တရုတ်၏ နိုင်ငံတကာ ခင်းကျင်းဖွဲ့စည်းပုံသစ် နိုးထလာပြီလော

ပြောင်းလဲမှု လေနီကြမ်းတို့ တိုက်ခတ်ချိန်တွင် အချို့သူများက တံတိုင်းနံရံများ တည်ဆောက်၍ အချို့သူများက လေရဟတ်များ တည်ဆောက်ကြသည်။
တရုတ်စကားပုံ

အထက်ပါစကားပုံသည် တရုတ်ပြည်မြို့သားတို့၏ စိတ်အစွဲ၊ စိတ်အခံအကြောင်း အများကြီးပြောပြနိုင်ပါသည်။ တစ်ကမ္ဘာလုံး ကိုရိုနာဗိုင်းရပ်စ်ကူးစက်မှုပြဿနာနှင့် ရင်ဆိုင်လုံးပန်းနေရချိန်တွင် တရုတ်နိုင်ငံသည် အခြေအနေကို မဟာဗျူဟာ အခွင့်အလမ်းအဖြစ် ပြောင်းလဲရန် ကြိုးစားလာခဲ့သည်။ ကမ္ဘာ့ခေါင်းဆောင်အခန်းကဏ္ဍကို ချဲ့ထွင်ရန်နှင့် တရုတ်ပြည်၏ အုပ်ချုပ်မှုစနစ် စံပုံစံကို နိုင်ငံတကာ၌ ကြေညာမောင်းခတ်၍ ကိုရိုနာဗိုင်းရပ်စ် ကူးစက်မှုအားသည် တရုတ်နိုင်ငံအတွက် ပြဿနာအဖြစ်မှသည် အခွင့်အလမ်းတစ်ရပ်အဖြစ် ပြောင်းလဲလာခဲ့သည်။

ကိုရိုနာဗိုင်းရပ်စ်ကူးစက်မှုကာလ၌ ကျန်ကမ္ဘာ့နိုင်ငံများ၊ အထူးသဖြင့် အမေရိကန်ပြည်ထောင်စုကြောင့် ပေါ်ထွက်လာသော မဟာဗျူဟာအခွင့်အလမ်းများကို တရုတ်ပြည်၏အကျိုးစီးပွားများအဖြစ် ပြောင်းလဲရန် တရုတ်ခေါင်းဆောင်များသည် ပြီးခဲ့သောလအနည်းငယ်အတွင်း ပြတ်သားဝံ့စားသောလမ်းစဉ်များကို စတင်အကောင်အထည်ဖော်ခဲ့သည်။

ဧပြီလအတွင်းမှာပင် တရုတ်နိုင်ငံသည် ပိုင်ဆိုင်ခွင့် အငြင်းပွားတောင်တရုတ်ပင်လယ်ဒေသ၌ သုတေသနစခန်း သစ်နှစ်ခု တည်ဆောက်ခဲ့သည်။ ထိုကာလအတွင်းမှာပင် ‘ပင်လယ်ပြာ-၂၀၂၀}ဟူ၍ အမည်ပေးထားသော ပင်လယ်ရေကြောင်းဥပဒေစိုးမိုးရေး လှုပ်ရှားမှုတစ်ရပ်ကို တရုတ်နိုင်ငံက စတင်ခဲ့သည်။ ဧပြီ ၁ ရက်မှ နိုဝင်ဘာ ၃၀ ရက်အထိ ပြုလုပ် မည့် ပင်လယ်ပြာ-၂၀၂၀ လှုပ်ရှားမှုသည် တောင်တရုတ်ပင်လယ်ဒေသအတွင်း ရေနံရှာဖွေထုတ်လုပ်မှု၊ ရေအောက်သယံဇာတတူးဖော်မှု လုပ်ငန်းနယ်ပယ်များ၌ တရုတ်ဥပဒေချိုးဖောက်မှုများကို တားဆီးမည်ဖြစ်ရာ တောင်တရုတ်ပင်လယ် ဒေသရပိုင်ခွင့်ကို အပြိုင်တောင်းဆိုထားသည့်ဒေသတွင်းနိုင်ငံများနှင့် ထိပ်တိုက်ရင်ဆိုင်မှုဖြစ်လာနိုင်မည့် အလားအလာလည်း မြင့်တက်လာသည်။ သို့ရာတွင် တရုတ်နိုင်ငံသည် တောင်တရုတ်ပင်လယ်ဒေသတွင်သာမဟုတ် အခြားကဏ္ဍများတွင်လည်း နည်းပညာအကူအညီဖြင့် မဟာဗျူဟာမြောက် ပိတ်ကွက်ဆို့ကွက်များ ဖန်တီးလာသည်။ တစ်နည်းအားဖြင့် တရုတ်နိုင်ငံသည် ကိုရိုနာဗိုင်းရပ်စ်ကူးစက်မှုကာလအတွင်း မဟာဗျူဟာ ပိတ်ကွက်ဆို့ကွက်သစ်များ၊ အထူးသဖြင့် နိုင်ငံတကာ ဖွဲ့စည်းခင်းကျင်းပုံဆိုင်ရာ ဥပဒေစည်းမျဉ်းများကို ပြင်ဆင်ရေးသားလာခဲ့သည်။

