ပြည်သူတွေ ရွေးကောက်ပွဲနေ့မှာ စိတ်လုံလုံခြုံခြုံနဲ့ မဲသွားပေးနိုင် သီတင်းကျွတ်မှာ လူစုလူဝေးမဖြစ်တဲ့ အစီအစဉ်တွေလုပ်ဖို့ သတိပေးချင်

“Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေးအမျိုးသားအဆင့်ဗဟိုကော်မတီဥက္ကဋ္ဌ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုဗစ်-၁၉ ရောဂါဖြစ်ပွားမှု နောက်ဆုံးအခြေအနေနှင့်စပ်လျဉ်း၍ ပြည်သူများသို့ အစီရင်ခံတင်ပြသည့် မိန့်ခွန်း”

မနေ့က တစ်ရက်၊ နှစ်ရက်ဆိုရင် ကျွန်မတို့ ပြည်သူတွေအတွက် ကိုဗစ်ရောဂါနဲ့ပတ်သက်လို့ စဉ်းစားစရာပေါ့။ တစ်နေ့တုန်းက ဆိုရင် တက်သွားတယ်။ တက်သွားတယ်ဆိုတော့လည်း စိတ်ပူစရာပေါ့။ မနေ့တုန်းကဆိုရင် နည်းနည်းကျလာတယ်။ ကျလာတယ် ဆိုရင် ထိန်းသိမ်းရင် ကျသွားနိုင်တယ်ဆိုတဲ့အသိနဲ့ ဆက်ပြီးတော့ သတိထားဖို့ လိုပါလိမ့်မယ်။ သိပ်ပြီးတော့ ပေါ့သွားလို့ မဖြစ်ပါဘူး။ ဒါပေမဲ့ စည်းမျဉ်းစည်းကမ်းကို ထိန်းသိမ်းခြင်းအားဖြင့် ကိုဗစ်ကို ထိန်းနိုင်တယ်ဆိုတာ ပြတာပါပဲ။ ဆက်ပြီးတော့ ကျွန်မတို့ ကြိုးစားသွားရမယ်။ တိုင်းဒေသကြီးနဲ့ ပြည်နယ်အလိုက်တင်မကဘူး။ မြို့နယ်အလိုက် ဒီဟာကို ကြိုးစားရမှာပါ။ ဘာဖြစ်လို့လဲဆိုတော့ နေ့တိုင်း နေ့တိုင်း ဘယ်မြို့နယ်တွေမှာ ဘယ်လောက် အသစ်တွေ့တယ်ဆိုတာကို ထုတ်ပြန်တယ်။

အဲဒီတော့ မြို့နယ်အသီးသီးက ကိုယ့်မြို့နယ်မှာ တက်နေပြီဆိုရင် ကိုယ်ကနေ အနေ အထိုင်ဆင်ခြင်ရမယ်။ နောက်ပြီးတော့ မြို့နယ်နဲ့ပတ်သက်လို့ အုပ်ချုပ်ရေးပိုင်းဆိုင်ရာ ကလည်း ဂရုစိုက်သင့်တာကို စိုက်ရမယ်ဆိုတာ သဘောပေါက်အောင်လို့ ဖြစ်ပါတယ်။ တချို့မြို့နယ်တွေကလည်း ကိုယ့်မြို့နယ်မှာ ကျသွားပြီဆိုရင် ပေါ့ပေါ့မနေဘဲ သတိထားလို့ ဒီလိုကျသွားတယ်ဆိုပြီး ဆက်ပြီးသတိထားဖို့က အင်မတန်မှ အရေးကြီးပါတယ်။

