ပုံစံ(၁၅)သည် မဲဆန္ဒရှင်တစ်ဦးကို မဲနှစ်ခါပေးနိုင်သည့် အခွင့်အရေးဖြစ်နိုင်၍ ပြန်လည်သုံးသပ်ရန် ရွေးကောက်ပွဲကော်မရှင်သို့ ပြည်ခိုင်ဖြိုး အိတ်ဖွင့်စာပေးပို့

မဲဆန္ဒနယ် ပြင်ပရောက်နေသူများ ကြိုတင်မဲပေး နိုင်ရန် ပုံစံ(၁၅)ဖြင့် လျှောက်ထားနိုင်ကြောင်း ထုတ်ပြန် ချက်သည် မဲဆန္ဒရှင်တစ်ဦးကို မဲနှစ်ခါပေးနိုင်သည့် အခွင့် အရေးဖြစ်နိုင်၍ ပြန်လည်စိစစ်သုံးသပ်ပေးရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အောက်တိုဘာ ၁၅ ရက် နေ့စွဲဖြင့် ပြည်ထောင်စုရွေးကောက်ပွဲ ကော်မရှင်ရုံးသို့ အိတ်ဖွင့်ပေးစာပေးပို့လိုက်ကြောင်း သိရသည်။

ကိုဗစ်(၁၉) ရောဂါနှင့်စပ်လျဉ်းသည့် ကျန်းမာရေး ဆိုင်ရာ ညွှန်ကြားချက်များကြောင့် မိမိမဲဆန္ဒနယ်သို့ပြန်လည်ဆန္ဒမဲပေးခြင်း မပြုနိုင်သည့် မဲဆန္ဒနယ်ပြင်ပရောက် မဲဆန္ဒရှင်များအနေဖြင့် ရောက်ရှိသည့် မဲဆန္ဒနယ်တွင် မူလမဲဆန္ဒနယ်က လွှတ်တော်ကိုယ်စားလှယ် လောင်းကို ကြိုတင်ဆန္ဒမဲပေးနိုင်ရန် ပုံစံ(၁၅)ဖြင့် လျှောက်ထားနိုင်ကြောင်း ပြည်ထောင်စုရွေးကောက်ပွဲကော်မရှင် ရုံးက အောက်တိုဘာ ၈ ရက်တွင် ထုတ်ပြန်ကြေညာခဲ့သည်။

မဲဆန္ဒနယ်ပြင်ပရောက် မဲဆန္ဒရှင်များ ကြိုတင်မဲ ပေးနိုင်ရေးနှင့်ပတ်သက်၍ ပြည်သူ့လွှတ်တော် ရွေးကောက်ပွဲနည်းဥပဒေ -၅၄ တွင် ကြိုတင်ဆန္ဒမဲပေးနိုင်သူ ခုနစ်မျိုးကိုသတ်မှတ်ထားပြီး မဲဆန္ဒနယ် ပြင်ပရောက် အခြားမဲဆန္ဒရှင်များအတွက် မိမိတို့ရောက်ရှိရာမဲဆန္ဒနယ် မှ မူလမဲဆန္ဒနယ်ရှိ လွှတ်တော်ကိုယ်စားလှယ်လောင်း အား ကြိုတင်ဆန္ဒမဲပေးခြင်းဆိုင်ရာ လုပ်ထုံးလုပ်နည်းကို ပြည်သူ့လွှတ်တော်ရွေးကောက်ပွဲနည်းဥပဒေတွင် ဖော်ပြ ထားခြင်းမရှိကြောင်း အဆိုပါ အိတ်ဖွင့်ပေးစာ၌ ပါရှိသည်။

ရွေးကောက်ပွဲ ဥပဒေ၊ နည်းဥပဒေပြဋ္ဌာန်းချက်များတွင် မပါရှိသော ဆောင်ရွက်ချက်တစ်ခုကို အရေးပေါ် အနေဖြင့် ဆောင်ရွက်မည်ဆိုပါကလည်း ကြေညာချက် ပါမဲဆန္ဒရှင်များအတွက် ယင်းတို့၏ မူလမဲဆန္ဒနယ်ရှိမဲစာရင်းတွင် အမည်စာရင်းပယ်ဖျက်ပြီးစီးကြောင်း အထောက်အထားနှင့် ကြိုတင်မဲပေးမည့်သူများ၏ စာရင်း ကို မြို့နယ်အလိုက် ရွေးကောက်ပွဲမကျင်းပမီ ဆောလျင်စွာ အတိအလင်းထုတ်ပြန်ကြေညာပေးသင့်ကြောင်းလည်း ပါရှိသည်။

ထိုသို့ ဆောင်ရွက်ပေးမှသာ မဲဆန္ဒရှင်တစ်ဦးက မဲဆန္ဒနယ်တစ်နယ်အတွက် ဆန္ဒမဲနှစ်ခါပေးခြင်းမျိုးကို ကာကွယ်ပေးနိုင်မည်ဖြစ်ပြီး မဲမသမာမှုများကိုလည်းကြိုတင်စစ်ဆေးထိန်းချုပ်နိုင်မည်ဖြစ်ကြောင်း ပြည်ခိုင်ဖြိုး ပါတီက ပေးပို့သည့်စာတွင် ဖော်ပြထားသည်။

ထို့ကြောင့် မိမိတို့မဲဆန္ဒနယ်သို့ ပြန်လည်၍ ဆန္ဒမဲ ပေးခြင်းမပြုနိုင်သော မဲဆန္ဒနယ်ပြင်ပရောက် မဲဆန္ဒရှင်များသည် ဆန္ဒမဲပေးပိုင်ခွင့် မဆုံးရှုံးစေရန်အလို့ငှာ မိမိတို့ ရောက်ရှိနေသော မြို့နယ်ကော်မရှင်အဖွဲ့ခွဲများသို့ ဆက်သွယ်၍ ကြိုတင်ဆန္ဒမဲဖြင့် ဆန္ဒမဲပေးနိုင်ရန် ပုံစံ(၁၅) များရယူလျှောက်ထားနိုင်ကြောင်း ဖော်ပြထားခြင်းသည် သက်ဆိုင်ရာ လွှတ်တော်အသီးသီး၏ ရွေးကောက်ပွဲ ဥပဒေ၊ နည်းဥပဒေများတွင် ဖော်ပြထားခြင်းမရှိသည့် အပြင် မဲဆန္ဒရှင်တစ်ဦးက မဲနှစ်ခါပေးနိုင်မည့် အခွင့် အရေးမျိုးဖြစ်ပေါ်နေသည်ကို သုံးသပ်တွေ့ရှိရကြောင်း၊ ထို့ကြောင့် ပြည်ထောင်စုရွေးကောက်ပွဲ ကော်မရှင်က အောက်တိုဘာ ၈ ရက်တွင် ထုတ်ပြန်ခဲ့သည့် ကြေညာ ချက်ကို ပြန်လည်စိစစ်သုံးသပ်သင့်ကြောင်း အိတ်ဖွင့်ပေး စာဖြင့် တင်ပြထားခြင်းဖြစ်သည်။

သတင်း – မင်းမင်းထွန်း