ပဉ္စမမျိုးဆက် ဆက်သွယ်ရေးနည်းပညာတော်လှန်ရေး

၂၁ ရာစုခေတ်အတွင်း အမေရိကန်ပြည်ထောင်စု၏ သံခင်းတမန်ခင်းပြဿနာကို မြှင့်တင်ရာတွင် အင်တာနက် သည် အရေးပါသောအခန်းကဏ္ဍမှ ပါဝင်ခဲ့သည်။ အမေရိကန်များသည် အင်တာနက်၏ ဗိသုကာများ ဖြစ်ကြသည်။ သို့ဖြစ်ရာ အင်တာနက်စနစ်ဖွဲ့စည်းပုံနှင့် စည်းမျဉ်းစံနှုန်းများကို အမေရိကန်တို့ကလည်း သတ်မှတ်ပြဋ္ဌာန်းပြီး ယင်းစည်းမျဉ်းများကို ကျန်တစ်ကမ္ဘာလုံးက လိုက်နာကျင့်သုံးခဲ့ရသည်။

ဂူဂဲလ်၊ အမေဇုန်နှင့် ဖေ့စ်ဘွတ်ခ်ကဲ့သို့သော အမေရိကန် ကော်ပိုရေးရှင်းကြီးများသည် အင်တာနက်သတင်းအချက်အလက်စီးဆင်းမှုကို ထိန်းချုပ်ရေးအတွက် အမေရိကန်များကို ကူညီပေးခဲ့ကြသည်။ အင်တာနက်သတင်းအချက်အလက်များ အကူအညီ၊ အမျိုးသားလုံခြုံရေးအေဂျင်စီတို့၏ အကူအညီဖြင့် အမေရိကန်ပြည်ထောင်စုသည် အကောင်းဆုံးထောက်လှမ်းရေးစနစ်ကို တည်ဆောက်၍ အမေရိကန်ဦးဆောင်သော နိုင်ငံတကာဖွဲ့စည်းခင်ကျင်းမှုပုံစံကို ကာကွယ်နိုင်ခဲ့သည်။

သို့ရာတွင် ကိုရိုနာဗိုင်းရပ်စ် ကူးစက်မှုကာလတွင်မူ ကမ္ဘာကြီးသည် တရုတ်ပြည်သစ်တစ်ခုကို တွေ့ကြုံခဲ့ရလေပြီ။ ထိုတရုတ်ပြည်သစ်သည် အများပြည်သူဆိုင်ရာ နေရာများ၌ မျက်နှာဖုံးစည်းဝတ်ဆင်မှုနှင့် ကိုယ်အပူချိန်ပြောင်းလဲမှုများကို စောင့်ကြည့်ရန် ပဉ္စမမျိုးဆက် ဆက်သွယ်ရေးနည်းပညာတပ်ဆင်ထားသော ကင်းလှည့်စက်ရုပ်များကို ဖြန့်ကြက်ခဲ့ သည်။ ဗိုင်းရပ်စ်ကူးစက်မှုနယ်မြေဖြစ်သော ဝူဟန်မြို့၌ မောင်းသူမဲ့ယာဉ်များက ပိုးသတ်ဆေးဖျန်းတာဝန်၊ လမ်းသန့် ရှင်းရေးတာဝန်များ ရယူခဲ့ကြသည်။ ကင်းလှည့်စက်ရုပ်များနှင့် ပိုးသတ်ဆေးဖျန်းမောင်းသူမဲ့ယာဉ်များသည် ကိုရိုနာဗိုင်းရပ်စ် ပြဿနာကို ရင်ဆိုင်ရာတွင် မြန်နှုန်းလွန် ပဉ္စမမျိုးဆက် ဆက်သွယ်ရေးနည်းပညာနှင့် ထုတ်လုပ်မှုဆိုင်ရာ ကုန်စည် စီးဆင်းမှုလမ်းကြောင်းအား တရုတ်နိုင်ငံက နိုင်နိုင်နင်းနင်း အသုံးချနေပုံကို ပြသနေသော ဥပမာများစွာအနက်မှ ဥပမာ အနည်းငယ်သာဖြစ်သည်။ ကိုဗစ်ဗိုင်းရပ်စ်ပြဿနာတုံ့ပြန်ပုံ နည်းလမ်းများကို နှိုင်းယှဉ်ကြည့်ပါက တရုတ်နိုင်ငံအနေဖြင့် အဓိကနည်းပညာဆိုင်ရာ စစ်မြေပြင်တစ်ခုရှိ အနောက်အုပ်စု နိုင်ငံအပေါ် အရေးပါနေသည့်သဘောကို တွေ့နိုင်ပါလိမ့်မည်။