ပြည်သူတွေအားလုံး သိတဲ့အတိုင်းပဲ ကျန်းမာရေးနှင့်အားကစားဝန်ကြီးဌာနက ကိုဗစ်ဒုတိယလှိုင်း နည်းနည်းကြာလာတာနဲ့အမျှ ဒီဟာကို ဘယ်လိုရင်ဆိုင်ရမယ်၊ ဘယ် လိုကျော်လွှားရမယ်၊ ဆက်ပြီးတော့တွေ့တဲ့ ကိုဗစ်ရောဂါရှိနေတဲ့ ပြည်သူတွေကို ဘယ်လို စောင့်ရှောက်ရမယ်၊ ကုသရမယ်ဆိုတာ ပိုပိုပြီးတော့ နားလည်လာပါတယ်။ ပိုပိုပြီး နားလည်တာနဲ့အမျှ ပိုပြီး ထိထိရောက်ရောက်ကိုင်တွယ်နိုင်ပါတယ်။ ဒီအချိန်မှာဆိုရင် ပုဂ္ဂလိကဆေးခန်းတွေ၊ ပုဂ္ဂလိကဆေးရုံတွေ ပိုမိုပြီးတော့ ကိုဗစ်ရောဂါထိန်းချုပ်ရေးထဲမှာ ပါနိုင်အောင်လို့လည်း ကျွန်မတို့ အစီအစဉ်တွေ လုပ်နေပါတယ်။ ပြည်သူတွေအနေနဲ့ လည်း ကိုယ့်ဘာသာကိုယ် ရွေးချယ်ပိုင်ခွင့်ရှိအောင်လို့ပါ။ ပုဂ္ဂလိကဆေးခန်းတွေကို သွား ချင်တယ်၊ ပုဂ္ဂလိကဆေးရုံတွေကို တက်ချင်တယ်ဆိုရင် ကိုဗစ်ကြောင့်ပဲဖြစ်ဖြစ်၊ ရှိပြီးသား အခံရောဂါတွေ၊ တခြားရောဂါတွေကြောင့်ပဲဖြစ်ဖြစ် တက်နိုင်အောင်လို့၊ ကိုယ့်ရဲ့ ဆုံးဖြတ်ချက်အရ ရွေးချယ်နိုင်အောင်လို့ပါ။ ဒီလိုရွေးချယ်တဲ့ နေရာမှာလည်း ရွေးချယ်ပြီး တော့သွားတဲ့ ပြည်သူတွေအတွက်ရော၊ ဆေးရုံအတွက်ရော၊ အများပြည်သူအတွက်ရော လုံလုံခြုံခြုံဖြစ်အောင်လို့ ကျန်းမာရေးနှင့်အားကစားဝန်ကြီးဌာနက စည်းမျဉ်းစည်းကမ်း တွေချပြီးတော့ ပုဂ္ဂလိကဆေးခန်းတွေ၊ ဆေးရုံတွေနဲ့ညှိနှိုင်းပြီး လုပ်ဆောင်နေပါတယ်။ ဒီဟာက ပြည်သူတွေအနေနဲ့ ရွေးချယ်ချင်သလို ရွေးချယ်နိုင်တဲ့အပြင် နိုင်ငံတော်ရဲ့ ဆေးရုံ တွေအပေါ်မှာ ဝန်ထုပ်ဝန်ပိုး နည်းနည်းလျော့သွားနိုင်တယ်။ အဲဒါကလည်း ကိုဗစ်ကို ရင်ဆိုင်တဲ့နေရာမှာ အထောက်အကူဖြစ်မယ်လို့ ကျွန်မတို့ ယုံကြည်ပါတယ်။

