ပုဂ္ဂလိကဆေးရုံများ၌ COVID-19 လူနာများကုသနိုင်မည့်လုပ်ငန်းစဉ်များ အမြန်ဆုံးရေးဆွဲဖြန့်ဝေဖို့လိုအပ်ကြောင်း ဒေါက်တာမြင့်ထွေးညွှန်ကြား

ပုဂ္ဂလိကဆေးရုံများတွင် COVID-19 လူနာများကိုလက်ခံကုသနိုင်ရန် ပြီးခဲ့သည်စက်တင်ဘာလက သဘောတူညီခဲ့ပြီးဖြစ်၍ ကျန်းမာရေးစောင့်ရှောက်မှုပေးနိုင်ရန် ရှင်းလင်းပြတ်သားသည့် လမ်းညွှန်မှုများကိုအမြန်ဆုံး ရေးဆွဲဖြန့်ဝေဖို့လိုအပ်ကြောင်း ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီးဒေါက်တာမြင့်ထွေးကညွှန်ကြားလိုက်သည်။

ယမန်နေ့(အောက်တိုဘာ ၁၆ ရက်)က အွန်လိုင်းမှပြုလုပ်သည့်ရန်ကုန်တိုင်းဒေသကြီး၌ လက်ရှိဆောင်ရွက်နေသည့် COVID-19 ကုသရေးနှင့် ပြည်သူ့ကျန်းမာရေးလုပ်ငန်းများအား ဆန်းစစ်သုံးသပ်မှု အပတ်စဉ် အစည်းအဝေးတွင်ဝန်ကြီးက အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။

ကုသမှုနှင့်ပတ်သက်၍ သိရှိလိုသည့်အချက်များကို ဝန်ကြီးဌာနမှအထူးကုဆရာဝန်များထံဆက်သွယ် အကြံပြုချက်တောင်းခံနိုင်ရန် hotline ဖုန်းနံပါတ်များကိုလည်း စီစဉ်ထားရှိစေလိုကြောင်းနှင့် အဆိုပါပုဂ္ဂလိကဆေးရုံနှင့် ဆေးခန်းများအတွက် COVID-19 ဆိုင်ရာ ကုသမှုနည်းစနစ်ပုံစံများကိုလည်း ဆေးတက္ကသိုလ်များနှင့် ဆေးရုံကြီးများမှ ပါမောက္ခဆရာဝန်ကြီးများက ရေးဆွဲပြုစုကာ ဖြန့်ဝေထားရမည်ဖြစ်ကြောင်း ဒေါက်တာမြင့်ထွေးကညွှန်ကြားခဲ့သည်။

ဆက်လက်ပြီး COVID-19 ရောဂါအပြင် အခြားသော ရောဂါအမျိုးမျိုးအတွက် ပဏာမကျန်းမာရေးစောင့်ရှောက်မှု လုပ်ငန်းများနှင့် ပုဂ္ဂလိကကျန်းမာရေးစောင့်ရှောက်မှုလုပ်ငန်းများ၏ အခန်းကဏ္ဍသည် အရေးကြီးသဖြင့် ပုဂ္ဂလိကဆေးရုံများ၊ ဆေးခန်းများနှင့် ပေါင်းစပ်လုပ်ကိုင်ရန် အားပေးရမည်ဖြစ်ကြောင်း အဆိုပါကိစ္စကို ထိရောက်စွာစနစ်တကျအကောင်အထည်ဖော်နိုင်ရန် ရန်ကုန်တိုင်းဒေသကြီး COVID-19 ကာကွယ်၊ ထိန်းချုပ်၊ ကုသရေးဆိုင်ရာ ပေါင်းစပ်ညှိနှိုင်းရေးအဖွဲ့က ပုဂ္ဂလိကဆေးရုံ၊ ဆေးခန်းများနှင့် ဆွေးနွေးရမည်ဖြစ်ကြောင်း ညွှန်ကြားခဲ့သည်။

သတင်း-မိုးသိမ့်နိုင်/စံတော်ချိန်
ဓာတ်ပုံ-M
OHS