ဒဂုံမြို့သစ်(ဆိပ်ကမ်း)ရှိ ရွှေသံလွင်ဘိုးဘွားရိပ်သာမှ ဘိုးဘွား ၆၂ ဦးတွင် COVID-19 ရောဂါပိုးတွေ့ရှိ

ဒဂုံမြို့သစ်(ဆိပ်ကမ်း)မြို့နယ်ရှိ ရွှေသံလွင်ဘိုးဘွားရိပ်သာတွင် ဘိုးဘွား ၆၆ ဦးရှိသည့်အနက် ၆၂ ဦးတွင် COVID-19 ရောဂါပိုးစစ်ဆေးတွေ့ရှိကြောင်း အဆိုပါမြို့နယ် ကျန်းမာရေးဦးစီးမှူး ဒေါက်တာအေးမူယာကျော်ထံမှ သိရှိရသည်။

အဆိုပါဘိုးဘွားရိပ်သာတွင် အောက်တိုဘာ ၁၄ ရက်မှစ၍ ၀န်ထမ်းတစ်ဦးအနံ့ပျောက်သဖြင့် စစ်ဆေးရာမှ အခြားဝန်ထမ်းများနှင့် ဘိုးဘွား ၆၂ ဦး အပါအဝင် စုစုပေါင်း ၈၆ ဦးတွင် ရောဂါပိုးတွေ့ရှိခြင်းဖြစ်သည်။

“ဘိုးဘွားတွေကိုမစစ်ဆေးခင်မှာ ရိပ်သာက၀န်ထမ်းတစ်ဦး အနံ့ပျောက်လို့ အကြောင်းကြားတာနဲ့ စစ်ဆေးရင်းတွေ့သွားတယ်။ ဘိုးဘွားတွေကိုပါ စစ်ဆေးလိုက်တော့ အဘိုးအဘွား ၆၂ ဦး၊ ၀န်ထမ်းမိသားစုတွေနဲ့ အဘိုးအဘွားအပါအ၀င် စုစုပေါင်း ၈၆ ဦးမှာတွေ့ပါတယ်” ဟု ဒေါက်တာအေးမူယာကျော်က ပြောသည်။

ရွှေသံလွင်ဘိုးဘွားရိပ်သာက အောက်တိုဘာ ၁၄ ရက်တွင် စတင်တွေ့ရှိသော COVID-19 အတည်ပြုလူနာများအားချက်ချင်းကုသရေးစင်တာသို့ပို့ဆောင်ခဲ့ကြောင်း၊ သို့ရာတွင် ဘိုးဘွားများအားအနီးကပ်ပြုစုစောင့်ရှောက်မှုမှတစ်ဆင့် ကွင်းဆက်ကူးစက်မှုများဖြစ်ပေါ်ခဲ့ကြောင်း ထုတ်ပြန်ထားသည်။

ဘိုးဘွားများမှာ အသက် ၇၀ အထက် ရှိကြသူများဖြစ်ပြီး ရောဂါကူးစက်မှုခံရသူဘိုးဘွားများအား ဖောင်ကြီးအထူးကြပ်မတ်ကုရေး၊ Fortune happy zone၊ ဝေဘာဂီအထူးကြပ်မတ်ကုသရေး၊ ဧရာဝတီဖောင်ဒေးရှင်းများသို့ အသီးသီး ပို့ဆောင်ပေးခဲ့ကြောင်း သိရသည်။

အဆိုပါစင်တာများသို့ပို့ဆောင်ရာတွင်လည်း ဘိုးဘွားများအားအနီးကပ်စောင့်ရှောက်နိုင်စေရန်ဝန်ထမ်းများအားသီခြားစီတာဝန်ပေးအပ်စီစဉ်ထားကြောင်း၊ ကုသရေးစင်တာရောက် ဘိုးဘွားများ၏ကျန်မာရေးအခြေအနေများလည်းအထူးကောင်းမွန်လျက်ရှိကြောင်း ရွှေသံလွင်ဘိုးဘွားရိပ်သာမှ သိရသည်။

ထို့အပြင် ရောဂါပိုးမတွေ့ရှိရသည့် ဘိုးဘွားများ၏ကျန်းမာရေးကိုလည်း အထူးကြပ်မတ်စောင့်ရှောက်ပေးလျက်ရှိပြီး လက်ရှိဘိုးဘွားရိပ်သာတွင် ဘိုးဘွားနှင့်ဝန်ထမ်း ၃၁ ဦး ကျန်ရှိကြောင်းသိရသည်။

သတင်း – စွမ်းရည်တိုး / စံတော်ချိန်
ဓာတ်ပုံ – ရွှေသံလွင်ဘိုးဘွားရိပ်သာ

ပုံစာ – အဆိုပါရိပ်သာမှ အဘွားတစ်ဦးကိုတွေ့ရစဉ်