ထောက်ခံသူများသာမက မထောက်ခံသူများ၏ အခွင့်အရေးများကိုလည်း ကာကွယ်မည်ဟု NLD ပါတီ ပြည်သူသို့အသိပေး

အမျိုးသားဒီမိုကရေစီအဖွဲ့ချုပ်ကို ထောက်ခံသူများသာမက မထောက်ခံသူများ၏ အခွင့်အရေးကိုလည်း ကာကွယ်စောင့်ရှောက်ရမည်ဟု ခံယူထားကြောင်း အမျိုးသားဒီမိုကရေစီအဖွဲ့ချုပ်ပါတီ NLD က ယနေ့ ( နိုဝင်ဘာ ၁၇ ရက်) တွင် ပြည်သူသို့အသိပေးသည့် ကြေညာချက်တစ်စောင် ထုတ်ပြန်လိုက်သည်။

NLD အနေဖြင့် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး၊ တရားဥပဒေစိုးမိုးရေး၊ ပြည်တွင်းငြိမ်းချမ်ရေးဟူသော နိုင်ငံရေးဦးတည်ချက်များဖြင့် ရွေးကောက်ပွဲများကို ဝင်ရောက်ယှဉ်ပြိုင်ခဲ့သည့်အတွက် ၂၀၂၀ ရွေးကောက်ပွဲတွင် ၈၃ ရာခိုင်နှုန်းကျော်၊ ၂၀၁၅ ရွေးကောက်ပွဲတွင် ၈၀ ရာခိုင်နှုန်းခန့်၊ ၂၀၁၂ ကြားဖြတ်ရွေးကောက်ပွဲတွင် ၉၅ ရာခိုင်နှုန်းကျော်၊ ၁၉၉၀ ပြည့်နှစ်တွင် မဲဆန္ဒနယ်အားလုံး၏ ၈၂ ရာခိုင်နှုန်းကျော် အနိုင်ရရှိခဲ့ခြင်းဖြစ်ကြောင်း ထုတ်ပြန်ထားသည်။

နှစ်ပေါင်း ၃၀ ကျော်ကြာအောင် ပြည်သူလူထု၏ ထောက်ခံမှုကို ဆက်တိုက်ရရှိခြင်းသည် လူထုခေါင်းဆောင် ဒေါ်အောင်ဆန်းစုကြည်၏ အံ့မခန်းသော စည်းရုံးရေး စွမ်းအားကြောင့် ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။

ရွေးကောက်ပွဲတွင် ပြည်သူလူထုက အဖွဲ့ချုပ်အပေါ် ပြတ်ပြတ်သားသား ထောက်ခံခြင်းကြောင့် ပြည်သူလူထု၏ ကျေးဇူးနှင့်ယုံကြည်မှုတို့ကို ကိုက်ညီစေရန် တာဝန်ကျေရမည်ဟု ခံယူထားကြောင်း၊ ပြည်သူလူထု၏ယုံကြည်ချက်၊ မျှော်လင့်ချက်များကို ကြိုးစားဖြည့်ဆည်းသွားမည်ဖြစ်ပြီး ၂၀၂၀ ပြည့်နှစ်၊ ရွေးကောက်ပ်ွကြေညာစာတမ်းပါ ဦးတည်ချက် (၃) ရပ်နှင့်အညီ ဆက်လက်လုပ်ဆောင်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

သတင်း – သီတာလွင်/စံတော်ချိန်