ရန်ကုန်ကိုဗစ်နဲ့ ပိတ်ဆို့တားဆီးခြင်းများ

ကိုဗစ်ရောဂါဖြစ်ပွားမှုအရှိန်မြင့်လာတာကြောင့် စက်တင်ဘာ ၁၀ ရက်ကစပြီး ရန်ကုန်တိုင်းဒေသကြီးအတွင်းက မြို့နယ် ၂၈ မြို့နယ်ကို မိမိနေအိမ်မှာနေထိုင်ရေး (Stay at Home)အစီအစဉ်မှာ ထည့်သွင်းကြေညာလိုက်ပါတယ်။

ဒီလိုသတ်မှတ်ကြေညာလိုက်ပြီးနောက်မှာတော့ ရန်ကုန်ရဲ့ လမ်းများစွာကို ပိတ်ဆို့တားဆီးခြင်းတွေ ပြုလာခဲ့ ပါတော့တယ်။ လမ်းတွေကိုပိတ်တဲ့အခါ ဝါးလုံးတန်းများနဲ့သော်လည်းကောင်း၊ သစ်သားတန်းများ၊ သံတန်းများ အခိုင်အမာပြုလုပ်ပြီးသော်လည်းကောင်း ပိတ်ဆို့တားဆီးတာတွေ ပြုလာတာကို တွေ့ရသလို သွားလာလို့မရ အောင်ကို နံရံများအဖြစ် ဝါးကတ်များ၊ သစ်သားတန်းများ၊ သံတန်းများနဲ့ပါ အလုံပိတ်တားဆီးကာရံပစ်တာမျိုး တွေအထိ ရှိခဲ့ပါတယ်။

အဲဒီ့လိုပိတ်ဆို့တားဆီးထားတဲ့လမ်းများရဲ့ထိပ်တွေမှာလည်း လူအင်အားအသုံးပြုပြီး တားဆီးစစ်မေးတာတွေပြု လုပ်ကြပါတယ်။ လုပ်ငန်းခွင်သွားရောက်သူတို့ကိုပင် တားဆီးစစ်မေးပြီး ဝင်ခွင့်မပေးဘဲ လာရာလမ်း ကိုပြန်စေခဲ့ တဲ့ ဖြစ်ရပ်တွေရှိခဲ့သလို မခြေမငံပြောဆိုဆက်ဆံမှုတွေလည်း ရှိခဲ့ပါတယ်။

သတင်းဆောင်းပါး – စံတော်ချိန်ဒစ်ဂျစ်တယ်သတင်းအဖွဲ့
ဓာတ်ပုံ – ဖိုးသား