“အမေရိကန်ပြည်ထောင်စု၏ ကိုရိုနာဗိုင်းရပ်စ်ပြဿနာအပေါ် တုံ့ပြန်ပုံမှာ အားရစရာမရှိသည့် အခြေအနေမျိုးတွင် ယင်းဗိုင်းရပ်စ်ပြဿနာကို အောင်မြင်စွာ ထိန်းချုပ်ထားနိုင်မှု၊ ဆင်းရဲသည့်နိုင်ငံများကို အကူအညီ ကမ်းလှမ်းနိုင်မှုများသည့် အမေရိကန်ပြည်ထောင်စု၏ ကမ္ဘာ့ခေါင်းဆောင်နေရာ၌ အစားထိုးနေရာယူရန် တရုတ်နိုင်ငံအတွက် အခွင့်အလမ်းများ ဖြစ်လာနိုင်ဖွယ်ရှိသည်။”

လွန်ခဲ့သော ၁၀ နှစ်ကျော်ခန့်က ဆက်သွယ်ရေးဝန်ဆောင်မှုလုပ်ငန်းများကို ကမ္ဘာ့စံချိန်မီဖြည့်ဆည်းပေးနိုင်သော တရုတ်ဆက်သွယ်ရေးကုမ္ပဏီတစ်ခုမျှ မရှိခဲ့ပေ။ သို့ရာတွင် ယနေ့ဆိုလျှင် တရုတ်ဆက်သွယ်ရေးနည်းပညာ ကုမ္ပဏီများသည် အနောက်အုပ်စုမှ ကုမ္ပဏီများကို ပခုံးချင်း ယှဉ်လာပြီဖြစ်သလို အချို့နယ်ပယ်များတွင်မူ တရုတ်ကုမ္ပဏီများကပင် အနောက်အုပ်စုနည်းပညာကုမ္ပဏီများကို နောက် ချန်ထားနိုင်ခဲ့သည်။ တရုတ်-အမေရိကန် နှစ်နိုင်ငံဆက်ဆံရေး ကဏ္ဍတွင် ဟွာဝေးကဲ့သို့သော တရုတ်နည်းပညာကုမ္ပဏီများသည် နှစ်နိုင်ငံနည်းပညာစစ်ပွဲ၏ ရှေ့တန်းဇာတ်ရုပ်များအဖြစ် ပေါ်ထွက်လာသည်။ ၁၀ နှစ်မပြည့်မီ ကာလအတွင်းမှာပင် ဟွာဝေးကုမ္ပဏီသည် ကမ္ဘာ့အကြီးဆုံးဆက်သွယ်ရေး နည်းပညာဆိုင်ရာပစ္စည်းများ ဝန်ဆောင်ဖြည့်ဆည်းရေး ကုမ္ပဏီကြီး ဖြစ်လာခဲ့သည်။

