ကြယ်ရနံ့နဲ့သင်းပျံ့မယ့်ကမ္ဘာ

သစ်ရွက်တွေ သူ့သဘောအတိုင်းကြွေ

လေတွေ သူ့အထာအတိုင်းတိုက်တာ

သဘာဝကျလှပါတယ် ။

လမ်းပေါ်မှာ Mask တွေလဲကျနေပြီး

လေထဲ Virus တွေပျံ့နှံ့နေ

သတိကပ်ထားရမယ့် ဉာဏ်

အသိတရားထားရမယ့် ပညာ

အရာရာဆင်ခြင်စဉ်းစားပါ။

ဖြစ်ပြီးရင်ပျက်တယ်ဆိုပေမယ့်

အကြောင်း အကျိုးတော့ရှိရမှာပေါ့

တနင်္ဂနွေ၊ ပြဿဒါး၊ သောကြာ၊ ရက်ရာဇာ

အချိန်တွေ နေ့ရက်တွေ ရွေးမနေပါနဲ့

မေတ္တာတရား နေ့တိုင်းထား ခွန်အားဖြည့်ပါ။

Virus က အသားအရောင် မရွေးဘူး

Virus က လူမျိးဘာသာ မရွေးဘူး

Virus က ဆင်းရဲချမ်းသာ မရွေးဘူး

နဂါးခေါင်းဘယ်ဘက်လှည့်လှည့်

Virus တွေ ကမ္ဘာပေါ်က

လှည့်ပြန်သွားဖို့သာ အရေးကြီးတယ် ။

လက်ကို စင်ကြယ်စွာဆေးပါ

စိတ်ကို ဖြူစင်အောင်တွေးပါ

ကိုယ်ချင်းစာတတ်သူတွေရဲ့ကောင်းကင်မှာ

ကြယ်ဆိုတာ အမြဲလင်းပါတယ်…။ ။

လင်းခ(မော်လမြိုင်)