေဆိပ်၊ ဆိပ်ကမ်း၊ နယ်စပ်ဝင်ထွက်ပေါက်များမှ မြန်မာနိုင်ငံတွင်းသို့ ဝင်ရောက်လာသော နိုင်ငံခြားသား ခရီးသွားဧည့်သည်များနှင့် ပြည်ပမှ ပြန်လည်ရောက်ရှိလာသော မြန်မာနိုင်ငံသားများတွင် ရောဂါဖြစ်ပွားမှု ရှိ၊ မရှိ စောင့်ကြပ်ကြည့်ရှုခြင်း၊ ရောဂါလက္ခဏာ ပေါ်ပေါက်ပါက အချိန်မီကုသနိုင်ရေး၊ ရောဂါဆက်လက်ပြန့်ပွားမှုမရှိစေရေး ဆောလျင်စွာပူးပေါင်းဆောင်ရွက်နိုင်ရန် ကြီးကြပ်ခြင်း၊ မြန်မာနိုင်ငံတွင်းသို့ ဝင်ရောက်လာသော ခရီးသွားဧည့်သည်များကို ရောဂါစောင့်ကြပ်ကြည့်ရှုခြင်း၊ သံသယလူနာတွေ့ရှိပါက သတင်းပေးပို့ခြင်း၊ ညွှန်းပို့ကူသမှုပေးခြင်းနှင့် လူနာနှင့် ထိတွေ့မှုရှိသူများ ရောဂါကူးစက်မှုမရှိစေရေး ကာကွယ်ခြင်းလုပ်ငန်းများအား ကြီးကြပ်ခြင်း၊ ပြည်သူလူထုနှင့် ခရီးသွားဧည့်သည်များအား အသိပညာပေးရေး၊ သတင်းထုတ်ပြန်နိုင်ရေးတို့အတွက် ညှိနှိုင်းဆောင်ရွက်ရန်နှင့် မီဒီယာများက တိကျမှန်ကန်သောသတင်းများ အချိန်နှင့်တစ်ပြေးညီ ထုတ်ပြန်နိုင်ရေး ကြီးကြပ်ခြင်း၊ ရောဂါကာကွယ်ကုသရန်လိုအပ်သော ဆေးနှင့် ဆေးပစ္စည်းများ၊ ဓာတ်ခွဲခန်းသုံးပစ္စည်းများနှင့် အခြားဆက်စပ်ပစ္စည်းများ၊ ရောဂါစောင့်ကြပ်ကြည့်ရှုခြင်းလုပ်ငန်း သုံးပစ္စည်းများ အချိန်မီတင်သွင်းနိုင်ရေး ပံ့ပိုးဆောင်ရွက်ရန် ကြီးကြပ်ခြင်း၊ ရောဂါထိန်းချုပ်ခြင်းလုပ်ငန်းများဆောင်ရွက်ရာတွင် သံရုံးများနှင့် ပူးပေါင်းညှိနှိုင်းဆောင်ရွက်ရန် ကြီးကြပ်ခြင်း၊ လုပ်ငန်းများဆောင်ရွက်ရာတွင် လိုအပ်သော ညွှန်ကြားချက်နှင့် ပန်ကြားချက်များထုတ်ပြန်နိုင်ရေး ကြီးကြပ်ခြင်းနှင့် ဗဟိုကော်မတီသည် လိုအပ်သော လုပ်ငန်းကော်မတီနှင့် ဆပ်ကော်မတီများကို ဖွဲ့စည်းဆောင်ရွက်သွားရေးတို့ ဖြစ်သည်။

