ပြည်တွင်းပဋိပက္ခများချုပ်ငြိမ်းရေးနှင့် ဒီမိုကရေစီဖက်ဒရယ်အရေးကမ်းလှမ်းမှု

၂၀၂၀ ပါတီစုံဒီမိုကရေစီအထွေထွေရွေးကောက်ပွဲသည် နိုဝင်ဘာ ၈ တွင်အောင်မြင်စွာပြီးဆုံးခဲ့ပြီဖြစ်သည်။ ပါတီပေါင်း ၉၁ ခု၊ လွှတ်တော်ကိုယ်စားလှယ်လောင်း ၅၆၃၉ ဦး ဝင်ရောက်ယှဉ်ပြိုင်ခဲ့ကြပြီး အမျိုးသားဒီမိုကရေစီအဖွဲ့ချုပ်ပါတီ (NLD) မှ ကိုယ်စားလှယ်လောင်း ၁၁၃၁ ဦး ဝင်ရောက်ယှဉ်ပြိုင်ခဲ့ကြသည်။

ရွေးကောက်ပွဲရလဒ်များအရ အမျိုးသားဒီမိုကရေစီအဖွဲ့ချုပ်ပါတီက အစိုးရတစ်ရပ်ဖွဲ့နိုင်ပြီဆိုသည့်အတွက် ပထမဦးဆုံးထုတ်ပြန်ကြေညာခဲ့သည့် ကြေညာချက်မှာ ဒီမိုကရေစီ ဖက်ဒရယ်ပြည်ထောင်စုအရေးအတွက် တိုင်းရင်းသားပါတီများပူးပေါင်းပါဝင်ဆောင်ရွက်ကြရန် ဖိတ်ခေါ်ကမ်းလှမ်းသည့် ကြေညာချက်ပင်ဖြစ်သည်။

အမျိုးသားဒီမိုကရေစီအဖွဲ့ချုပ်က “နောင်အနာဂတ်မြန်မာနိုင်ငံအတွက် ရှေးရှုရမည့် ပြည်ထောင်စုအရေးကိစ္စ” ဟုခေါင်းစဉ်တပ်၍ တိုင်းရင်းသားပါတီ ၄၈ ခုကိုဖိတ်ခေါ်သည့် ကြေညာချက်ကို ရွေးကောက်ပွဲအပြီး ၄ ရက်အကြာ နိုဝင်ဘာ ၁၂ ရက်တွင် တရားဝင်ထုတ်ပြန်ခဲ့သည်။ ထို့နောက် စံတော်ချိန်သတင်းဌာန၏ဆက်သွယ်မေးမြန်းမှုတွင် ပါတီပေါင်း ၂၀ ထပ်တိုး၍ စုစုပေါင်းတိုင်းရင်းသားပါတီ ၆၈ ခုဖြစ်ကြောင်း ပါတီ၏ပြောခွင့်ရပုဂ္ဂိုလ်ဒေါက်တာမျိုးညွန့်ကပြောသည်။

တိုင်းရင်းသားပါတီများ၏ ရည်မှန်းချက်သည် အဖွဲ့ချုပ်၏ ရည်မှန်းချက်များနှင့် တူညီကြသည်ဖြစ်ရာ အဖွဲ့ချုပ်အနေဖြင့် နောင်အနာဂတ်တွင် တိုင်းရင်းသားလူမျိုးစုများ၏ ဆန္ဒများကို အလေးထားဆောင်ရွက်သွားမည်ဖြစ်ကြောင်း၊ တိုင်းရင်းသားပါတီများအနေဖြင့်လည်း အဖွဲ့ချုပ်ကဖော်ဆောင်မည့် ဒီမိုကရေစီဖက်ဒရယ်ပြည်ထောင်စုအရေးကို တက်တက်ကြွကြွပူးပေါင်းပါဝင်ကြလိမ့်မည်ဟု မျှော်လင့်ကြောင်း ဖော်ပြပါရှိခဲ့သည်။

ယင်းသို့ အမျိုးသားဒီမိုကရေစီအဖွဲ့ချုပ်ပါတီက တိုင်းရင်းသားများနှင့်ပတ်သက်သည့် ကြေညာချက်ကို ထုတ်ပြန်ကြေညာလိုက်သည့်အတွက် မြန်မာ့နိုင်ငံရေးလေ့လာသုံးသပ်သူများ၊ ပြည်တွင်းငြိမ်းချမ်းရေးစောင့်ကြည့်အကဲခတ်နေသူများနှင့် တိုင်းရင်းသားပါတီများကြား သုံးသပ်ဆွေးနွေးမှုအမျိုးမျိုးရှိလာခဲ့သည်။

