အင်းစိန်မြို့နယ်၌ ကိုဗစ်-၁၉ ရောဂါဖြစ်ပွားသူ ၄၃ ဦးအနက် ခဝဲခြံ ၂ လမ်း၌ ရောဂါဖြစ်ပွားသူ ၁၉ ဦးထိရှိ၊ လူနာအမှတ် ၁၆၂ ၏ မိသားစုဝင် ၁၄ ဦးလုံး ရောဂါဖြစ်ပွားနေ

အင်းစိန်မြို့နယ်၌ ကိုဗစ်-၁၉ ရောဂါဖြစ်ပွားသူ ၄၃ ဦးရှိသည့်အနက် ခဝဲခြံ ၂ လမ်း၌ ရောဂါဖြစ်ပွားသူ ၁၉ ဦးအထိရှိပြီဖြစ်ကြောင်း ကျန်းမာရေးနှင့်အားကစားဝန်ကြီးဌာန၏ သတင်းထုတ်ပြန်ချက်များအရ သိရသည်။

လူနာအမှတ် ၁၅၁ နှင့် အဆောင်အတူနေသူ ကွယ်ကဘောဆေးရုံမှ သူနာပြုဝန်ထမ်း ၃ ဦးဖြစ်သည့် လူနာအမှတ် ၁၅၂၊ ၁၅၃၊ ၁၅၄ တို့ကို မေလ ၃ ရက် ည ၈ နာရီတွင် ရောဂါပိုးတွေ့ရှိကြောင်း ဓာတ်ခွဲအတည်ပြုချက်ထုတ်ပြန်ကြေညာခဲ့ပြီး မေလ ၇ ရက်၊ နံနက် ၈ နာရီထုတ်ပြန်ချက်အရ လူနာအမှတ် ၁၆၂ သည်လည်း လူနာအမှတ် ၁၅၁၊ ၁၅၂ ၊ ၁၅၃၊ ၁၅၄ တို့နှင့် ထိတွေ့ဆက်စပ်မှုရှိခဲ့ကြောင်း ကျန်းမာရေးနှင့်အားကစားဝန်ကြီးဌာနက ထုတ်ပြန်ကြေညာခဲ့သည်။

လူနာအမှတ် ၁၆၅ မှ ၁၇၇ အထိသည် လူနာအမှတ် ၁၆၂ ၏ မိသားစုဝင်များဖြစ်ပြီး လက်ရှိတွင် လူနာအမှတ် ၁၆၂ ၏ မိသားစုဝင် ၁၄ ဦးလုံးသည် ကိုဗစ်-၁၉ ရောဂါဖြစ်ပွားလျက်ရှိကြောင်းသိရသည်။ မေလ ၇ ရက်၊ ည ၈ နာရီတွင် ကိုဗစ်-၁၉ ရောဂါဖြစ်ပွားသူ ၁၄ ဦးရှိကြောင်း ထုတ်ပြန်ရာ၌လည်း ယင်း ၁၄ ဦးထဲမှ ၁၂ ဦးသည် အင်းစိန်မြို့နယ်မှဖြစ်ပြီး လူနာအမှတ် ၁၅၂၊ ၁၅၃၊ ၁၅၄ တို့နဲ့ ထိတွေ့ဆက်စပ်မိသူများဖြစ်သည်။

အင်းစိန်မြို့နယ်၌ ရောဂါပိုးတွေ့ရှိမှု အများဆုံးဖြစ်သည့် ခဝဲခြံ ၂ လမ်းကို ကျန်းမာရေးနှင့်အားကစားဝန်ကြီးဌာနမှ တာဝန်ရှိသူများက အသွားအလာကန့်သတ်ထားရှိပြီး၊ ပိုးသတ်ဆေးဖျန်းခြင်းများကို နေ့စဉ်ပြုလုပ်လျက်ရှိကြောင်း တွေ့ရသည်။

မြန်မာနိုင်ငံ၌ ကိုဗစ်-၁၉ ရောဂါဖြစ်ပွားသူ ၁၇၈ ဦးရှိနေပြီး ရန်ကုန်တိုင်းဒေသကြီး၌ ကိုဗစ်- ၁၉ ရောဂါဖြစ်ပွားသူ ၁၀၀ ကျော်ရှိကာ ရောဂါဖြစ်ပွားသူအများဆုံးတွေ့ရှိရသည့်မြို့နယ်များမှာ အင်းစိန် ၄၃ ဦး၊ မရမ်းကုန်း ၁၄ ဦး ၊ တောင်ဥက္ကလာ ၁၃ ဦး တွေ့ရှိထားကြောင်း သတင်းထုတ်ပြန်ချက်များအရ သိရသည်။

သတင်း၊ ဓာတ်ပုံ – ဂျေပိုင်/MPA