ကိုဗစ်ကြောင့် ဗီယက်နမ်ဆီးဂိမ်းပြိုင်ပွဲ ရက်ရွှေ့ဆိုင်းရန်စီစဉ်

နိုဝင်ဘာ ၂၁ ရက်တွင် ဗီယက်နမ်နိုင်ငံ၌ ကျင်းပမည့် အရှေ့တောင်အာရှ အားကစားပြိုင်ပွဲ (ဆီးဂိမ်း)ကို ကိုရိုနာဗိုင်းရပ်စ်ကူးစက်မှုကြောင့် ရက်ရွှေ့ဆိုင်းရန် အိမ်ရှင် ဗီယက်နမ်နိုင်ငံက စီစဉ်နေကြောင်း ဗီယက်နမ်နိုင်ငံပိုင်သတင်းစာအား ကိုးကား၍ ဗန်ကောက်ပို့စ်သတင်းစာတွင် ဇွန် ၈ ရက်က ဖော်ပြထားသည်။

ဗီယက်နမ်အိုလံပစ်ကော်မတီသည် အားကစားပြိုင်ပွဲများအား လာမည့်နှစ် ၂၀၂၂ ခုနှစ် ဇူလိုင်လတွင် ကျင်းပရန် ပါဝင်ယှဉ်ပြိုင်မည့်နိုင်ငံများသို့ အကြောင်းကြားစာ ပေးပို့ထားကြောင်း သိရသည်။

အရှေ့တောင်အာရှအားကစားပွဲကို ဗီယက်နမ်နိုင်ငံ ဟနွိုင်းမြို့တွင် နိုဝင်ဘာ ၂၁ ရက်မှ ဒီဇင်ဘာ ၂ ရက်အထိ နေရာပေါင်း ၁၁ နေရာတွင် ကျင်းပမည် ဖြစ်သည်။ ကျင်းပမည့်နေရာများထဲမှ တချို့နေရာများတွင် ကိုဗစ်မျိုးရိုးဗီဇပြောင်း ရောဂါအသစ် ဖြစ်ပွားနေသော နေရာများဖြစ်ကြောင်း သိရသည်။ ထို့ကြောင့် (၃၁) ကြိမ် အရှေ့တောင်အာရှ အားကစားပြိုင်ပွဲရက်အား လာမည့် ၂၀၂၂ အထိ ရွှေ့ဆိုင်းလိုခြင်းဖြစ်ကြောင်း သိရသည်။

အဆိုပါကိစ္စအား ဗန်ကောက်မြို့တွင် အခြေစိုက်သည့် အရှေ့တောင်အာရှအားကစားပွဲကောင်စီက ယခုရက်ပိုင်းအတွင်း ဆုံးဖြတ်မည်ဖြစ်ကြောင်း သိရသည်။

သတင်း – တေဇာဘုန်းမြင့်