ရွေးကောက်ပွဲကျင်းပမှုမရှိခဲ့သည့် ပြည်နယ်များထဲမှ ရခိုင်ပြည်နယ်၊ စစ်တွေအခြေစိုက် ရခိုင်အမျိုးသားပါတီ ANP မှ ဒုတိယဥက္ကဌ ဒေါ်အေးနုစိန်က အာဏာရအစိုးရအနေဖြင့် တိုင်းရင်းသားပါတီများအပေါ် ၅ နှစ်ကျော်ကာလအတွင်းဆွေးနွေးညှိနှိုင်းမှုမရှိခဲ့ခြင်းကို ပြုပြင်ခြင်းအတွက်ကြိုဆိုကြောင်း အဆိုပါကြေညာချက်နှင့်ပတ်သက်ပြီး သုံးသပ်သည်။

“ဖိတ်ခေါ်ချက်ထုတ်ပြန်တဲ့အပေါ်မှာ ဦးစွာကျွန်မတို့ကကြိုဆိုပါတယ်။ ဘာလို့လဲဆို ဖက်ဒရယ်ဒီမိုကရေစီပြည်ထောင်စုကို အတူတကွတည်ဆောက်ကြမယ်ဆိုရင် ဒီလိုတိုင်းရင်းသားပါတီလို့ပြောကြတဲ့ပါတီတွေနဲ့ အနိုင်ရပါတီဟာ တွဲပြီးမဆောင်ရွက်လို့မရပါဘူး။ လက်တွဲဆောင်ရွက်မှသာ ကျွန်မတို့တကယ်စစ်မှန်တဲ့ ဖက်ဒရယ်ပြည်ထောင်စု ရုပ်လုံးပေါ်လာဖို့၊ အောင်မြင်လာဖို့လမ်းစတွေဖြစ်ပါတယ်။ ၂၀၁၅ ခုနှစ်နဲ့ ၂၀၂၀ ခုနှစ်မှာ တိုင်းရင်းသားတွေနဲ့ မဆွေးနွေးမှုတွေ မညှိနှိုင်းမှုတွေနဲ့ နေခဲ့တယ်ဆိုတဲ့ ဝေဖန်ချက်တွေအပေါ်မှာ NLD အစိုးရကပြုပြင်လိုက်တဲ့အတွက်လည်း ကြိုဆိုပါတယ်” ဟု ၎င်းကပြောသည်။

အမျိုးသားဒီမိုကရေစီအဖွဲ့ချုပ် NLD ပါတီ၏ပြောခွင့်ရပုဂ္ဂိုလ် ဒေါက်တာမျိုးညွန့်က တိုင်းရင်းသားပါတီများအား ဖိတ်ခေါ်ကမ်းလှမ်းမှုနှင့်ပတ်သက်ပြီး ပါတီ၏ မူဝါဒကို ရှင်းပြသည်။

“မူကတော့ ရွေးကောက်ပွဲမတိုင်ခင်မှာ မဟာမိတ်မထားပါဘူး။ ပြည်သူများရဲ့အဆုံးအဖြတ်ကိုခံယူမယ်လို့ ကျွန်တော်တို့ကကြေညာပါတယ်။ ပြည်သူတွေကနေရွေးချယ်ပြီးတော့ ပြည်သူ့လွှတ်တော်ထဲ ရောက်လာတဲ့အခါမှာ ရှေ့ဆက်သွားရမယ့် ဒီမိုကရေစီဖက်ဒရယ်ရေးမှာတော့ တိုင်းရင်းသားနိုင်ငံရေးပါတီအားလုံးနဲ့ ရည်မှန်းချက်ချင်းတူတဲ့ပါတီအားလုံး ပူးပေါင်းဆောင်ရွက်ပါ့မယ်ဆိုတဲ့ဟာကို ကြေညာလိုက်တာပါ” ဟုဆိုသည်။