အာဖရိကတိုက်၏ စတုတ္ထမျိုးဆက် ဆက်သွယ်ရေးကွန်ရက်များ၏ ၇၀ ရာခိုင်နှုန်းကို ဟွာဝေးကပင် တည်ဆောက် ပေးခဲ့ခြင်းဖြစ်သည်။ ထိုနည်းတူ ပဉ္စမမျိုးဆက် မိုဘိုင်းလ် ဆက်သွယ်ရေးနည်းပညာကဏ္ဍတွင်လည်း ဟွာဝေးသည်ပင် ထိပ်ဆုံးမှ နေရာယူထားသည်။ ပဉ္စမမျိုးဆက် ဆက်သွယ်ရေး နည်းပညာနှင့်ပတ်သက်၍ စံချိန်စံညွှန်းများ ချမှတ်ရာတွင် ဟွာဝေးသည် အဆုံးအဖြတ်ပေးနိုင်သော အခန်းကဏ္ဍ၌ ပါဝင်လာသည်။ ဆိုရလျှင် လက်ရှိအခြေအနေအရ ပဉ္စမမျိုး ဆက် ဆက်သွယ် ရေးနည်းပညာအတွက် တစ်ကမ္ဘာလုံးဆိုင်ရာ စံညွှန်းများ ချမှတ်ရေးလုပ်ငန်းစဉ်တွင် တရုတ်နိုင်ငံကို ဖယ်ထုတ်ထားရန် မဖြစ်နိုင်တော့ပေ။

အလိုအလျောက်လှည့်ပတ်သည့် စီးပွားရေးစနစ်

တရုတ်နိုင်ငံ၌ ပဉ္စမမျိုးဆက် ဆက်သွယ်ရေးနည်းပညာဝန်ဆောင်မှုများ လျင်မြန်စွာကျယ်ပြန့်လာခြင်း၏ နောက်ကွယ် တွင် အံ့ဖွယ်သရဲဖြစ်လောက်သော သဘောတရားတစ်ခုရှိသည်။ ထိုသဘောတရားမှာ နည်းပညာဖြင့်သာ ထိန်းကျောင်း လည်ပတ်မှု စက်မှုလုပ်ငန်းဖြင့် တရုတ်စီးပွားရေးစနစ်ကို စမ်းသပ်လည်ပတ်ရန်၊ အသွင်သစ်ပြောင်းလဲရန်နှင့် ကိုရိုနာဗိုင်းရပ်စ်ကူးစက်မှုပြဿနာ၏ သက်ရောက်အားကို ထေမိကာမိစေမည့် စားသုံးသူဈေးကွက်သစ် ဖန်တီးရန်တို့ဖြစ်သည်။

ပဉ္စမမျိုးဆက် ဆက်သွယ်ရေးနည်းပညာ၏ ဉာဏပိုင်း ချိတ်ဆက်နိုင်စွမ်းသည် စတုတ္ထစက်မှုတော်လှန်ရေးခေတ်အတွင်း လူမှုစီးပွားဖွံ့ဖြိုးရေးအတွက် ဓာတ်ကူးပစ္စည်းဖြစ်လာလိမ့်မည်ဖြစ်ကြောင်း ကမ္ဘာ့စီးပွားရေးဖိုရမ်(ဒဗလျူအီးအက်ဖ်) က ဟောကိန်းထုတ်ထားသည်။

ထိုဟောကိန်းအရပင် တရုတ်နိုင်ငံသည်လည်း ၎င်း၏ စီးပွားရေးကို ပဉ္စမမျိုးဆက် ဆက်သွယ်ရေးနည်းပညာဖြင့် ထိန်းကျောင်းလည်ပတ်မည့် စီးပွားရေးစနစ်အဖြစ် လုံးလုံးလျား လျား အသွင်ကူးပြောင်းခြင်းဖြင့် စတုတ္ထစက်မှုတော်လှန်ရေး ခေတ်ကို ဦးဆောင်ရန် ဆန္ဒရှိထားသည်။ တရုတ်အစိုးရ၏လက်ရှိ ‘Made In China 2025’ လှုပ်ရှားမှုသည် တရုတ်နိုင်ငံကို စတုတ္ထစက်မှုတော်လှန်းရေးခေတ်ခေါင်းဆောင်နေရာသို့ တွန်းပို့ပေးနိုင်ပါသည်။