သင်္ကြန်ကာလ ပြည်သူများ မိမိတို့အိမ်တွင်ပင် ဂီတအနုပညာဖျော်ဖြေမှုများ ကြည့်ရှုခံစားနိုင်ရေး၊ ဆရာ၊ ဆရာမများ နွေရာသီသင်တန်းများကို ခေတ်မီနည်းပညာ (ICT)ဖြင့် အဝေးရောက်သင်ကြားနိုင်ရေး၊ အကျဉ်းထောင်များတွင် ထောင်ဝင်စာ လာတွေ့သည့်ကိစ္စအရေး၊ ဘိုးဘွားရိပ်သာများတွင် ပြင်ပပုဂ္ဂိုလ်များ လာရောက်တွေ့ဆုံသည့်ကိစ္စအရေး၊ လယ်ယာထွက်ကုန် ဈေးကွက်သစ်ရှာဖွေရေး၊ စက်ရုံအလုပ်ရုံများ ကုန်ကြမ်းရရှိရေး၊ အတိုးနှုန်းလျှော့ချရေး စသည့်အရေးများ တင်ပြဆွေးနွေးခဲ့ကြသည်

ကမ္ဘာ့ကျန်းမာရေးအဖွဲ့က ကပ်ရောဂါအဆင့်ရောက်ပြီဟု သတ်မှတ်ကြေညာလိုက်ပြီးနောက်မှ မြန်မာနိုင်ငံတွင် ကိုဗစ် (၁၉) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီဖွဲ့စည်းခြင်းမှာ နောက်တောင်ကျနေသည်ဟု ဝေဖန်မှုများရှိခဲ့သော်လည်း ဇန်နဝါရီ ၃၀ ရက်ကတည်းက အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်ဦးဆောင်သော ကိုရိုနာဗိုင်းရပ်စ်ကြောင့်ဖြစ်သော အဆုတ်ရောင်ရောဂါ ကာကွယ်၊ ထိန်းချုပ်၊ ကုသရေးဗဟိုကော်မတီကို ဖွဲ့စည်းပြီးသား ဖြစ်သည်။

ယင်းဗဟိုကော်မတီတွင် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီးက ဥက္ကဋ္ဌအဖြစ်တာဝန်ယူထားပြီး ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးက ပူးတွဲဥက္ကဋ္ဌအဖြစ် တာဝန်ယူထားသည်။ အဖွဲ့ဝင်များအဖြစ် ဝန်ကြီးဌာနအသီးသီးက ဒုတိယဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များဖြင့် ဖွဲ့စည်းထားသည်ဟု သိရသည်။ ယင်းဗဟိုကော်မတီဖွဲ့စည်းရခြင်းက မိမိတို့နိုင်ငံတွင် ရောဂါပိုးတွေ့ရှိရပါက လျင်မြန်စွာ တုံ့ပြန်ဆောင်ရွက်နိုင်ရန် ဖြစ်သည်။

မတ် ၁၂ ရက်တွင် ကုန်သည်/စက်မှု အသင်းချုပ်(UMFCCI) က ထုတ်ပြန်ချက်တစ်ရပ် ထုတ်ပြန်ခဲ့သည်။ ကမ္ဘာ့ကပ်ရောဂါကြောင့် နောက်ဆက်တွဲစီးပွားရေးနှင့် လူမှုရေးသက်ရောက်မှုများကို စီမံဖြေရှင်းမည့် အမျိုးသားအဆင့် ကော်မတီတစ်ရပ်ကို ပုဂ္ဂလိကကဏ္ဍကိုယ်စားပြု ကိုယ်စားလှယ်များပါ ပါဝင်ဖွဲ့စည်းရန် နိုင်ငံတော်အစိုးရသို့ တင်ပြတောင်းဆိုသွားမည်ဟု ထုတ်ပြန်ချက်တွင် ဖော်ပြထားသည်။