ရွေးကောက်ပွဲမတိုင်မီ နိုဝင်ဘာလ(၄) ရက်ကပြုလုပ်သည့် သမ္မတအိမ်တော်သတင်းစာရှင်းလင်းပွဲ၌ နိုင်ငံတော်သမ္မတရုံးပြောရေးဆိုခွင့်ရှိသူ ဦးဇော်ဌေးက ၂၀၂၀ ရွေးကောက်ပွဲအလွန် ဒီမိုကရေစီဖက်ဒရယ် ပြည်ထောင်စုတည်ဆောက်ရေးအစီအစဉ်၌ အမျိုးသားညီညွတ်ရေး၊ အမျိုးသားပြန်လည်သင့်မြတ်ရေးကို ဦးစားပေးသော အမျိုးသားညီညွတ်ရေးအစိုးရပုံစံမျိုး ဖွဲ့စည်းဆောင်ရွက်သွားရန်ရှိကြောင်း သတင်းမီဒီယာများကို ပြောကြားခဲ့သည်။ သို့သော် အမျိုးသားဒီမိုကရေစီအဖွဲ့ချုပ်အနေဖြင့် စစ်မှန်သော ဖက်ဒရယ်ပြည်ထောင်စုသာရည်ရွယ်ထားကြောင်း ဒေါက်တာမျိုးညွန့်ကဆိုသည်။

“သမ္မတရုံးကတော့ အမျိုးသားညီညွတ်ရေးလို့ ကြေညာထားတာပဲခင်ဗျ။ ကျွန်တော်တို့က စစ်မှန်တဲ့ ဖက်ဒရယ်ပြည်ထောင်စုကိုပဲ ရည်ရွယ်ပြီး ဆောင်ရွက်နေတာပါ။ ဘယ်လိုပုံစံဆိုတာတော့ ဆုံးဖြတ်ပြီးသား မရှိသေးပါဘူး” ဟုပြောသည်။

သမ္မတရုံးပြောခွင့်ရ ဦးဇော်ဌေး၏ ပြောကြားချက်နှင့်ပတ်သက်ပြီး အမျိုးသားညီညွတ်ရေးအစိုးရပုံစံဖွဲ့စည်းမည်ဆိုလျှင် ပါဝင်သင့် ပါဝင်ထိုက်သူများကို ပါလီမန်စနစ်ကျင့်သုံးသည့် နိုင်ငံများထက် ပိုမိုကျယ်ကျယ်ပြန့်ပြန့် ထည့်သွင်းနိုင်မည်ဟု လွှတ်တော်ကိုယ်စားလှယ်ဟောင်း နိုင်ငံရေးလေ့လာသုံးသပ်သူ ဦးရဲထွန်းက မှတ်ချက်ပြုသည်။

“ဒီလို စကားပြောရုံပဲ ခင်ဗျားတို့ ဘာတွေဖြစ်ချင်တုန်း။ ကျွန်တော်တို့ကတော့ ဖက်ဒရယ်ပြည်ထောင်စု ဖော်ဆောင်မှာ။ ကျွန်တော်တို့အစိုးရ လိုအပ်တဲ့ဟာကို အကြံဉာဏ်ပေးကြပါ။ ကူညီကြပါဆိုတာလောက်နဲ့ပဲ ပြီးသွားမှာလား။ ဒါမှမဟုတ်ရင်လည်း သက်ဆိုင်ရာပြည်နယ်တွေမှာရှိတဲ့ လွှတ်တော်ထဲမှာရောက်ရှိနေတဲ့ လွှတ်တော်ကိုယ်စားလှယ်တွေထဲကနေပြီး တချို့သင့်တော်တဲ့သူတွေကို သင့်တော်တဲ့နေရာမှာ ဝန်ကြီးချုပ်တွေပေးမှာလား။ ဒါမှမဟုတ်လည်း အဲဒီပြည်နယ်တွေမှာ ဝန်ကြီးအဖွဲ့ဖွဲ့တဲ့အခါမှာ ဝန်ကြီးအဖြစ်နဲ့ ထည့်သွင်းမှာလား။ ဒါမှမဟုတ်ရင်လည်း ပြည်ထောင်စုအဆင့်မှထည့်သွင်းလို့လည်းရတယ်။ လွှတ်တော်ကိုယ်စားလှယ်ဖြစ်စရာမလိုဘူးလေ” ဟု ၎င်းကပြောသည်။

ဆက်လက်ပြီး ဦးရဲထွန်းက အမျိုးသားညီညွတ်ရေးအစိုးရဆိုသည်မှာ လွှတ်တော်အတွင်းရှိနေသည့် နိုင်ငံရေးပါတီပေါင်းစုံ (သို့မဟုတ်) အဓိကပါတီကြီးများပါဝင်သော ကျယ်ပြန့်သည့် ညွန့်ပေါင်းအစိုးရကိုခေါ်တွင်ပြီး စစ်ဖြစ်ပွားနေချိန်နှင့် အခြားသော နိုင်ငံလုံးဆိုင်ရာအရေးပေါ်အခြေအနေများ ရင်ဆိုင်ရသည့်အချိန်မျိုး၌သာ စည်းလုံးညီညွတ်ရေး အထူးလိုအပ်နေချိန် ဖွဲ့စည်းလေ့ရှိခြင်းကြောင့် လက်ရှိအာဏာရပါတီ၏ တိုင်းရင်းသားပါတီများအား ဖိတ်ခေါ်မှုနှင့် အဓိပ္ပါယ်ကွဲလွဲကြောင်း ဦးရဲထွန်းက စံတော်ချိန်သို့သုံးသပ်ပြသည်။