နောက်တစ်ခုကတော့ ကျွန်မတို့ ထပ်တလဲလဲပြောနေရတဲ့ကိစ္စပေါ့။ တစ်ကမ္ဘာ လုံးက ပညာရှင်တွေက အခြေခံကျန်းမာရေး၊ အခြေခံကျန်းမာရေးလို့ပြောနေပါတယ်။ အခြေခံကျန်းမာရေးကောင်းဖို့ကတော့ အင်မတန်မှအရေးကြီးပါတယ်။ အခြေခံကျန်းမာ ရေးကောင်းဖို့အရေးကြီးတယ်ဆိုတာ တစ်ခါတလေ လက်တွေ့ကျကျ ကြည့်ရပါတယ်။ ပြောတာတော့ လွယ်တယ်ပေါ့။ အခြေခံကျန်းမာရေးကောင်းအောင်နေရမယ်ဆိုတာ အခြေခံကျန်းမာရေးကောင်းအောင်နေရမယ်ဆိုတဲ့ အထဲမှာဆိုရင် အများလက်ခံထား တာက ကိုယ်လက်လှုပ်ရှားမှုရှိရမယ်၊ လေကောင်းလေသန့်ကို ရနိုင်ရမယ်ဆိုတော့ ကိုဗစ်ရောဂါရဲ့ လိုအပ်ချက်အရ အပြင်မထွက်နိုင်တဲ့ နေရာတွေမှာကျတော့ ဒီဟာ ခက်ခဲတယ်ဆိုတာလည်း ကျွန်မ သဘောပေါက်ပါတယ်။ ဒါကြောင့် တတ်နိုင်သလောက်ပေါ့။ ကိုယ့်ရဲ့အခြေအနေအရ ကျန်းမာအောင်နေကြပါ။ မဖြစ်နိုင်တဲ့ကိစ္စတွေကို သိပ်တွေးပြီး တော့ ပူပင်သောက မရှိပါနဲ့။ စားတဲ့သောက်တဲ့နေရာမှာ တတ်နိုင်သမျှ ကျန်းမာအောင်လို့ စားကြပါ။ ဆင်ဆင်ခြင်ခြင်လည်း စားကြစေချင်ပါတယ်။ ။

စားနပ်ရိက္ခာတွေနဲ့ပတ်သက်လို့ နိုင်ငံတော်ကနေပြီးတော့ အခြေခံလိုအပ်ချက်၊ ဥပမာ-ဆန်ပေါ့။ ဆန်မရှားပါးအောင်၊ ဘယ်နေရာမှာမှ ဆန်မပြတ်အောင်၊ အဲဒါတွေ လည်း လုပ်နေပါတယ်။ အဲဒီအပြင်မှာ စေတနာရှင်တွေကနေပြီးတော့ ဆန်၊ ဆီ၊ ဆား လှူတဲ့လုပ်ငန်းတွေ လုပ်လာတယ်ဆိုတာ တွေ့ရတဲ့အခါကျတော့ ကျွန်မတို့အင်မတန်မှ အားလည်းတက်တယ်။ အင်မတန်မှလည်း ဂုဏ်ယူပါတယ်။ ဒါဟာ ကျွန်မတို့နိုင်ငံရဲ့ ကံကောင်းတဲ့ အကျင့်တစ်ခုပဲပေါ့။ အရေးကြီးပြီဆိုရင် သွေးစည်းကြတယ်။ အားလုံးက ဝိုင်းပြီးတော့ ကိုယ်တတ်နိုင်တဲ့ဘက်ကနေပြီး ကူညီပေးကြတယ်။ ပြည့်ပြည့်စုံစုံမရှိတဲ့ ပြည်သူတွေအတွက် ကူညီဖို့ဆိုပြီးတော့ ဆန်၊ ဆီ၊ ဆား လှူတဲ့ အလှူရှင်တွေအားလုံး၊ စေတနာရှင်တွေအားလုံးကိုလည်း ပြည်သူတွေကိုယ်စား ကျေးဇူးတင်တယ်လို့ ကျွန်မ တို့ ပြောချင်ပါတယ်။

“”ပုဂ္ဂလိကဆေးခန်းတွေ၊ ပုဂ္ဂလိကဆေးရုံတွေ ပိုမိုပြီးတော့ ကိုဗစ်ရောဂါထိန်းချုပ်ရေးထဲမှာ ပါနိုင်အောင်လို့လည်း ကျွန်မတို့ အစီအစဉ်တွေ လုပ်နေပါတယ်။ ပြည်သူတွေအနေနဲ့လည်း ကိုယ့်ဘာသာကိုယ် ရွေးချယ်ပိုင်ခွင့်ရှိအောင်လို့ပါ။ ပုဂ္ဂလိကဆေးခန်းတွေကို သွားချင်တယ်၊ ပုဂ္ဂလိကဆေးရုံတွေကို တက်ချင်တယ်ဆိုရင် ကိုဗစ်ကြောင့်ပဲဖြစ်ဖြစ်၊ ရှိပြီးသား အခံရောဂါတွေ၊ တခြားရောဂါတွေကြောင့်ပဲဖြစ်ဖြစ် တက်နိုင်အောင်လို့၊ ကိုယ့်ရဲ့ ဆုံးဖြတ်ချက်အရ ရွေးချယ်နိုင်အောင်လို့ပါ။””