အသင်းချုပ်သည် ကိုဗစ် (၁၉) ကြောင့် ရိုက်ခတ်လာနိုင်သည့် အခြေအနေများ၊ စီးပွားရေးလုပ်ငန်းများအပါအဝင် အလုပ်သမားများကိုပါ ထိခိုက်မည့်အခြေအနေများကို ရောဂါစတင်ပျံ့နှံ့လာစဉ်ကတည်းက မျက်ခြည်မပြတ် လေ့လာဆန်းစစ်လျက်ရှိသည်။ ကိုဗစ် (၁၉) ကို ကမ္ဘာ့ကပ်ရောဂါအဖြစ် WHOက သတ်မှတ်ခဲ့ပြီးဖြစ်ရာ ကပ်ရောဂါနောက်ဆက်တွဲအဖြစ် မြန်မာနိုင်ငံတွင်လည်း စီးပွားရေးရိုက်ခတ်မှုများရှိလာခြင်းကြောင့် အသင်းချုပ်သည် ပုဂ္ဂလိကကဏ္ဍကို ကိုယ်စားပြု၍ စီးပွားရေးထိခိုက်မှုများအပေါ် အကောင်းဆုံးတုံ့ပြန်နိုင်ရန် နိုင်ငံတော်အစိုးရ၊ သက်ဆိုင်ရာဝန်ကြီးဌာနများ၊ အဖွဲ့အစည်းများ၊ အလုပ်သမားသမဂ္ဂများ၊ ကိုယ်စားလှယ်များနှင့် ပူးပေါင်းဆောင်ရွက်လျက်ရှိသည်။

ယခုကဲ့သို့ အစိုးရ၊ အလုပ်ရှင်၊ အလုပ်သမားများ ညီညီညွတ်ညွတ်ပူးပေါင်းဆောင်ရွက်မှုများဖြင့် ကိုဗစ် (၁၉) ကြောင့် ဖြစ်ပေါ်လာသည့် စီးပွားရေးနှင့် လူမှုရေးအကျပ်အတည်းများကို ထိခိုက်နစ်နာမှု အနည်းဆုံးဖြင့် ကျော်လွှားနိုင်မည်ဟု ယုံကြည်ထားသည် စသည်ဖြင့်လည်း ထုတ်ပြန်ချက်တွင် ဖော်ပြထားသည်။

မတ် ၁၃ ရက်တွင် နိုင်ငံတော်သမ္မတရုံးက ကိုဗစ် (၁၉)ကြောင့်ဖြစ်ပေါ်လာနိုင်သည့် စီးပွားရေးသက်ရောက်မှု အခြေအနေများကုစားရန် လုပ်ငန်းကော်မတီကို ဖွဲ့စည်းလိုက်ကြောင်း အမိန့်ကြော်ငြာစာအမှတ် ၄၆/၂၀၂၀ ဖြင့် ထုတ်ပြန်လိုက်သည်။ ယင်းလုပ်ငန်းကော်မတီတွင် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသောင်းထွန်းက ဥက္ကဋ္ဌအဖြစ် တာဝန်ယူထားသည်။ အဖွဲ့ဝင်များအဖြစ် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ပြည်ထောင်စုဝန်ကြီး ဦးစိုးဝင်း၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်၊ မြန်မာနိုင်ငံတော် ဗဟိုဘဏ်ဥက္ကဋ္ဌ ဦးကျော်ကျော်မောင်၊ ဟိုတယ်နှင့် ခရီးသွားလာရေးဝန်ကြီးဌာန ဒုတိယဝန်ကြီး၊ ပို့ဆောင်ရေးနှင့် ဆက်သွယ်ရေးဝန်ကြီးဌာန အမြဲတမ်းအတွင်းဝန်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ညွှန်ကြားရေးမှူးချုပ်တို့ ပါဝင်ဆောင်ရွက်ကြသည်။ လုပ်ငန်းကော်မတီ၏အတွင်းရေးမှူးအဖြစ် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန အမြဲတမ်းအတွင်းဝန်က တာဝန်ယူထားသည်။