“ဖက်ဒရယ်ပြည်ထောင်စုစနစ်သွားမယ်ဆိုတာကို တပ်မတော်ကလည်း သဘောတူညီထားပြီးသားဖြစ်တယ်။ တိုင်းရင်းသားတွေအနေနဲ့လည်း ရွေးကောက်ပွဲမှာ ရှုံးသွားတဲ့အခါ သူတို့ကိုပစ်ပယ်ရာလည်းမရောက်အောင်ဆိုတဲ့ရည်ရွယ်ချက်။ ရည်ရွယ်ချက်ကတော့ စည်းလုံးညီညွတ်ရေး အရေးကြီးတယ်။ ဖက်ဒရယ်ပြည်ထောင်စုစနစ်ကိုသွားဖို့အတွက် ဘာတွေလိုသလဲဆိုတာ ဝိုင်းဝန်းပြီးကူညီကြဖို့ဆိုတဲ့အဓိပ္ပါယ်။ နည်းနည်းလေးကွဲတာပေါ့” ဟု နိုင်ငံရေးလေ့လာသူဦးရဲထွန်းက ပြောသည်။

တိုင်းရင်းသားပါတီအချို့မှ အဆိုပါဖိတ်ခေါ်ကမ်းလှမ်းမှုမှာ တရားဝင်စာမရောက်ရှိသေးသော်လည်း ကြိုဆိုလျှက်ရှိကြောင် စံတော်ချိန်၏မေးမြန်းမှုတွင် ထည့်သွင်းပြောဆိုထားသည်။

ရှမ်းတိုင်းရင်းသားများ ဒီမိုကရက်တစ်ပါတီ ဥက္ကဋ္ဌ ဦးစိုင်းအိုက်ပေါင်းက “စာကို ဖေ့စ်ဘုတ်မှာပဲတွေ့ရတယ်။ ကျွန်တော်တို့ဆီတော့ ရောက်မလာသေးဘူး။ စာရဲ့သဘောအရဆိုရင်တော့ ကောင်းပါတယ်။ ဖက်ဒရယ်ပြည်ထောင်စုဖြစ်ဖို့ဆိုအားလုံးကပါဝင်မှာပဲ။ ဖက်ဒရယ်ပြည်ထောင်စုဖြစ်မှပဲ တိုင်းပြည်ကအေးချမ်းမှာပေါ့” ဟု ဆိုသည်။

လက်ရှိတွင် ဒီမိုကရေစီဖက်ဒရယ်ပြည်ထောင်စုအရေး ပူးပေါင်းရန်ကမ်းလှမ်းသည့်အတွက် ကြိုဆိုကြောင်း “နောင်အနာဂတ်မြန်မာနိုင်ငံအတွက် ရှေးရှုရမည့် ပြည်ထောင်စုအရေးကိစ္စ” ကို မည်သည့်လမ်းစဉ်ဖြင့် အကောင်အထည်ဖော်မည်ကို မှတ်ချက်မပြုနိုင်ကြောင်း ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန်ကပြောသည်။

“အခုကတော့ အတူတကွဆောင်ရွက်ကြမယ်ဆိုတဲ့ ကမ်းလှမ်းတဲ့အဆင့်ပဲရှိတယ်။ ဘယ်လိုအတူတကွဆိုတဲ့နည်းလမ်းကို ကျွန်မတို့ တိတိကျကျ သိတဲ့အခါမှာတော့ တစ်မျိုးဖြစ်မယ်။ အခုပဏာမအနေနဲ့ကတော့ တကယ့်ကို လှိုက်လှိုက်လှဲလှဲကြိုဆိုပါတယ်။ တစ်ပါတီထဲက အစိုးရဖွဲ့နိုင်တဲ့လွှတ်တော်ကိုယ်စားလှယ် အလုံအလောက် အနိုင်ရရှိထားပြီဆိုတော့ NLD ပါတီကပဲဦးဆောင်ပြီးတော့ ဖွဲ့မှာပေါ့။ ကျွန်မတို့ကတော့ ဒီမိုကရေစီလမ်းကြောင်းမှာ ဖက်ဒရယ်ပြည်ထောင်စုကိုမျှော်မှန်းပြီး ဆောင်ရွက်ကြတဲ့အခါမှာ ကျွန်မတို့ပြည်ထောင်စုတိုင်းရင်းသားတွေရဲ့ စိတ်ဆန္ဒနဲ့ မလျော်ညီဘဲ ဆီလျော်တဲ့ လုပ်ငန်းစဉ်တွေအတိုင်းဖြစ်မြောက်အောင်ဆောင်ရွက်တဲ့ အစိုးရတစ်ရပ်ကိုပဲလိုချင်တယ်” ဟု ဆိုသည်။