နောက်ပြီးတော့ ကျွန်မတို့ ရေရှည်ကိစ္စတစ်ရပ်လို့ ခဏခဏပြောနေပါတယ်။ ဒါကို ပြည်သူတွေသိအောင် ပြောရမယ်ဆိုရင် ဒီလိုစိန်ခေါ်မှုတွေ အများကြီး ရင်ဆိုင်နေရ ပေမယ့် နိုင်ငံရဲ့အခြေအနေကို ဆိုးဆိုးရွားရွားကြီးမဖြစ်အောင်လို့ ကျွန်မတို့ အတတ်နိုင် ဆုံး ထိန်းထားပါတယ်။ အဲဒါနဲ့ပတ်သက်လို့ ကြိုးစားတယ်ဆိုရင် ကြိုးစားတဲ့အလျောက်တော့ ရလဒ်က ရှိလာတာပဲ။ အခုကျွန်မတို့ လေ့လာလိုက်တဲ့အခါမှာ နိုင်ငံခြားရင်းနှီး မြှုပ်နှံမှုနဲ့ ပတ်သက်ပြီးတော့ ကျွန်မတို့နိုင်ငံရဲ့ အခြေအနေဟာ တချို့အိမ်နီးချင်းနိုင်ငံတွေ နဲ့စာရင် အခြေအနေဟာ ကောင်းတယ်လို့ ပြောနိုင်ပါတယ်။ ဘာဖြစ်လို့လဲဆိုတော့ အခု အချိန်မှာ ၂၀၁၆ ခုနှစ်ကတည်းက ချမှတ်ထားတဲ့ ရည်ရွယ်ချက် ဘယ်လောက်အဆင့် အထိ ပြည်ပရင်းနှီးမြှုပ်နှံမှုတွေရအောင် လုပ်မယ်ဆိုပြီးတော့ ရည်ရွယ်တဲ့ စီမံကိန်းတွေ ချထားတာ ကိန်းဂဏန်းနဲ့ဆိုရင် အခုဒီနှစ်မှာဆိုရင် ၉၈ ရာခိုင်နှုန်း ပြည့်စုံပါတယ်။ ဒီလို ကိုဗစ်ရောဂါဖြစ်တာတောင်မှ ကျွန်မတို့ရဲ့ရည်မှန်းချက်ပန်းတိုင်နဲ့စာရင် ၂ ရာခိုင်နှုန်းပဲ လျော့တယ်လို့ ပြောလို့ ရပါတယ်။ အဲဒါကို ပိုပြီးတော့ အကောင်းဘက်က ကြည့်မယ်ဆိုရင် နောက်နှစ်လတောင် ကျန်သေးတယ်။ နောက် နှစ်လအတွင်းမှာ ဒီ ၂ ရာခိုင်နှုန်းလည်း ပြည့်ချင်ပြည့်သွားနိုင်တာပေါ့။ မပြည့်ဘူးဆိုရင်တောင် ဒီလိုအချိန်မျိုးမှာ ၉၈ ရာခိုင်နှုန်း အထိ အောင်မြင်တယ်ဆိုတာ အခြေအနေကိုထိန်းသိမ်းတဲ့နေရာမှာ မဆိုးဘူးလို့ပြော ရမှာပါ။ တခြား အိမ်နီးချင်းနိုင်ငံတော်တော်များများမှာဆိုရင် ဒီထက်ပိုပြီး အခြေအနေက စိုးရိမ်စရာဖြစ်တယ်လို့ ပြောလို့ရပါတယ်။ ကျွန်မအနေနဲ့ တခြားနိုင်ငံတွေကို မလေးစား တဲ့အနေနဲ့ ပြောတာမဟုတ်ပါဘူး။ ပြည်သူတွေအနေနဲ့ နားလည်နိုင်အောင်လို့ပါ။ ဒီလို ပဲ ခန့်မှန်းချက်က ၁၀၀ ရာခိုင်နှုန်း မပြည့်ဘူးဆိုပေမယ့် ၉၈ ရာခိုင်နှုန်းဆိုတော့ အင်မတန် မှ အောင်မြင်မှုဘက်က ပိုတယ်လို့ပဲ ပြောရမှာဖြစ်ပါတယ်။

