ကိုရိုနာဗိုင်းရပ်စ်အတွက် ပထမဆုံး အသက်ကယ်ဆေးတွေ့

အလွယ်တကူရကာ ဈေးလည်းသက်သာဟုဆို

ဈေးသက်သာ၍ အလွယ်တကူရရှိနိုင်တဲ့ဆေးဝါးဖြစ်တဲ့ ဒက်ဇာမတ်သဆုန်းဆေးဟာ ကိုရိုနာဗိုင်းရပ်ကြောင့် အသက်အန္တာရယ်ရင်ဆိုင်ရသူများကို ကယ်တင်နိုင်ကြောင်း တွေ့ရှိခဲ့တယ်လို့ BBC သတင်းတစ်ရပ်က ဆိုပါတယ်။

အင်္ဂလန်ဆေးဝါးကျွမ်းကျင်သူတွေရဲ့အဆိုအရ ၎င်းဆေးဝါးဟာ အသက်ရှုစက်တပ်ဆင်ထားရသူလူနာအတွက်အသက်ဆုံးရှုံးနိုင်ခြေ ၃ပုံတစ်ပုံခန့်လျှော့ချနိုင်ကာ အောက်ဆီဂျင်ပေးထားရသူလူနာအတွက် ၅ပုံတစ်ပုံအထိ လျှော့ချနိုင်တယ်လို့ဆိုပါတယ်။

ဒီဆေးဟာ လက်ရှိကိုရိုနာဗိုင်းရပ်ကို ကုသဖို့ အပြိုင်အဆိုင်စမ်းသပ်နေတဲ့ ဆေးတွေထဲက တစ်ခုလည်း ဖြစ်ပါတယ်။ ဒီဆေးကို အင်္ဂလန်မှာ ကိုရိုနာဗိုင်းရပ်အကြီးအကျယ်ပြန့်နှံ့စဉ်ရရှိခဲ့ပါက လူအသက် ၅၀၀၀ခန့်ကို ကယ်ဆယ်နိုင်ခဲ့မှာ ဖြစ်တယ်လို့ ဆေးဝါးကျွမ်းကျင်သူပညာရှင်တို့က ဆိုပါတယ်။

ဒီဆေးဟာ ဈေးသက်သာတာကြောင့် ကိုဗစ်-၁၉ရောဂါသည်အရေအတွက် အများအပြားရှိနေတဲ့ ဆင်းရဲတဲ့ နိုင်ငံတွေအတွက် အလွန်အကျိုးရှိစေမှာဖြစ်ပါတယ်။

အဲဒီဆေးနဲ့ စမ်းသပ်ခဲ့တဲ့ ကိုဗစ်-၁၉လူနာ ၂၀မှာ ၁၉ ဦးဟာ ဆေးရုံတင်စရာမလိုဘဲ သက်သာပျောက်ကင်းခဲ့ပြီး ဆေးရုံတက်ဖို့ လိုအပ်တဲ့ လူနာတွေထဲမှာ အောက်ဆီဂျင်နဲ့ အသက်ရှုစက်တပ်ဆင်ဖို့ လိုအပ်တဲ့လူနာတွေပါသော်လည်း ဒီဆေးကို မသုံးစွဲထားတဲ့လူနာတွေထက် အခြေအနေပိုမိုကောင်းမွန်ခဲ့တာတွေ့ရပါတယ်။

စမ်းသပ်မှုကို ဦးဆောင်သူပရောဖက်ဆာပီတာဟော်ဘီက အသက်ရှုစက်တပ်ဆင်ထားရသူလူနာ ၈ယောက်ကို ဒီဆေးနဲ့ကုတိုင်း တစ်ယောက်ကိုကယ်တင်နိုင်မှာဖြစ်တယ်လို့ဆိုပါတယ်။ လက်ရှိအချိန်အထိ အသက်ဆုံးရှုံးမှုကို အများဆုံးလျှော့ချပေးနိုင်တဲ့ဆေးလို့ ဖြည့်စွက်ပြောကြားခဲ့ပါတယ်။

အထက်ပါစမ်းသပ်မှုတွေကို အဲဒီဆေးနဲ့ ၁၀ရက်ကြာကုသခဲ့တာ ဖြစ်ပြီး ကုန်ကျစရိတ်အနေနဲ့ တစ်ရက်ကိုလူနာတစ်ဦးလျှင် ပေါင် ၅ဒသမ၄၀ သာကျသင့်တယ်လို့ သတင်းက ဆိုပါတယ်။

ဒက်ဇာမတ်သဆုန်းဆေးဟာ ကိုဗစ်-၁၉ရောဂါလက္ခဏာမပြသူများနဲ့ အသက်ရှူမှုအခက်အခဲမဖြစ်သူများအပေါ်မှာတော့ ထိရောက်မှုမရှိဘူးလို့ ဆိုပါတယ်။

ဆေးဝါးစမ်းသပ်မှုများကို မတ်လကစတင်ပြုလုပ်ခဲ့ရာ အဲဒီအထဲမှငှက်ဖျားဆေးတစ်မျိူးဖြစ်တဲ့ ဟိုင်ဒရိုကလိုရို ကွင်းဆေးဟာ အသက်ဆုံးရှုံးပိုမိုမြင့်တက်ခြင်းနဲ့ နှလုံးပိုင်းဆိုင်ရာပြဿနာများကြောင့် စမ်းသပ်မှုရပ်ဆိုင်းခဲ့ပြီး ရန်ဒက်ဆီဗာဆေးကတော့ လူနာရဲ့ပြန်လည်ကောင်းမွန်နှုန်းကို မြှင့်တင်ပေးနိုင်တဲ့အတွက် အတည်ပြုခဲ့ပြီးလဲဖြစ်ပါတယ်။

Ref : BBC
သတင်း – ငြိမ်းမောင်
Photo – Twitter