ယင်းလုပ်ငန်းကော်မတီတွင် လုပ်ငန်းတာဝန် ခြောက်ခုရှိသည်။ (၁) ကမ္ဘာ့နိုင်ငံအများအပြားတွင် လတ်တလောဖြစ်ပွားနေသည့် ကိုရိုနာဗိုင်းရပ်စ်ကြောင့် ကုန်သွယ်မှုနှင့် ခရီးသွားလုပ်ငန်းများ ကျဆင်းနေမှုအပေါ် အရေးပေါ် စီမံဆောင်ရွက်မည့်နည်းလမ်းများ၊ ကာလတို၊ ကာလရှည် ဆောင်ရွက်မည့်နည်းလမ်းများကို သက်ဆိုင်ရာ ပြည်ထောင်စုဝန်ကြီးဌာနများ၊ အသင်းအဖွဲ့များနှင့်ပူးပေါင်း၍ တုံ့ပြန်ဆောင်ရွက်မည့် အစီအစဉ်များ ရေးဆွဲရန်၊ (၂) စက်ရုံများ ရပ်ဆိုင်း၍ အလုပ်သမားများ အလုပ်လက်မဲ့ဖြစ်စဉ်ကာလအတွင်း အခြားအလုပ်အကိုင်အသစ်များ ဖော်ဆောင်ပေးခြင်း၊ အလုပ်သမားများအတွက် အကျိုးရှိစေမည့် အသက်မွေးဝမ်းကျောင်းဆိုင်ရာ ပညာသင်ကြားပေးခြင်းတို့ ဆောင်ရွက်ပေးရန်၊ (၃) ကိုဗစ် (၁၉) ကဲ့သို့ဖြစ်စဉ်များ အနာဂတ်တွင်လည်း ထပ်မံပေါ်ပေါက်လာနိုင်ရာ CMP လုပ်ငန်းများအနေဖြင့် ကုန်ကြမ်းပစ္စည်းများ ရရှိရေး တရုတ်နိုင်ငံတစ်ခုတည်းကိုသာ အမှီပြုနေရခြင်းအစား အခြားနိုင်ငံများမှ ကုန်ကြမ်းပစ္စည်းများ ဖြန့်ခွဲရယူနိုင်ရေး ပြင်ဆင်ဆောင်ရွက်ရန်၊ (၄) ကာလရှည်မျှော်မှန်းမှုအနေဖြင့် မိမိနိုင်ငံအတွင်း Weaving၊ Knitting၊ Dying and Sewingလုပ်ငန်းများ ထူထောင်ရန်၊ (၅) ကုန်ထုတ်လုပ်မှုလုပ်ငန်းစဉ် Supply Chain တစ်ခုလုံး မိမိနိုင်ငံတွင် ထုတ်လုပ်နိုင်ရေး အစိုးရနှင့် ပုဂ္ဂလိကကဏ္ဍတို့ ပူးပေါင်းအကောင်အထည်ဖော်ဆောင်ရွက်ရန်၊ (၆) ပြည်တွင်း အသေးစား၊ အငယ်စားနှင့် အလတ်စားစီးပွားရေးလုပ်ငန်းများအပေါ် ကိုဗစ် (၁၉) ဖြစ်စဉ်သက်ရောက်မှုကြီးမားလာပါက အခွန်ကင်းလွတ်ခွင့်နှင့် သက်သာခွင့်များပေးရေး နိုင်ငံတော်သမ္မတရုံးသို့ သုံးသပ်တင်ပြရန်တို့ဖြစ်သည်။ ယင်းလုပ်ငန်းကော်မတီဖွဲ့ရခြင်းသည် ကိုဗစ် (၁၉)ကြောင့် ပြည်တွင်းစီးပွားရေးထိခိုက်မှုကို တုံ့ပြန်ဖြေရှင်းရေးအတွက်ဖြစ်သည်။

