၁၉၅၉ ခုနှစ် တပ်မတော်အက်ဥပဒေကို ပြင်ဆင်သည့်ဥပဒေကြမ်း အတည်ပြု

ပြစ်မှုကျူးလွန်သူတပ်မတော်သားများကို အရေးယူနိုင်မည့်ကာလသတ်မှတ်ချက် အား အဓိကထားပြင်ဆင်ထားသည့် ၁၉၅၉ ခုနှစ် တပ်မတော်အက်ဥပဒေကို ပြင်ဆင် သည့်ဥပဒေကြမ်းကို အမျိုးသားလွှတ်တော်က အတည်ပြုလိုက်သည်။

ဇူလိုင် ၃၀ ရက်က ပြုလုပ်သော အမျိုးသားလွှတ်တော်အစည်းအဝေးတွင် အဆိုပါပြင်ဆင်သည့်ဥပဒေကြမ်းကို လွှတ်တော်အဆုံးအဖြတ်ရယူကာ အတည်ပြုခဲ့ခြင်း ဖြစ်သည်။

ပြင်ဆင်ချက်ဥပဒေကြမ်းသည် ၁၉၅၉ ခုနှစ် တပ်မတော်အက်ဥပဒေပုဒ်မ- ၁၂၅၊ ပုဒ်မခွဲ(၁)ကို ပြင်ဆင်ထားခြင်းဖြစ်ပြီး မူလဥပဒေအရ တပ်မတော်သားများ ပြစ်မှု ကျူးလွန်ပါက သုံးနှစ်ကျော်လွန် ကုန်ဆုံးသည့်အခါတွင် ထိုပြစ်မှုအတွက် စစ်တရားရုံးဖြင့် စစ်ဆေးစီရင်ခြင်းမပြုလုပ်ရဟု ပြဋ္ဌာန်းထားသည်။

ယခုအတည်ပြုခဲ့သည့် ပြင်ဆင်ချက်ဥပဒေကြမ်းတွင် ကာလသတ်မှတ်ချက် သုံးနှစ်ကို ပြစ်မှုစတင်ဖြစ်ပွားသည့် နေ့ရက်မှ စတင်ရေတွက်ရမည့်အပြင် ပြစ်မှုကျူးလွန် သူ တပ်မတော်သားကို တရားခံအဖြစ် စစ်ဆေးတွေ့ရှိပေါ်ပေါက်သည့် နေ့ရက်မှ စတင် ရေတွက်ရန် ပြင်ဆင်ထားခြင်းဖြစ်ကြောင်းသိရသည်။

“ဥပဒေကြမ်းဟာ စစ်စည်းကမ်းထိန်းသိမ်းမှုအတွက်လည်းကောင်း၊ အရေးယူ ထိုက်သူကို အရေးယူခံခြင်းမှ ကင်းလွတ်ခြင်းမရှိစေရန်အတွက်လည်းကောင်း၊ နိုင်ငံ တကာ တပ်မတော်ဆိုင်ရာဥပဒေများနှင့် လိုက်လျောညီထွေမှုရှိစေရန်အတွက် လည်းကောင်း၊ စစ်ဆေးစီရင်ခြင်းဆိုင်ရာကာလသတ်မှတ်ချက်ပြဋ္ဌာန်းချက်ကို အစား ထိုးပြင်ဆင်ခြင်းဖြစ်ပါတယ်”ဟု ဒုတိယဗိုလ်မှူးကြီးအောင်ထွန်းလင်းက လွှတ်တော်သို့ တင်ပြခဲ့ခြင်း ဖြစ်သည်။

ယနေ့အစည်းအဝေးတွင် ၁၉၅၉ ခုနှစ် တပ်မတော်အက်ဥပဒေမှ ပုဒ်မ-၁၂၅၊ ပုဒ်မခွဲ(၁)ကိုပြင်ဆင်ကြောင်း ဒုတိယဗိုလ်မှူးကြီးအောင်ထွန်းလင်းက အဆိုတင်သွင်း ခဲ့မှုအပေါ် အမျိုးသားလွှတ်တော်ကိုယ်စားလှယ်ဦးဖေချစ်က ထောက်ခံခဲ့ပြီး လွှတ်တော် အဆုံးအဖြတ်ရယူရာတွင် ကန့်ကွက်သူမရှိသဖြင့် လွှတ်တော်က အတည်ပြုခဲ့သည်။

သတင်း – မင်းမင်းထွန်း