ချေးငွေဖြေလျှော့မှု ကုထုံး

ကိုဗစ်ကပ်ရောဂါ ဖြစ်ပွားနေစဉ်ကာလအတွင်း ဝင်ငွေနည်း ပြည်သူများ ငွေရေးကြေးရေး အခက်အခဲရှိနေခြင်း၊ လုပ်ငန်းသဘာဝအရ အသေးစားငွေရေးကြေးရေးလုပ်ငန်း အဖွဲ့အစည်းအသီးသီးမှ ချေးငွေကောက်ခံသည့် ဝန်ထမ်းများအနေဖြင့် အများပြည်သူတို့ အကြား ထိတွေ့ဆက်ဆံရသည့်အတွက် ကူးစက်မှုပိုမိုပျံ့နှံ့မှုများ ဖြစ်ပေါ်လာနိုင်ခြင်းနှင့် မလိုလားအပ်သော ကိစ္စရပ်များ ဖြစ်ပေါ်လာနိုင်ခြင်းတို့ကြောင့် အသေးစားငွေရေးကြေးရေး လုပ်ငန်းကြီးကြပ်မှု ကော်မတီက လိုက်နာရန်အချက်များကို ကိုဗစ်ကာလအစောပိုင်း ကတည်းက ထုတ်ပြန်ခဲ့ပြီးဖြစ်သည်။ သို့သော်လည်း ယခုအခါ ဒေသ အသီးသီးရှိ အသေးစားငွေရေးကြေးရေး လုပ်ငန်းအဖွဲ့အစည်းအချို့က ယင်းညွှန်ကြားချက်ကို လိုက်နာမှုမရှိသည့်အပြင် ဒေသန္တရအမိန့်များကို ဖောက်ဖျက်၍ ချေးငွေပြန်လည်ရရှိရေးအတွက် ငွေချေးယူသူ များထံ အတင်းအဓမ္မ ဖိအားပေးတောင်းခံမှုများ ဖြစ်ပေါ်လျက်ရှိသည်။

အသေးစားချေးငွေလုပ်ငန်းများသည် ဘဏ်ချေးငွေလုပ်ငန်း များအပေါ် လက်လှမ်းမမီနိုင်သည့် အခြေခံလူတန်းစားများအတွက် အားကိုးအားထားပြုစရာ အရင်းအမြစ်တစ်ခု ဖြစ်သည်။ အဆိုပါ လုပ်ငန်းများသည် အာမခံပစ္စည်းတင်စရာမလိုဘဲ ငွေကြေးမပြည့်စုံ သူများကို ငွေချေးပေးသည့် ဝန်ဆောင်မှုဖြစ်သည့်အပြင် ဆုံးရှုံးနိုင်ခြေများသည့်လုပ်ငန်းဖြစ်သော်လည်း ချေးငွေကို အကျိုးရှိစွာ အသုံး ပြုနိုင်ပါက အခြေခံလူတန်းစားများ ဆင်းရဲနွမ်းပါးမှုလျှော့ချရေး၊ အခြေခံလူတန်းစားများ၏ လူမှုရေး၊ ပညာရေး၊ ကျန်းမာရေးနှင့်စီးပွားရေးအခြေအနေများ ဖွံ့ဖြိုးတိုးတက်စေရေး ၊ ချွေတာစုဆောင်း သည့် အလေ့အထ ပြုစုပျိုးထောင်ရေးနှင့် အသေးစားစီးပွားရေးလုပ်ငန်းအသစ်များ ထွက်ပေါ်လာကာ အိမ်တွင်းစီးပွားရေးလုပ်ငန်း များ ဖန်တီးချဲ့ထွင်ရေးကို များစွာအကျိုးဖြစ်ထွန်းစေမည်ဖြစ်သည်။ မှတ်တမ်းများအရ မြန်မာနိုင်ငံရှိ မြို့နယ်ပေါင်း ၂၅၂ မြို့နယ်တွင် ငွေရေးကြေးရေးအဖွဲ့အစည်း ၁၉၃ ဖွဲ့က အသင်းသားဦးရေ ၄ ဒသမ ၆ သန်းကို ငွေကြေးဝန်ဆောင်မှုများ ပေးလျက်ရှိသည်။

