ရွေးကောက်ပွဲရလဒ်အား လက်မခံသည့် သဘောထားသက်ရောက်သော ဆောင်ရွက်ချက်များ မပြုလုပ်ရန် ရွေး/ကော်အသိပေး

ရွေးကောက်ပွဲလုပ်ငန်းစဉ်များကို ပျက်ပြားစေရန်နှင့် ရွေးကောက်ပွဲရလဒ်အား လက်မခံသည့် သဘောသက်ရောက်စေသော သဘောထားထုတ်ပြန်ချက်များနှင့် ဆောင်ရွက်ချက်များကို နိုင်ငံရေးပါတီများနှင့် အဖွဲ့အစည်းများက ပါဝင်ဆောင်ရွက်ခြင်းမပြုရန် ပြည်ထောင်စုရွေးကောက်ပွဲကော်မရှင်က ယနေ့(ဒီဇင်ဘာ ၃၀ ရက်)တွင် အသိပေးကြေညာခဲ့သည်။

ယခုအချိန်တွင် ရွေးကောက်ပွဲဆိုင်ရာပြစ်မှုများနှင့် တရားမဲ့ပြုကျင့်မှုများအတွက် တင်သွင်းလာသည့် ကန့်ကွက်လွှာများကို စစ်ဆေးနေသည့်ကာလဖြစ်ပြီး ရွေးကောက်ပွဲရလဒ်ကို လက်မခံသည့် သဘောထားသက်ရောက်သော ဆောင်ရွက်ချက်များ မပြုလုပ်ရန် ပြည်ထောင်စုရွေးကောက်ပွဲကော်မရှင်က အသိပေးခဲ့ခြင်းဖြစ်သည်။

အဆိုပါအသိပေး ကြေညာချက်တွင် ၂၀၂၀ ရွေးကောက်ပွဲမဲစာရင်းများနှင့်ပတ်သက်၍ တပ်မတော်သတင်းမှန်ပြန်ကြားရေးအဖွဲ့က ထုတ်ပြန်သည့် မြို့နယ်အချို့၏မဲစာရင်းများသည် အောက်တိုဘာ ၁ ရက်မှ အောက်တိုဘာ ၁၄ ရက်အထိ ဒုတိယအကြိမ်ကပ်ထားသည့် မဲစာရင်းသာဖြစ်ပြီး ထိုမဲစာရင်းတွင် အချက်အလက်များ မှားယွင်းပါက ပြင်ဆင်ရန် နိုင်ငံရေးပါတီများနှင့် လွှတ်တော်ကိုယ်စားလှယ်လောင်းများကိုသာ PDF ဖိုင်ဖြင့် ဖြန့်ဝေထားကြောင်း UEC ကဆိုသည်။

တပ်မတော်သတင်းမှန်ပြန်ကြားရေးအဖွဲ့က ယင်း PDF ဖိုင်ကို Excel ဖိုင်အဖြစ်ပြောင်းလဲကာ ထပ်သည်၊ မှတ်ပုံတင်အမှတ်မပါ၊ မဲမသမာမှုဖြစ်နိုင်သည် စသည်ဖြင့် ဒုတိယအကြိမ်မဲစာရင်းကို အခြေခံကာ ထုတ်ပြန်ထားခြင်းဖြစ်ပြီး နိုဝင်ဘာ ၈ ရက်တွင် မဲပေးသည့် နောက်ဆုံးမဲစာရင်းကို အခြေခံခြင်းမဟုတ်ကြောင်း ပြည်ထောင်စုရွေးကောက်ပွဲကော်မရှင်က ကြေညာချက်တွင် ဖော်ပြထားသည်။

ထို့အပြင် ၂၀၂၀ ရွေးကောက်ပွဲသည် COVID-19 ရောဂါဖြစ်ပွားနေသည့် ကာလအတွင်းဖြစ်သော်လည်း မဲဆန္ဒရှင် ၇၀ ရာခိုင်နှုန်းကျော် လာရောက်မဲပေးသည့်အတွက် ပြည်တွင်း/ပြည်ပရွေးကောက်ပွဲ စောင့်ကြည့်လေ့လာသူများ၊ နိုင်ငံခြားသံရုံးများ၊ နိုင်ငံတကာခေါင်းဆောင်များနှင့် မဲဆန္ဒရှင်များကိုယ်တိုင်က အသိအမှတ်ပြုထားသည့် ရွေးကောက်ပွဲဖြစ်ကြောင်း ဖော်ပြထားသည်။

သတင်း – စွမ်းရည်တိုး / စံတော်ချိန်