ခုတင် ၅၅၀ ဆံ့ အင်းယားလိတ် COVID Center ပြင်ဆင်နေမှုများ

COVID-19 အတည်ပြုလူနာများထားရှိရန် ခုတင် ၅၅၀ ဆံ့ အင်းယားလိတ် COVID Center ကို (၇) ရက်အတွင်း အကောင်အထည်ဖော်ဆောက်ရွက်လျက်ရှိသည်။

ဧရိယာ ၉၀၀၀ စတုရန်းမီတာအကျယ်အဝန်းရှိပြီး ရန်ကုန်မြို့တွင်အကြီးဆုံးဖြစ်သည့် ခန်းမအား ကိုဗစ်စင်တာအဖြစ်အသုံးပြုရန် High-Dependency Unit (HDU) များထည့်သွင်းတည်ဆောက်ထားပြီး နောက်ပိုင်းတွင် အခြေအနေပေါ်မူတည်၍ ထပ်မံတိုးမြှင့်သွားဖို့ရှိကြောင်း သိရသည်။

လူနာများ စိတ်သက်သာရာရရှိစေရန် ၂၄ နာရီ Food Court များထားရှိပေးထားခြင်း၊ Wifi များတပ်ဆင်ထားရှိခြင်း၊ Sky Net စက်များတပ်ဆင်ပေးခြင်း၊ ကျန်းမာရေးဝန်ထမ်းများနှင့်ပရဟိတသမားများအတွက် အဆောင်များသီးခြားစီစဉ်ထားခြင်း၊ အစားအသောက်ချက်ပြုတ်ကျွေးမွေးရေးအတွက်စနစ်တကျစီစဉ်ခြင်း၊ ရေချိုးခန်း၊ အိမ်သာများသေချာပြင်ဆင်ထားသည်။

ကမ္ဘောဇကုမ္ပဏီလီမိတက်မှ သိန်း ၇၀၀၀ ကျပ်နှင့် ရွှေသံလွင်ကုမ္ပဏီလီမိတက်မှ သိန်း ၃၀၀၀ ကျပ် တို့၏ ကနဦးမတည်အလှူငွေ သိန်း ၁၀၀၀၀ ကျပ်ဖြင့်ပြင်ဆင်နေခြင်းဖြစ်သည်။

ဓာတ်ပုံ – ရဲမျိုးခန့် / MPA