လက်ရှိအခြေအနေအရ ပြည်သူတင်မြှောက်သည့်အစိုးရတစ်ရပ်ကိုမြင်တွေ့ရနိုင်သော်လည်း တိုင်းရင်းသားပေါင်းစုံနေထိုင်သည့် နိုင်ငံဖြစ်ခြင်းကြောင့် တိုင်းရင်းသားအားလုံးကြိုက်နှစ်သက်သော နိုင်ငံရေးပုံစံလိုအပ်ကြောင်း ရှမ်းတိုင်းရင်းသားများ ဒီမိုကရက်တစ်ပါတီကလည်း သုံးသပ်သည်။

“လူထုက ရွေးကောက်တင်မြှောက်တဲ့အစိုးရဖြစ်လာမှာတော့ အမှန်အကန်ပဲလေ။ ဒါပေမယ့် ကျွန်တော်တို့ ပြည်ထောင်စုမြန်မာနိုင်ငံက လူမျိုးတစ်မျိုးထဲရှိတဲ့ နိုင်ငံမဟုတ်ဘူး။ ဖက်ဒရယ်ပြည်ထောင်စုဆိုတာ တိုင်းရင်းသားပေါင်းစုံနေတဲ့ နိုင်ငံ။ အဲဒီတော့ တိုင်းရင်းသားတွေအားလုံးက ကြိုက်နှစ်သက်တဲ့ပုံစံဖြစ်မှ ငြိမ်းချမ်းမှာ” ဟု ရှမ်းတိုင်းရင်းသားများ ဒီမိုကရက်တစ်ပါတီဥက္ကဋ္ဌ ဦးစိုင်းအိုက်ပေါင်းကပြောသည်။

တပ်မတော်ကာကွယ်ရေးဦးစီးချုပ်ရုံးက ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးအတွက် ထုတ်ပြန်ချက်ဟုဆိုကာ ရွေးကောက်ပွဲအပြီး နိုဝင်ဘာ ၉ ရက်တွင် ဒုတိယဗိုလ်ချုပ်ကြီး ၅ ဦးဖြင့် တပ်မတော်၏ ငြိမ်းချမ်းရေးဆွေးနွေးမှုကော်မတီကို ဖွဲ့စည်းကြောင်း ကြေညာခဲ့သည်။

ယင်းထုတ်ပြန်ချက်တွင်လည်း NCA လက်မှတ်ထိုးထားသည့် တိုင်းရင်းသားလက်နက်ကိုင်အဖွဲ့များ၊ NCA မထိုးရသေးသည့် တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးလုပ်ငန်းစဉ်များ အမြန်ဆုံးဆွေးနွေးညှိနှိုင်းရန်လိုအပ်ကြောင်း ထည့်သွင်းဖော်ပြခဲ့သည်။

အချုပ်အားဖြင့်ဆိုရလျှင် အနာဂတ်မြန်မာနိုင်ငံအတွက် တိုင်းရင်းသားပြည်သူလူထုများ လိုလားတောင့်တနေသည့် အချင်းအရာမှာ ပြည်တွင်းပဋိပက္ခချုပ်ငြိမ်းရေးနှင့် ဖက်ဒရယ်ပြည်ထောင်စုပေါ်ထွန်းရေးတို့သာဖြစ်ပါသည်။ ထိုအကြောင်းချင်းရာတို့ ပေါ်ထွန်းလာရေးသည် လာမည့် ငါးနှစ်သက်တမ်းကို ဆက်လက်အုပ်ချုပ်စီမံခွင့်ရရှိမည့် ဒေါ်အောင်ဆန်းစုကြည်ဦးဆောင်သည့် အမျိုးသားဒီမိုကရေစီအဖွဲ့ချုပ်အစိုးရအပေါ်တွင် အဓိကမူတည်နေပြီဖြစ်ပါသည်။

သတင်းဆောင်းပါး – နေမင်းကျော်၊ မိုးသိမ့်နိုင်/စံတော်ချိန်
ဓာတ်ပုံ – ဖိုးစိုင်း(ဂျာနယ်လစ်)