နောက်တစ်ခုက ရွေးကောက်ပွဲက နီးနီးလာတာပေါ့။ အခုဆိုရင် နှစ်ပတ်တောင် မလိုတော့ပါဘူး။ ရွေးကောက်ပွဲနဲ့ပတ်သက်ပြီးတော့လည်း ကျွန်မတို့ ပြင်ဆင်သင့်တာ တွေအားလုံး ပြင်ဆင်ထားပါပြီ။ တရုတ်နိုင်ငံကနေ ရွေးကောက်ပွဲအတွက် လိုအပ်မယ့် ကျန်းမာရေးအကာအကွယ်ပစ္စည်းတွေကို ရွေးကောက်ပွဲအမီရောက်ဖို့ စီစဉ်ထားတာတွေ လည်း အစီအစဉ်အရ နေ့တိုင်းနေ့တိုင်းကို လေကြောင်းခရီးနဲ့ရောက်လာပါတယ်။ တစ်တိုင်းပြည်လုံး လိုအပ်တဲ့နေရာတွေကို ပြည့်ပြည့်စုံစုံဖြန့်ချိပေးဖို့လည်း စီစဉ်ထားပြီး ဖြစ်ပါတယ်။

ရွေးကောက်ပွဲနဲ့ပတ်သက်ရင် တခြားနိုင်ငံတွေရဲ့ ရွေးကောက်ပွဲတွေမှာ ဘယ်လို လုပ်သလဲဆိုတာ လေ့လာထားပါတယ်။ တခြားနိုင်ငံတွေမှာ ကျန်းမာရေးဘက်က လုံလုံ ခြုံခြုံနဲ့ ရွေးကောက်ပွဲဖြစ်အောင်လို့ ဘယ်နိုင်ငံတွေက ဘယ်လိုလုပ်သလဲပေါ့။ ကျွန်မ တို့က အချမ်းသာဆုံးနိုင်ငံထဲက မဟုတ်ပေမယ့်လည်း အကောင်းဆုံးအစီအစဉ်တွေကို ကြည့်ပါတယ်။ အစီအစဉ်တွေက အမျိုးမျိုးပါပဲ။ တစ်နေရာနဲ့တစ်နေရာ မတူပါဘူး။တချို့နေရာတွေမှာဆိုရင် အစီအစဉ်တွေက ပိုပြီးတော့ စိတ်ချရတယ်လို့ ပြောရမှာပေါ့။ တချို့နေရာတွေကျတော့ သိပ်စိတ်ချရတဲ့ပုံစံမရှိပါဘူး။ ကျွန်မတို့က အကောင်းဆုံးအစီ အစဉ်တွေကို ကြည့်ပြီး ကျွန်မတို့ နိုင်ငံရဲ့ လိုအပ်ချက်နဲ့၊ ကျွန်မတို့နိုင်ငံရဲ့ အရင်းအမြစ်ရှိတဲ့ အတိုင်းအတာနဲ့ဆိုရင် ဘယ်လိုပုံစံနဲ့ လုပ်ရမလဲဆိုတာ သေသေချာချာစဉ်းစားပြီးတော့ လုပ်တာပါ။ ဒါကြောင့် ပြည်သူတွေအနေနဲ့ ရွေးကောက်ပွဲနေ့မှာ စိတ်လုံလုံခြုံခြုံနဲ့ မဲသွား ပေးဖို့ အခြေအနေတွေ ရှိပါတယ်လို့ ကျွန်မအနေနဲ့ ပြောချင်ပါတယ်။ မဲပေးဖို့လည်း တိုက်တွန်းပါတယ်။ ဒါဟာ ကျွန်မ ထပ်တလဲလဲပြောသလို နိုင်ငံသူနိုင်ငံသားများရဲ့ တာဝန်လည်း ဖြစ်ပါတယ်။ အခွင့်အရေးလည်းဖြစ်ပါတယ်။ အောင်နိုင်ဖို့ဆိုတာဟာ ရွေး ကောက်ပွဲလည်း အောင်အောင်မြင်မြင်ကျင်းပနိုင်ရမယ်။ နောက်ပြီးတော့ ကိုဗစ်ရောဂါ ကိုလည်း အောင်အောင်မြင်မြင် ကျော်လွှားနိုင်ရမှာပါ။ ခြုံငုံပြီး ပြောရမယ်ဆိုရင် ကျွန်မ တို့ပြည်သူတွေဟာ အခုလောက်ဆိုရင်တော့ ကိုဗစ်ရောဂါအကြောင်းကို တော်တော်သိ နေကြပြီလို့ ထင်ပါတယ်။ ကျွန်မကတော့ ထပ်တလဲလဲ ပြောနေရလို့ တော်တော် သိနေ ပြီလို့ ယူဆပါတယ်။ ဒါပေမဲ့ လည်း မပေါ့ပါနဲ့။ ဘယ်လောက်ပဲသိသိ၊ သိတဲ့အတိုင်း ကိုယ် က လုပ်ဆောင်မှ၊ ဆောင်ရွက်မှ၊ နေမှ၊ ထိုင်မှ ထိရောက်မှာပါ။

