စည်းကမ်းချက်နှင့် ညီညွတ်သည့် အလုပ်များ ပြန်ဖွင့်ခြင်းသည် ကိုဗစ်အလွန် နိုင်ငံ့စီးပွားရေး ရေရှည်အကျိုးကို ကြည့်ခြင်းဖြစ်

စည်းကမ်းချက်နှင့် ညီညွတ်သည့်အလုပ်များ ပြန်ဖွင့်ခြင်းသည် ကိုဗစ် (၁၉)အလွန် နိုင်ငံ့စီးပွားရေး ပြန်လည်ကောင်းမွန် တည့်မတ်နိုင်ရေးကိုရည်ရွယ်ပြီး ရေရှည်အကျိုးကို ကြည့်ခြင်းဖြစ်ကြောင်း အလုပ် သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီး ဌာန ပြည်ထောင်စုဝန်ကြီး ဦးသိန်းဆွေက အောက်တိုဘာ ၁၆ ရက်တွင် ပြောသည်။

ကိုဗစ်(၁၉)ကပ်ရောဂါ ကာလအတွင်း စက်ရုံ/အလုပ်ရုံများ ဖွင့်လှစ်ဆောင်ရွက် နေမှု အခြေ အနေများ အပါအဝင် လူမှုဖူလုံရေး အကျုံးဝင် စက်ရုံ၊ အလုပ်ရုံ၊ လုပ်ငန်းဌာနများရှိ အလုပ်သမားများ၊ ဝန်ထမ်းများအား လူမှုဖူလုံရေး ထောက်ပံ့ငွေများ ဆက်လက် ခွင့်ပြုထုတ်ပေးနေသည့် အခြေအနေများ နှင့်ပတ်သက်၍ အလုပ်သမား အဖွဲ့အစည်းများမှ ကိုယ်စားလှယ်များနှင့် Video Conference စနစ်ဖြင့် ဆွေးနွေးစဉ် ဝန်ကြီးက ပြောဆိုလိုက်ခြင်းဖြစ်သည်။

ပြည်ထောင်စုဝန်ကြီးက “ယခု ကိုဗစ် (၁၉) ကပ်ရောဂါ ဒုတိယလှိုင်း ကူးစက်ပြန့်ပွားမှုကာလတွင် အလုပ် သမားရေးရာကဏ္ဍအား ဦးစားပေးကဏ္ဍအဖြစ် သတ်မှတ်ပြီး ဆောင်ရွက်နေသည်ဟုဆိုကာ အောက်တိုဘာ ၁၂ ရက်မှစ၍ ကျန်းမာရေးနှင့် အားကစားဝန်ကြီးဌာနက သတ်မှတ်ထားသည့် (A)အဆင့်ရှိသည့် စက်ရုံ၊ အလုပ်ရုံ များအား သတ်မှတ်ထားသည့် စည်းမျဉ်း/စည်းကမ်းချက်များနှင့်အညီ ရန်ကုန်တိုင်းဒေသကြီး အစိုးရအဖွဲ့အစီအစဉ် ဖြင့် လုပ်ကိုင်ခွင့်ပြုပေးခဲ့ပြီးဖြစ်ကြောင်း၊ ကိုဗစ်(၁၉)အလွန်ကာလတွင် စီးပွားရေးပြန်လည်ကောင်းမွန်လာရေး၊ တည့်မတ်နိုင်ရေးအတွက် ရည်ရွယ်၍ ရေရှည်အကျိုးကိုကြည့်ကာ သက်ဆိုင်သူ အားလုံးက ပူးပေါင်းဆောင် ရွက်သွားရန် လိုအပ်မည်ဖြစ်ကြောင်း၊ အချို့စက်ရုံ၊ အလုပ်ရုံများအား မူလသတ်မှတ်ချက် များနှင့် ကိုက်ညီမှုရှိသည့် အတွက် ဆက်လက်လုပ်ကိုင်ခွင့်ပြုသည့်အပေါ် အလုပ်သမားအချို့၏ စိုးရိမ်ပူပန်မှုများကိုလည်း နားလည်ကြောင်း နှင့် ကျန်းမာရေးနှင့်အားကစားဝန်ကြီးဌာန၏ သတ်မှတ်ချက်များနှင့် ကိုက်ညီစေရန် အလုပ်ရှင်နှင့် အလုပ်သမား အားလုံးက တိကျစွာလိုက်နာလုပ်ဆောင်ကြရန် အထူးအရေးကြီးကြောင်း” ပြောဆိုခဲ့သည်။

ဆက်လက်ပြီး ထောက်ပံ့မှုများအနေဖြင့် ကိုဗစ်(၁၉) ပထမလှိုင်းကာလ ဧပြီ ၂၀ ရက်မှမေ ၁၅ရက်အတွင်း ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်များနှင့်အညီ အစစ်ဆေးခံရန် ခေတ္တပိတ်ထားသော စက်ရုံ၊ အလုပ်ရုံ၊ လုပ်ငန်းဌာနပေါင်း ၆၄၂၉ခု မှ အလုပ်သမားပေါင်း ၈၀၀၂၆၀အတွက် ငွေကျပ်သန်း ၁၉၆၄၀ ဒသမ ၆၃၆ကို ခွင့်ပြုထုတ်ပေးခဲ့ပြီး ကျန်သောဌာနများကိုလည်း စိစစ်ခွင့်ပြုပေးလျက်ရှိကြောင်း ဝန်ကြီးက ပြော သည်။

ထို့ပြင် ကိုဗစ်(၁၉) ဒုတိယလှိုင်း ကာလရောဂါကူးစက်ပျံ့နှံ့မှုကို ပိုမိုထိရောက်စွာ ကာကွယ်ထိန်းချုပ်နိုင်ရေး အတွက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ထုတ်ပြန်သော အမိန့်ကြော်ငြာစာ အမှတ်တို့အရ Stay at Home အစီအစဉ်တွင် အကျုံးဝင်သော ရန်ကုန်တိုင်းဒေသကြီးအတွင်းရှိ စက်ရုံ၊ အလုပ်ရုံ၊ လုပ်ငန်းဌာနများတွင်ရှိသော အလုပ်သမား ၈၆၃၉၀၀အတွက် လူမှုဖူလုံရေးထောက်ပံ့ငွေ ၄၀ ရာခိုင်နှုန်း အားခွင့်ပြု ပေးရန် ငွေကျပ် ၆၀၁၄၆ သန်း လျာထားဆောင်ရွက်လျက်ရှိကြောင်း၊ လူမှု ဖူလုံရေးထောက်ပံ့ငွေများ လျှောက်ထား ရာတွင် Online Webportal နှင့် မြို့နယ်ရုံးခွဲမှတစ်ဆင့် လျှောက်ထားခြင်းများကို အောက်တိုဘာ ၁၅ ရက်အထိ လျှောက်ထားမှု အချက်အလက်ပြည့်စုံသည့် ဌာန၁၁၂၃ဌာနမှ အာမခံအလုပ်သမား ၁၅၅၈၂၂ ဦး အတွက်ခွင့်ပြုငွေ ကျပ် ၁၀၅၅၀ ဒသမ ၀၃၂ သန်းကို ခွင့်ပြုပေးခဲ့ပြီး ကျန်အလုပ်ဌာနများကိုလည်း ဆက်လက်ထုတ်ပေးသွားမည် ဖြစ်ကြောင်းဝန်ကြီးက ပြောသည်။

သတင်း – စည်သူဟိန်း

ဓာတ်ပုံ – BBC