လက်ရှိတွင် နိုင်ငံတစ်ဝန်းဖြစ်ပွားနေသော ကိုဗစ်ကပ်ရောဂါ ကြောင့် အခြေခံလူတန်းစားအများစုမှာ ဝင်ငွေအခက်အခဲများဖြစ် ပေါ်နေသည်။ အသင်းဝင်များအနေဖြင့် အသေးစားငွေချေးလုပ်ငန်းများမှ ချေးယူထားသည့်ငွေများကို ပြန်လည်ပေးဆပ်ရန် အဆင်မပြေ ဖြစ်နေကြရသည်။ ထို့ကြောင့် ပြည်နယ်၊ တိုင်းဒေသကြီးအသီးသီးရှိ အသင်းဝင်များ၏ အသက်မွေးဝမ်းကျောင်းလုပ်ငန်းများနှင့် စီးပွား ရေးလုပ်ငန်းများလည်ပတ်မှု နှောင့်နှေးခြင်း၊ ရပ်ဆိုင်းခြင်းများ ဖြစ်ပေါ်လျက်ရှိသည်။ အထူးသဖြင့် ကိုဗစ်ပထမလှိုင်းဖြစ်စဉ်က အတိုင်း အတာတစ်ခုအထိ တောင့်ခံထားနိုင်သည့် အခြေခံလူတန်းစားများ သည် တစ်ကျော့ပြန်လှိုင်းတွင် စီးပွားရေးအရ ထိခိုက်ဆုံးရှုံးမှုပိုများ ခဲ့သည်။ ထို့ကြောင့် သက်ဆိုင်ရာအာဏာပိုင်များက အသင်းဝင်များ ထဲမှ ချေးငွေနှင့်အတိုးကို အတင်းအကျပ်ကောက်ခံခြင်းမပြုဘဲ ပေးဆပ်ရမည့်အချိန်ကို အသင်းသားများနှင့် ညှိနှိုင်းကောက်ခံရန် ညွှန်ကြားထားပြီး ဖြစ်သော်လည်း ယခုကဲ့သို့ ချေးငွေ ပြန်လည်ရရှိရန်ဖိအားပေးလုပ်ဆောင်မှုများက အသင်းသားများ၏ လူမှုစီးပွားဘ၀အပေါ်များစွာထိခိုက်စေသည်။

အချုပ်အားဖြင့်ဆိုရလျှင် အသေးစားငွေရေးကြေးရေးလုပ်ငန်း များအနေဖြင့် ကိုဗစ်ကပ်ရောဂါကြောင့် စီးပွားရေးအကျပ်အတည်း ဖြစ်နေမှုကို လျစ်လျူရှု၍ ငွေချေးယူသူများအပေါ် အတင်းအဓမ္မ ဖိအားပေးကောက်ခံနေခြင်းသည် အကျိုးဆက်အဖြစ် အသင်းသား များ အကြွေးနွံနစ်ကာ မလိုလားအပ်သည့် လူမှုပြဿနာဆိုးကျိုးများ ဖြစ်ပေါ်လာနိုင်သည်။ ထို့ကြောင့် သက်ဆိုင်ရာအာဏာပိုင်များအနေ ဖြင့် အသေးစားငွေရေးကြေးရေး လုပ်ငန်းကြီးကြပ်မှုကော်မတီက ထုတ်ပြန်ထားသော အမိန့်ညွှန်ကြားချက်များကို လိုက်နာရန် ပျက်ကွက်သည့် ငွေကြေးအဖွဲ့အစည်းများအား စည်မျဉ်း၊ စည်းကမ်း များအတိုင်း ထိရောက်စွာအရေးယူဆောင်ရွက်ရန် လိုအပ်သကဲ့သို့ ငွေချေးယူသူ အသင်းသားများအနေဖြင့်လည်း မိမိတို့ထံ အတင်းအဓမ္မချေးငွေတောင်းခံမှုများကို သက်ဆိုင်ရာသို့ ထိထိရောက် ရောက်တိုင်တန်းရန် လိုအပ်သည်ဟု စံတော်ချိန်က ရှုမြင်ပါသည်။