အချက်အလက်တွေ အားလုံးသိပြီး ခေါင်းထဲမှာ ကိုဗစ်နဲ့ပတ်သက်တဲ့ ဗဟုသုတ တွေ ပြည့်လျှံနေပြီးတော့ ဒီဗဟုသုတတွေကို လက်တွေ့ကျကျ အသုံးမချဘူးဆိုရင် ထိန်းချုပ်ရေးဘက်မှာ သိပ်ပြီးတော့ ထိရောက်မှာ မဟုတ်ပါဘူး။ တစ်ပတ်၊ နှစ်ပတ်လောက် နေ့စဉ်၊ နေ့စဉ်ရောဂါဖြစ်နှုန်းက အင်မတန်မှ တက်သွားတယ်။ ၂၀၀၀ ကျော်သွားတယ် ဆိုတော့လည်း အားလုံးအတွက် စိုးရိမ်စရာပေါ့။ ဒါပေမဲ့ အခုရက်ပိုင်းတွေအတွင်းမှာ တဖြည်းဖြည်း ကျလိုက်၊ တက်လိုက်ဆိုပေမယ့်လည်း ထပ်ပြီးတော့ ထိုးတက်တဲ့အခြေ အနေမရှိအောင် အခုထက်ထိ ထိန်းထားနိုင်ပါတယ်။ မနေ့ကဆိုရင် ၁၀၀၀ အောက်ကျတယ်။ ဒါပေမဲ့ မနက်ဖြန်ပြန်တက်ရင် တက်မှာပေါ့။ ဒါပြောလို့မရဘူး။ အတက် အကျလေးတွေတော့ ရှိဦးမှာပဲ။ နည်းနည်း ပြန်တက်လိုက်၊ ကျလိုက်ဆိုရင် ဒါဟာ စိုးရိမ် လွန်တယ်လို့လည်း မဟုတ်ပါဘူး။ ထိန်းထားပြီးတော့ တဖြည်းဖြည်း၊ တဖြည်းဖြည်း ကျတဲ့ ဘက်ကို ရောက်သွားဖို့ပါ။ တက်လိုက်၊ ကျလိုက်နဲ့ နည်းသွားတဲ့ဘက်ကို ရောက်သွားဖို့ဟာ အရေးကြီးပါတယ်။