စီးပွားရေးအရွေ့

ကိုရိုနာဗိုင်းရပ်စ်ကြောင့် ကမ္ဘာ့စီးပွားရေးစနစ် ကသောင်းကနင်းဖြစ်နေချိန်တွင် တရုတ်နိုင်ငံသည် စီးပွားရေးအရ ပြန်လည်နာလန်ထူနိုင်ရေးကို ဦးဆောင်နိုင်သော တစ်မူ ထူးခြားသည့် အခြေအနေမျိုးတွင် ရှိနေသည်။ တရုတ်လူမှုသိပ္ပံ အကယ်ဒမီ၏ အစီရင်ခံစာတစ်ရပ်အရ တရုတ်နိုင်ငံသည် နောက်ပိုင်းတွင် ကျယ်ပြန့်သည့် ပြည်တွင်းဈေးကွက်၊ ပြည်တွင်းမှာပင် ဖန်တီးသောနည်းပညာများနှင့် နိုင်ငံသားများ၏ဘ၀ အခြေအနေတို့အား မြှင့်တင်ရေးတို့အပေါ် ပို၍ဝါယမစိုက်မည်ဖြစ်သည်။ အလားတူ ထုတ်လုပ်မှုကုန်ကျစရိတ်နည်းပါး သက်သာသည့် စီးပွားရေးစနစ်ကို လေယာဉ်ဆက်သွယ်ရေး စနစ်၊ အသိဉာဏ်တူကဲ့သို့သော အဆင့်မြင့်နည်းပညာထုတ်ကုန်များ အခြေပြုစီးပွားရေးစနစ်သို့ကူးပြောင်းရန် မဟာဗျူဟာလမ်းကြောင်း အရွှေ့အပြောင်း ပြုလုပ်လျက်ရှိသည်။

တစ်ချိန်တည်းမှာပင် တရုတ်နိုင်ငံသည် ငွေကြေးမူဝါဒကို ပိုနေမြဲ ကျားနေမြဲထိန်းထားရာ ကိုရိုနာဗိုင်းရပ်စ်ကပ်ဘေးကြောင့် စီးပွားရေးဖွံ့ဖြိုးမှုနှုန်း ရေတိုအားဖြင့် ကျဆင်းနိုင်သည့် တိုင် ပြည်တွင်းစီးပွားရေးစနစ်၏ အခြေခံအုတ်မြစ်များမှာ
ရေရှည်အားဖြင့် ဆက်၍အခြေတည်ခိုင်မာနေဦးမည့်လက္ခဏာ ဖြစ်သည်။ သို့ရာတွင် ကျန်ကမ္ဘာ့နိုင်ငံများအတွက်မူ လတ်တလောအားဖြင့် မင်္ဂလာသတင်းမရှိသေးပါ။ ကိုရိုနာဗိုင်းရပ်စ် ပြဿနာကြောင့် ကမ္ဘာ့စီးပွားရေးအလားအလာများမှာ အခြေ မလှနိုင်သေးကြောင်း နိုင်ငံတကာငွေကြေးရန်ပုံငွေအဖွဲ့က ခန့်မှန်းထားသည်။ အမေရိကန်ပြည်ထောင်စုမှာလည်း အနည်းဆုံး သုံးလပတ် နှစ်ပတ်တာကာလအတွင်း စီးပွားရေး ကျပ်တည်းမှုနှင့် ရင်ဆိုင်ရနိုင်ခြေရှိသည်။ နိုင်ငံအချို့မှာလည်း ကြွေးမြီများ ပြန်လည်ပေးဆပ်ရေးအတွက် အခက်အခဲများနှင့်ရင်ဆိုင်ရတော့မည်ဖြစ်ရာ မြီရှင်များအနေဖြင့် ကြွေးမြီများ ပြန်လည်ပေးဆပ်မှုကို ဆိုင်းငံ့ပေးရုံမျှနှင့်မလုံလောက်တော့ဘဲ ကြွေးမြီများ လျှော်ပေးမှသာ သက်သာရာရမည့်ကိန်းဆိုက်နေသည်။

အမေရိကန်ပြည်ထောင်စု၏ ကိုရိုနာဗိုင်းရပ်စ်ပြဿနာအပေါ် တုံ့ပြန်ပုံမှာ အားရစရာမရှိသည့် အခြေအနေမျိုးတွင် ယင်းဗိုင်းရပ်စ်ပြဿနာကို အောင်မြင်စွာထိန်းချုပ်ထားနိုင်မှု၊ ဆင်းရဲသည့်နိုင်ငံများကို အကူအညီကမ်းလှမ်းနိုင်မှုများသည့် အမေရိကန်ပြည်ထောင်စု၏ ကမ္ဘာ့ခေါင်းဆောင်နေရာ၌ အစားထိုးနေရာယူရန် တရုတ်နိုင်ငံအတွက် အခွင့်အလမ်းများ ဖြစ်လာနိုင်ဖွယ်ရှိသည်။ ထိုသို့သော အခြေအနေမျိုးတွင် ကမ္ဘာကြီး၏ ခင်းကျင်းဖွဲ့စည်းမှုပုံစံ အပြောင်းအလဲဖြစ်မလာနိုင်ဟု မည်သူရဲရဲဆိုဝံ့မည်နည်း။

စာကိုး-
The Rise of the Chinese World Order.

ရေးသူ – ဗျည်းနွဲ့