မတ် ၁၆ ရက်တွင် ကိုဗစ် (၁၉) ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီအစည်းအဝေးကို နေပြည်တော်သမ္မတအိမ်တော်၌ ကျင်းပသည်။ ဗဟိုကော်မတီ ဥက္ကဋ္ဌ ဒေါ်အောင်ဆန်းစုကြည်က အမှာစကားပြောကြားသည်။ ထို့နောက် ဗဟိုကော်မတီဝင် ပြည်ထောင်စုဝန်ကြီးများကရောဂါကာကွယ်ထိန်းချုပ်ရေးရန်ပုံငွေတစ်ရပ် ထူထောင်ရေး၊ ဘာသာရေးအခမ်းအနားများနှင့်ပတ်သက်ပြီး ပန်ကြားလွှာထုတ်ပြန်ရေး၊ ဒေသဆိုင်ရာနှင့် ဘုရားပွဲတော်များဆိုင်ရာ ကိစ္စများ၊ ဘာသာရေးသင်တန်းများ၊ အဘိဓမ္မာသင်တန်းများ၊ နွေရာသီယဉ်ကျေးလိမ္မာသင်တန်းများ ရပ်ဆိုင်းစဉ် ရုပ်မြင်သံကြားနှင့် အင်တာနက်များမှတစ်ဆင့် ထုတ်လွှင့်ပေးရေး၊ သင်္ကြန်ကာလ ပြည်သူများ မိမိတို့အိမ်တွင်ပင် ဂီတအနုပညာဖျော်ဖြေမှုများ ကြည့်ရှုခံစားနိုင်ရေး၊ ဆရာ၊ ဆရာမများ နွေရာသီသင်တန်းများကို ခေတ်မီနည်းပညာ (ICT)ဖြင့် အဝေးရောက် သင်ကြားနိုင်ရေး၊ အကျဉ်းထောင်များတွင် ထောင်ဝင်စာလာတွေ့သည့် ကိစ္စအရေး၊ ဘိုးဘွားရိပ်သာများတွင် ပြင်ပပုဂ္ဂိုလ်များ လာရောက်တွေ့ဆုံသည့် ကိစ္စအရေး၊ လယ်ယာထွက်ကုန် ဈေးကွက်သစ် ရှာဖွေရေး၊ စက်ရုံအလုပ်ရုံများ ကုန်ကြမ်းရရှိရေး၊ အတိုးနှုန်းလျှော့ချရေး စသည့်အရေးများ တင်ပြဆွေးနွေးခဲ့ကြသည်။

ဒေါ်အောင်ဆန်းစုကြည်သည် မတ် ၁၆ ရက် ညပိုင်းတွင် ကိုဗစ် (၁၉) ကာကွယ်၊ ထိန်းချုပ်၊ ကုသရေးဆိုင်ရာ ကိစ္စရပ်များနှင့်ပတ်သက်ပြီး ပြည်သူသို့ အစီရင်ခံတင်ပြသည့် မိန့်ခွန်းတစ်ရပ် ပြောကြားခဲ့သည်။ မိန့်ခွန်းတွင် ‘စီးပွားရေးနဲ့ ပတ်သက်လို့ ပြည်သူ၊ ပြည်သားများ မနစ်နာစေဖို့၊ တတ်နိုင်သမျှ မနစ်နာစေဖို့၊ ကျွန်မတို့ အလုပ်သမားတွေ အလုပ်လက်မဲ့မဖြစ်စေဖို့၊ အလုပ်ရုံတွေ ဆက်လက်လည်ပတ်နိုင်ဖို့၊ နိုင်ငံ့စီးပွားရေးလည်ပတ်မှု ထိခိုက်မှုအနည်းဆုံးဖြစ်စေဖို့ အခွန်အကောက်တွေလျှော့ခြင်း၊ အတိုးနှုန်းလျှော့ချခြင်း စသည်တို့ ဆောင်ရွက်မှာပါ’ဟု ပြောကြားသည်။

ထို့ပြင် ကျန်းမာရေးလိုအပ်ချက်အရ လူစုလူဝေးမဖြစ်အောင် လိုက်နာဆောင်ရွက်မှုမှာ ပြည်သူတွေက အဓိကဖြစ်ကြောင်း၊ ကျန်းမာရေးနှင့် အားကစားဝန်ကြီးဌာန၏ ညွှန်ကြားချက်တွေ တိတိကျကျလိုက်နာရေးမှာ ပြည်သူတွေ အဓိကကျကြောင်းများကိုလည်း ပြောကြားခဲ့ပါသေးသည်။ ဤသို့ဖြင့် မြန်မာနိုင်ငံသည် ကိုဗစ် (၁၉) ကို မျက်စောင်းထိုးစောင့်ကြည့်ကာကွယ်နေပါကြောင်း တင်ပြလိုက်ရပါသည်။

ရေးသူ – မောင်လွင်ပြင်