ဒါကြောင့် ပြည်သူတွေအနေနဲ့ ကိုယ့်ရဲ့လုပ်ဆောင်ချက်တွေအရ ကိုယ်ထိန်းထိန်း သိမ်းသိမ်းနေလို့ ဒီလိုဖြစ်တယ်လို့လည်း ကျေနပ်မှုရှိနိုင်ပါတယ်။ မထိန်းမသိမ်းနေရင် တော့ ပြန်ပြီးတော့ ဒီလှိုင်းကြီးက မြင့်တက်လာနိုင်တယ်ဆိုတာကိုလည်း မမေ့ဖို့ အင်မတန် မှအရေးကြီးပါတယ်။ ဒါကြောင့် ပြည်သူတွေအားလုံး ကျန်းမာချမ်းသာအောင်နေနိုင်ကြပါစေလို့ ဆုတောင်းမေတ္တာ ပို့သအပ်ပါတယ်။

သီတင်းကျွတ် နီးလာပြီဆိုတော့ သီတင်းကျွတ်အတွက် အစီအစဉ်တွေ လုပ်တဲ့ အခါမှာ လူစုလူဝေးမဖြစ်တဲ့ အစီအစဉ်တွေပဲလုပ်ဖို့ ကျွန်မအနေနဲ့ သတိပေးချင်ပါတယ်။ ဘာဖြစ်လို့လဲဆိုတော့ နှစ်တိုင်းနှစ်တိုင်းမှာဆိုရင် ပြည်သူတွေအနေနဲ့ သီတင်းကျွတ် အချိန်မှာ ဘုရားသွားတာ၊ ကျောင်းသွားတာ၊ ဘုန်းတော်ကြီးကျောင်းတွေသွားတာ၊ စေတီ တော်ကြီးတွေကို သွားပြီးဖူးတာတွေဟာ လုပ်နေကျအလုပ်တွေ ဖြစ်ပါတယ်။ ဒါပေမဲ့ အခုအချိန်မှာတော့ လုပ်လို့ မဖြစ်ပါဘူး။ လုပ်လို့မဖြစ်တဲ့အခါကျတော့ တခြားနည်းနဲ့ ကျွန်မတို့ရဲ့ အထွတ်အမြတ် ဘာသာရေးအရ၊ ဗုဒ္ဓဘာသာအရ အထွတ်အမြတ်နေ့ တစ်နေ့ဖြစ်တဲ့ သီတင်းကျွတ်ကို ကျွန်မတို့ ဆင်နွှဲရမှာပါ။ ကုသိုလ်ရအောင်ပေါ့။ ကုသိုလ်ရ အောင်ဆိုတာ မနောနဲ့၊ စိတ်ဓာတ်နဲ့ကို ကုသိုလ်ရအောင် လုပ်လို့ရပါတယ်။ ဥပမာဆိုရင် မေတ္တာပို့တာ၊ တရားမှတ်တာ၊ ဘုရားဝတ်ပြုတာတွေဆိုတာ ဘယ်နေရာမဆို လုပ်လို့ရ ပါတယ်။ နောက်ပြီးတော့ တတ်နိုင်သလောက် ကိုယ့်ရဲ့ အိမ်မှာ မီးပုံးလေးတွေ၊ မီးလေး တွေ လှပအောင်ဆင်တာလည်း လူစုလူဝေးမဖြစ်ဘဲ၊ ကိုဗစ်ရောဂါအန္တရာယ်ကို မပြန့်ပွား စေဘဲ လုပ်နိုင်တဲ့ကိစ္စတွေ ဖြစ်ပါတယ်။ ဒါကြောင့် သီတင်းကျွတ်ကို ကုသိုလ်လည်းရ အောင်၊ စိတ်လည်းအေးချမ်းရအောင် ဘယ်လိုဆင်နွှဲကြမယ်ဆိုတာ အခုကတည်းက စဉ်းစားထားကြပါ။ သီတင်းကျွတ်ကလည်း သိပ်ပြီးမကြာတော့ပါဘူး။ သီတင်းကျွတ် အချိန်မှာလည်း အားလုံးကို စိတ်ရွှင်လန်းစေချင်ပါတယ်။ ကျန်းကျန်းမာမာ၊ ချမ်းချမ်းသာ သာနဲ့လည်း ရှိစေချင်ပါတယ်။

အားလုံးကို မေတ္တာပို့သအပ်ပါတယ်။

ဓာတ်ပုံ-နိုင်ငံတော်အတိုင်ပင်ခံရုံး