ရက်ပိုင်းအတွင်း COVID – 19 ရောဂါပိုးတွေ့ရှိမှု ရာခိုင်နှုန်းပြန်လည်မြင့်တက်

ယနေ့ (အောက်တိုဘာ ၂၆ ရက်) ညပိုင်းထုတ်ပြန်ချက်အရ COVID-19 ရောဂါတွေ့ရှိမှု ရာခိုင်နှုန်း မြင့်တက်လာကြောင်း ကျန်းမာရေးနှင့် အားကစားဝန်ကြီးဌာန၏ သတင်းထုတ်ပြန်ချက်များအရ သိရသည်။

ယနေ့ထုတ်ပြန်ချက်အရ (၂၄) နာရီအတွင်း ရောဂါစစ်ဆေးမှု (၁၂၄၀၀) ဦးကိုစစ်ဆေးရာ (၁၄၂၆) ဦးတွေ့ ရှိသည့်အတွက် ပိုးတွေ့ရှိမှုရာခိုင်နှုန်းအရ ၁၁ ဒသမ ၅ ရာခိုင်နှုန်းဖြစ်ပြီး ယနေ့ (အောက်တိုဘာ ၂၆ ရက်)မတိုင်မီ ၃ ရက်ခန့်က ပိုးတွေ့ရှိမှု ရာခိုင်နှုန်းထက်ကျော်လွန် လျက်ရှိနေသည်။

COVID-19 ရောဂါပိုးတွေ့ရှိမှုစာရင်း၌ အောက်တိုဘာ ၂၃ ရက်တွင် ၉ ဒသမ ၉ ရာခိုင်နှုန်း၊ အောက်တိုဘာ ၂၄ ရက်တွင် ၁၀ ရာခိုင်နှုန်းနှင့် အောက်တိုဘာ ၂၅ ရက်တွင် ၈ ဒသမ ၄၃ ရာခိုင်နှုန်းရှိခဲ့သည်။

သေဆုံးနှုန်းနှင့်ပြန်ကောင်းနှုန်းမှာမူ အဆိုပါ ၃ ရက်တာကာလအတွင်း ရာခိုင်နှုန်းသည် သိသာစွာပြောင်းလဲခြင်းမရှိခဲ့ကြောင်း မှတ်တမ်းများအရ သိရသည်။

သတင်း- နေမင်းကျော်/စံတော်ချိန်